¹ Ikawa lisinku imo, Yesu pamile akusambilizya vantu mwihekaluni nu kuhubiri utastamenti, vakuhani vapiti nu valimu wa Sheria vamuliye poka nu vazee. ² Vayanzile, vakumuvuzya, 'Tuvuzye ni kwa mamulaka vuli ukuvomba amambo iga? Au ni nanu uyo akupiye mamulaka iga?" ³ Wope ahajibu, ahavavuzya, 'Nane welele kutimba vuzilizye swali. Mbuzyi ⁴ ulyozyo wa Yohana. Je, lwafumile kumwanya ama kwa vantu?' ⁵ Ilelo vahajadiliana vuvo kwa vuvo, vakuyanga, 'Twayanga, 'wafumile kumwanya, kutiavuzilizye, 'Basi, mbona mutamwitisile?' ⁶ Nu twayanga; lwafumile kuvanadamu; vantu vonti apa kuti vantu home mawe, maana vonti vakwitiha kuti Yohana amile vunabii.' ⁷ Basi, vahamujibu lya kuti vatamanyile kwelwa fumile. ⁸ Yesu ahavuzya, "' Vala nene intakuvavuzya imwe ni kwa mamulaka vuli inkuvomba amambo iga." ⁹ Ahavalilizyo vantu mufano uvu, "Muntu woka awaye mugunda la mpesya, ahalikodisya kwa vakulima wa mampesya, nu ahavala munsi yinji kwa umuda mutali. ¹⁰ Kwa umuda ahapangwilwe, amusontelezizye mumvomvi kwa vakulima mampesya, kuti vamupe isehemu lya mantonongwa lya mugunda la mampesya vahamuhoma, vahamugalusya nyove - zyeka. ¹¹ Kisha ahamusontelezya havili muvomvi wamwavo nu vope vahamuhoma, kumuvomba havivi, nu kumugalusya nyove - zyeka. ¹² Amusontelezizye havili wa vutatu nu vope vahamuvwalazya nu kumusumba panzi. ¹³ Pisho mwene wa mugunda ahayanga, 'Kutimbombe shoni? Kuti imusontelezye mwanawane unsungwa. Labuda valimushindiha.' ¹⁴ Ilelo vakulima mpesya vamulola, vahajadili vuvo kwa vuvo vakuyanga, 'Uno ndiye mupwana. Tumugoje, ili uvurisi wakwe vuve witu.' ¹⁵ Vahamufumwa panzi lya mugunda la mampesya nu kumugoga. Je Mwene mugunda alivavomba shoni? ¹⁶ Alinyinza kuvaangamizya vaklima wa mapesya, nu kutiavape mugunda ilyo avanji." Vope lwevivwa ago, vahayanga, 'Mulungu ahana' ¹⁷ Ilelo Yesu ahavenya, ahayanga, "Je iandiko ili lili mana vuli? Iwe lyevalihanile vajenzi, lyavaliwe iwe la pantungu'? ¹⁸ Kila muntu akungwa pamwanya lya yiwe ilyo, alivunziha vipande. Ilelo vula ambaye lilimugwila, lilimuhoma.' ¹⁹ Pisho vaandishi nu vapiti wa makuhani valondoye kwidala lya kumulema ahavalilizyo hanaho hanaho, vamanyile kuti amile akuyanga mufano uvu dhidi yavo. Ilelo vagofile vantu. ²⁰ Vamwezye kwa makini, vahasontelezya vapelelezi vajifanyili kwa vantu wa haki, ili vapate kupata likosa kuhotuba yakwe, ili kumutwala kwa vatawala nu vevali nu mamulaka. ²¹ Vope vahamuvuzilizya vakuyanga, "Mwalimu, tumanyile kuti ukuyanga nu kusambilizya amambo lya ndinga nu te kushawishiwa nu muntu wowonti, ilelo iwewe ukusambilizyaga undinga kuhusu kwidala lya Mulungu. ²² Je, ni halali kwitu kulipa ikodi kwa Kaisari, au la?" ²³ Ilelo Yesu amanyile mutengo wavo, ahavavuzya, ²⁴ "Ndolesyi dinari. Sula nu chapa lya nanu yili pamwanya yakwe?" Vayanzile' "Lya Kaisari." ²⁵ Wope ahavavuzya, 'Basi mupanji Kaisari gegali gakwe Kaisari, Mulungu gegali gakwe Mulungu.' ²⁶ Vaandishi nu vapiti wa makuhani vatamile nu vuwezo wa kukosola shila ayanzile pilongolela lya vantu. Vahasukumila amajibu gakwe nu vatayanzile shoshonti. ²⁷ Baadhi lya Masadukayo vahamuvalila, vala vakuyanga kuti kutali uluzyusyo, ²⁸ vahamuvuzilizya, vakuyanga, 'Mwalimu, Musa atusimbiye kuti ngati muntu afilililwa nu mujenzi mwenye mushi ambaye atali mwana basi akwanziwa kumunyetula mushi wa mujenzi wakwe nu kupapa wope kwa ajili lya kaka wakwe. ²⁹ Kwamile nu vajenzi saba wa Kwanda ayimaye, ahawa bila kumuleha umwana, ³⁰ nu wa vuli welele. ³¹ Wa vutatu ahamunyetula sheshila, shinisho, pisho wa saba atalesile vana nu ahafwa. ³² Baadaye vula mwantanda welele ahafa. ³³ Mu kuluzyusyo aliyima mushi wa nanu? Maana vonti saba vamile vamwimaye.' ³⁴ Yesu ahavavuzya, "Vana wa munsi uno vakwimalaga nu kukwimalwa. ³⁵ Ilelo vala vakusitahili kuposhela uluzyuso lya vafwe nu kukwinjila vupuma wa shima vatakwimala vala vatakwimalwa. ³⁶ Vala vatangawezya kufwa havili, kwa sababu huva sawasawa nu ahavizya nu ni vamwana wa Mulungu, vana wa luzyusyo. ³⁷ Ilelo ilyo vafwe vakuvazyusya, poshe Musa alolesizye isehemu mu ihabari zya shichaka, pala amwisite ngati Mulungu wa Ibrahimu nu Mulungu wa Isaka nu Mulungu wa Yakobo. ³⁸ Isalizi, uwene te Mulungu wa vafu, nkandi wa vevali vapuma, kwa sababu vonti vallitendama kwave." ³⁹ Baadhi lya valimu wa sheria vahamujibu, 'Mwalimu, vajibu ahinza.' ⁴⁰ Vatalinzile kumuvuzilizya maswali aganji nkani. ⁴¹ Yesu ahavavuzya, "Ki vuli vantu vakuyanga kuti Chiristi ni mwana wa Daudi? ⁴² Maana Daudi mwenewe akuyanga mu Zaburi: Mwene amuvuzizye Mwene wane: Tendama nyove wa kundilo, ⁴³ mpaka imbavishe vavivi vaho pansi lya vinama vwaho.' ⁴⁴ Daudi akumwita Chiristi 'Mwene', basi kuti avevuli mwana wa Daudi?" ⁴⁵ Vantu vonti vamile vakumutejelezya ahavavuzya vanafunzi vakwe, ⁴⁶ 'Jihazalaji nu vaandishi, vakusungwa kujenda vazyaye ivizyalo vitari, nu vakusungwa ndamuho maalumu sokoni nu viti vya mushinzimu masinagogi, nu amizwi lya mushinzi karamuni. ⁴⁷ Vene welele vakulya nyumba zya vajane, nu vakujifanya vakuputa imputo intali. Hava valiposhela ihukumu mupiti nkani.'