¹ Nukumpela kumiani u Fibi muglii witu, na muitumii wa kanisa nlikoli ku Kenkrea, ² kina musume kukumusingila muaki Shekulu. Tendii itii ku kyaso kya thamani kya aumini, na muimike palumui nunduyo ku lintu lyensi nakausilie nu uhtaji nilyaso. Ndogolelio mwene watula muhudumu wa ingii, nu kunsooko yane ³ Muugie u Priska nu Akila, itumii mulimo palumui ninene ku Kilisito Yesu, ⁴ na kuukalii wane aliahatalisilie ukalii wao enee. Nipunia songela kumiao, na sika du nene, bali gaa ku makanisa tulu ma nsii. ⁵ Lilamukie kanisa nalikoli ku kukaa yao, Mlamukie u Epanieto muilogua wane, na mulelua wa kuandia waki Kilisito ku Asia. ⁶ Mulamukie u Maliamu namutuma mulimo ku ukamatiku kunsooko yani. ⁷ Mulamukie u Androniko nu Yunia, ajamaa anee, ni atungua palumui ninene. Ingi wa muhimu mua mitume, nagaa aliatongile kukumumana u Kilisito kabula yane. ⁸ Mulamukie u Ampliato, muilogua wane kuaki Shekulu. ⁹ Mulamukie u Urbano, muituma mulimo palumui ninene kuaki Kilisito, nu Stakisi muilogua wane. ¹⁰ Mulumukie u Apele, muna kugombua muaki kilisito. Alamukie tulu naili munumba yaki Arisobulo. ¹¹ Namukilie u Herodini, jamaa wane. Namukilie tulu naili munumba yaki Narkiso, nakolii muaki Shekulu. ¹² Namukile u Trifaina nu Trifosa, naikituma mulimoku ukamu kuaki Shekulu. Mulamukie u Persisi muilogua, nuitumile mulimo kukilikila kuaki Shekulu, ¹³ Namukile u Rufo, nalinusagulue muaki Shekulu nu mau wakue nu nuanee. ¹⁴ Mulamukie u Asinkrito,Flegon,Herme, Patroba, Herma, nu antua tulu nai palumui nindio. ¹⁵ Nisalimie Filologo nu Yulia, Nelea nu mununa wakue, nu Olimpa, ni aumini tulu nai palumui nindio. ¹⁶ Namukilie kila umui ku shuno nilielu. Makanisa tulu muaki Klisito makumulamukia. ¹⁷ Inoo nukumupepia, antu, kutafasili kyanya ya asoo naishakiaumutuanuko ni igilio. ilongola sia ni mamanio namuakondaa kukimania. Pilukii mupune kumiao. ¹⁸ Ku ndogolelio antu kina iaa sikaakumutumikila u Kilisito Shekulu, Bali ndaa zao enee. ku nkani zao ntakata ni pongezi za ulongo ikongaa imioo ya nagila kautiulia. ¹⁹ Ku mpiani ya utii wani mukumupikiila kila umui. Kululo, nilumba kyanya yani, lakini numusiilie inye mui ni busala ku hali nya ukende, nu kutokana ni utiuilia ntongela ya udobu. ²⁰ Mukungile wa amani sikukitinia kukumulimansiilia u shetani pansi ya ntilatilio zani. ukende waki Shekulu Yesu Kilisito itule palumui nininye. ²¹ Timotheo, muitumamulimo palumui ninene, umulakilie, nu Lukio, Yasoni nu Sospeter, ni ijamaa anee. ²² Inee, Tertio, nanandikile ibalua iyii, nukumulamukia ku lina lyaki Shekulu. ²³ Gayo, naluntunzile ni ku kanisa tulu,lyukumulamukia. Erasto, mutunza kilindo wa mji, ukumulamukia,palumui nu Kwarto namuntua. ²⁴ (Ambila: ku nakala halisi za kuandia, mukilili uu ukutilii Laa allumi 16:20." ukende waki Shekulu Yesu Kilisito ikale nininye tulu.Amina.") ²⁵ Inoo kumuakue mwene nutite usuumi kutenda muimike kuligana ni mpola ni mamanio maki Yesu Kilisito, Kuligana nu ukunukulua wa unkunku naliupisue ku matungo maliipu, ²⁶ lakini inoo yakondi kunukulua nu kutendua kukumazuka ni mandiko ma unabii kuligana ni amli yaki Mukungile nua kali na kali, ku utii wa usuili mumui mu nsii tulu? ²⁷ Ku Mukungile ung"ene muna hekima, kukilila Yesu Kilisito, itule nu utukufu kali na kali tulu.Amina