¹ Yesu ayinyiye nu kutuha pakasi lya Yeriko. ² Nu ipo pamile nu muntu vumo aitwave Zakayo. We amile mupiti wa vasonkozya misonko havili muntu vutajiri. ³ Amile akulinga kumulola Yesu ni muntu wa namuna vuli, ilelo atuwezizye kulola kwa sababu lya impuga wa vantu, kwa kuva amile mhansi wa kimo. ⁴ Pisho, alongoleye uluvilo pilongolela zya vantu, ahazuva pamwanya lya mtuvu ili awezye kumulola, kwa sababu Yesu apalamiye kutuha kwidala ilyo. ⁵ Ahavalilizyo Yesu afiha isehemu yila, ayenyizye kumwanya ahamuvuzya, 'Zakayo, yiha ikalakasya, maana ilelo lazima indinde munyunmba yaho.' ⁶ Ahavomba haraka, ahiha nu kumukalibisya kwa luseshelo. ⁷ Vantu vonti valola igo, vahalamiha, nu kuyanga, 'Asogoye nu kumutembelela muntu mwenye mbivi. ⁸ Zakayo ahimilila ahamuvuzya Mwene, Yenya Mwene nusu lya mali yane inkuvapa vapina, nu inge mufuye muntu wowonti sintu, kuti imugalusizye mara nne.' ⁹ Yesu ahamuvuzya, 'Lelo vuposhi vafisile mu nyumba ino, kwa sababu uwene welele ni mwana wa Ibrahimu. ¹⁰ Kwa maana Mwana wa Muntu ayinzile kulondola nu kupoha vantu vevatezile.' ¹¹ Vivwa igo, ayendele kuyanga nu afumwizye mufano, kwa sababu amile papipi nu Yerusalemu nu vene vasivile kuti ufalme wa Mulungu wamile papipi kuloleha mara woka. ¹² Pisho ahavavuzya, 'ofisa vumo asogoye munsi lya patali ili aposhele ufalme nu kisha agalushe. ¹³ Avisite vamvomvi vakwe kumi, ahavapa amafungu kumi, ahavavuzya, 'vombaji biashara mpaka inge nagaluha.' ¹⁴ Ilelo vananchi vakwe mwililwe nu pisho vahasontelezya vujumbe kumufwata nu kuyanga, 'Tutakumwanza muntu uno atutawale.' ¹⁵ Yihava awela munyumba baada lya kuvomba mfalme, vavuzizye vala vamvomvi amile valesheshe ihesla kwakwe, apae kumanya faida vuli yevayipasite kwa kuvomba ibiashara. ¹⁶ Wa kwanza ahinza, ahayanga, 'Mwene, ifungu lyaho livomvile amafungu kumi zaidi.' ¹⁷ Uyo ofisa ahamuvuzya hinza muvomvi, mwinza. Kwa sababu wamile mwaminifu mu ijambo hansi, uliyima nu madalaka pamwanya lya muji kumi.' ¹⁸ Wavili ahinza ahayanga 'Mwene, ifungu lyaho livomwile amafungu gasano.' ¹⁹ Uyo afisa ahamuvuzya, 'Nyetula amamulaka pamwanya lya miji yisano.' ²⁰ Nu wamwavo ahinza, ahayanga, 'Mwene ino apa ihela yaho, yena yitunzile salama mu shitambala, ²¹ Kwa maana nogofile kwa sababu iwewe ni muntu muhali. Nukwefwa shila utashivisile nu kuvuna utawaye.' ²² Uyo ofisa ahavavuzya, 'Kwa amazwi yaho mwenewe, nitakuhukumu, iwe mumvomvi mvivi. Ulimanya kuti nene ni muntu mhali, nanyetula nisisho kiveka nu kuvuna ambacho tekupanda. ²³ Basi, mbona ihela yane mu benki ili nagaluha injinyetule poka nu faida? ²⁴ Ofisa ahavavuzya vantu vamile vimiliye apo, 'Mufuli ilyo ifungu nu kumupa vula mwenye mafungu kumi.' ²⁵ Vahamuvuzya, 'Mwene, uwene ana mafungu kumi.' ²⁶ Inkuvavuzya, kila muntu we alinasho alipewa nkani, ilelo we atali, poshe shila alinasho shelinyetulwa. ²⁷ Ilelo hava lugu vane, ambao vatahanzaga nive mfalme vene, valeti, apanu kuvagoga pilongolela yane." ²⁸ Baada lya kuyanga ago, ayendeleye pilongolela akuzuva kuvala Yerusalemu. ²⁹ Yihava apalamila Bethfage nu Bethania, papipi nu magamba gamizeituni, vasontelezizye vanafunzi vakwe vavili, ³⁰ ahayanga: 'Sogoli mu shijiji sha jilani. Ingemwinjila, mukumwaga mwana - ndogomi atalimbililwe shili. Mumulete kwane. ³¹ Ngati muntu vavuzilizya, 'Mbona mukumusatula?' Yanji, Mwene akumwanza." ³² Vala vasontelezizye vahavala vahamulola umwana-ndogomi ngati Yesu vamile avavuzyizye. ³³ Vamile vakumusatula umwana ndogomi vamiliki vahavavuzya, 'Kwa shoni mukumusatula umwana ndogomi uno?' ³⁴ Vahayanga, 'Mwene akumwanza.' ³⁵ Basi, vahamutwaliza Yesu, vahatandiha amenda gavo pamwanya lya mwana ndogomi nu vahamuzuvwa Yesu pamwanya yakwe. ³⁶ Amile akuvala vantu vahatandazya ivizwalo vwavo mwidala. ³⁷ Amile akwiha mwigamba wa Mizeituni, ijumuiya yonti lya vanafunzi vahanda kushangilila nu kumushindiha Mulungu kwa isauti impiti, kwa sababu lya amambo amapiti gevaga wenyi, ³⁸ Vahayanga, 'Ndiye mubarikiwa Mfalme akwinza kwa zina lya Mwene! Amani kumwanya, nu vushindamu pamwanya!' ³⁹ Baadhi ya Mafarisayo mu vungana vahamuvuzya, Mwalimu, vapumilizye vanafunzi vaho.' ⁴⁰ Yesu ahajibu, ahayanga, 'Inkuvavuzya, ngati ava vapuma, amawe kuti gafumwe isauti.' ⁴¹ Yesu avupalamila muji avukutiye, ⁴² ahayanga, inge wamanyile poshe iwewe, mu insiku ino amambo ge gakukuletela iamani! Ilelo isalizi gajizilisile paminso gaho. ⁴³ Kwa kuva insiku zikwinza ambapo avalugu vaho valizenga iboma papipi nu iwewe, nu kukuzyungula nu kkukandamizya nu kufuma kila vupande. ⁴⁴ Valikungwisya pansi iwewe nu vana vaho. Tevahakuleshele poshe iwe lyoka pamwanya lya ilya mwavo, kwa sababu utamanyile ahavalilizyo Mulungu pamile akulinga kukupoha.' ⁴⁵ Yesu ayinjiye mwihekalu, ahanda vala shimbizya vala vevamile vakuzya, ⁴⁶ nakuvavuzya, "Yisimwilwe, 'Nyumba yane itakuva nyumba lya sala,' ilelo imwe muyivomvile kuva lipango nu vavula." ⁴⁷ Kwa hiyo, Yesu amile akusambilizya kila insiku mwihekalu. Vakuhani vapiti nu valimu wa Sheria nu valongozi vavantu vahanzaga kumugoga, ⁴⁸ ilelo yitawenkine kupata kwidala lya kuvomba pisho, kwa sababu vantu vonti vamile vakumutejelezya kwa makini.