¹ Avinji vajitahizite kuvika mupangiliyo simulizi kuhusu masuala gatimiziwilwe kati yinyu, ² ngati vwevatupiye inswe ambao kufuma pamwanzo ni vashahidi wa minso nu vavomvi wa ujumbe. ³ Pisho nane welele, baada lya kuchunguzya kwa vuangalifu shanzo sha amambo iga gonti kufuma pamwanzo - nalola ni hinza kwane welele kukusumbila mumpangilio wakwe - muheshimiwa sana theofilo. ⁴ Ili kuti uwezye kumanya undinga wa amambo gevakusambilizizye. ⁵ Mu insiku zya Herode, ufalme wa Yudea, pamile nu kuhani vumo ahitwaga Zakaria, wa luho wa Abiya. Mushi wakwe afumile kwa vanashantanda zya Haruni, nu zina lyakwe ahitwaga Elizabethi. ⁶ Vonti vamile ni haki pilongolela lya Mulungu; vajenzite bila lawama mu amuri zyonti nu ndajizyo lya Mwene. ⁷ Ilelo vatamile nu mwana, kwasababu Elizabethi amile vutasa, nu kwa ahavalilizyo uno wonti vavili vamile vazee nkani. ⁸ Isalizi yatokeye kuti Zakaria amile vupepo wa Mulungu, kwendelela nu vajibu wa kikuhani mu vutaratibu wa zamu yakwe. ⁹ Kulingana nu desturi lya kuseva ni kuhani vuli ahudumile, amile asevilwe kwa kura kukwinjila mu hekalu la Mwene nu pisho afukizya vuvumba. ¹⁰ Impuga lyonti la vantu lyamile likulava panzi ahavalilizyo wa kufukizya kwa vuvumba. ¹¹ Isalizi ahavizya wa Mwene amtokeye nu kukwimilila vupande wa kundilo wa madhabahu lya kufukiziwa. ¹² Zakaria ayogofile amulola; iloga lihamugwila. ¹³ Ilelo ahavizya ahamuvuzya, "Utahogope Zakaria, kwasababu amaombi gaho giviha. Mushi waho elizabeth akupapile mwana. Zina lyakwe kutimwite Yohana. ¹⁴ Kuti uyime nu luseshelo nu vusankanu, nu vinji kuti vakusankalushile kupapwa kwakwe. ¹⁵ Kwa kuva aliyima mupiti pilongolela lya minso lya Mwene. Teahamwele divai au shinwaji shihali, nu aliyima ayizuye nu mupepo mufinjile kufuma mulanda mwa mayi wakwe. ¹⁶ Nu vantu avinji wa Israel valigevuzwa kwa Mwene Mulungu wavo. ¹⁷ Alivala pilongolela zya minso wa Mwene mu mupepo nu maha lya Eliya. Alivomba ishi ili kugalusya amoyo lya tati kwa vana ili kuti vatakutimiha valijendelelela mushinzi wa wenye haki. Alivomba ishi kuviha tayari kwa Mwene vantu ambao vandaliwilwe kwa ajili lyakwe." ¹⁸ Zakaria ahamuvuzya ahavizya, "Ningawezya vuli kumanya hili? Kwa sababu neneni muzee nu mushi wane amiaha gakwe gali minji nkani." ¹⁹ Ahavizya ahajibu nu kuvavuzya, "Nene ni Gabrieli, ambaye akwimililaga pilongolela zya Mulungu. Vansotelezizye kuvavuzya, kukuletela ihabari ino njinza. ²⁰ Nu yenya, te uhayanje, uliva mwatuha wezye kuyanga mpaka insiku lila amambo iga galiloleha. Ino ni kwa sababu wapositwe kukwitiha amazyi gane ambayo gatimiziwilwe kwa ahavalilizyo huho." ²¹ Isalizi vantu vamile vakumugulila Zakaria. Vasukumiye kuti amile akutumila umuda mwinji mwihekalu. ²² Ilelo afuma panzi, atawezizye kuyanga navo. Vahamanya kuti amile apasite amaono amamile mwihekalu ayendeleye kulolesya ishara nu asya. ²³ nyemwa Yalolesile kuti insiku zya huduma yakwe zyasila ayefile kuwela kuhaya yakwe. ²⁴ Baada lya Zakaria kuwela kuhaya kufuma kwenye huduma yakwe mwihekalu, mushi wakwe ahava mujavuzito. Wope atafumile kuhaya yakwe ahavalilizyo wa miezi gasano. Ahayanga, " ²⁵ Hili ndilo lyulo Mwene avomvi kwane anenya kwa vupendeleyo ili kuyefwa insoni yane pilongolela zya vantu." ²⁶ Isalizi, mu mwezi wa sita wa vana lya Elizabeti, Mulungu amuvuzizye ahavizya Gabrieli kuvala kwenye muji wa Galilaya vukwitwa Nazareti, ²⁷ Kwa murindu wa amile vafumwizye insalamu nu mwanavuli ambaye zina lyakwe lyamile Yusufu. Uwene amile wa luho wa Daudi, nu zina la murindu uno lyamile Mariamu. ²⁸ Ahinza kwakwe nu kuyanga, "Salaamu, iwewe vuposheleye vulotwe vupiti! Mwene ahondezwa imwe." ²⁹ Ilelo amazwi iga ahavizya gamuchanginye nu atelewilwe shoni ahavizya ayanzile salaam ino lya nsoni kwakwe. ³⁰ Ahavizya ahamuvuzya, 'Utahogope, Mariamu, maana wapata uvulotwe kufuma kwa Mulungu. ³¹ Nu yenya, kuti uvusye ulwanda mu lwanda lwaho nu kuti upape umwana. Wope ulimwita zina lyakwe 'Yesu.' ³² Aliyima mupiti nu aliyitwa mwana weali kumwanya nkani. Mwene Mulungu alimupa shitengo sha enzi sha Daudi tati yakwe. ³³ Alitawala pamwanya lya luho wa Yakobo shima nu shima nu ufalme wakwe tevuhave nu mwisho. ³⁴ Mariamu ahamuvuzya ahavizya, hili lilitokela kwa namuna vuli, maana intawahi kukata nu mwanavuli wowonti? ³⁵ Ahavizya ahajibu nu kumuvuzya, "Mupepo Mufinjile aliyinza pamwanya yaho, nu maha lya Weali pamwanya inkani gali yinza pamwanya yaho. Kwa hiyo, mufinjile kuti apapwe kuti ayitwe Mwana wa Mulungu. ³⁶ Nu yenya, mujenzi waho Elizabeti alinuvujavuzito wa mwana kwenye umuri wakwe wa uzee. Uno ni mwezi wa sita kwakwe, ambaye amile akwitwa mugumba. ³⁷ Maana kutali lyelita kuwezenkanakwa Mulungu." ³⁸ Mariamu ahayanga, "Yenya, nene ni muvomvi wa shantanda wa Mwene. Leha yive pisho kwane sawa sawa nu vujumbe waho." Kisha ahavizya ahamuleha. ³⁹ Ndipo mu insiku hizyo Mariamu ayefile nu kwa haraka asogoye mu munsi lya vigamba, kwenye muji mu munsi lya Yudea. ⁴⁰ Asogoye kuhaya mwa Zakaria nu ahamula Elizabethi. ⁴¹ Isalizi, yatokeye kuti Elizabeti ayivwa kulamuha lya Mariamu, umwana mukasi yakwe ahadomoha, nu Elizabeti ahizula nu Mupepo Mufinjile. ⁴² Ahafuma isauti yakwe nu kuyanga kwa isauti mupiti, "Ulotilwe iwewe inkani miongoni mwa vantanda, nu mwana wealipo mulyanda lyaho alositwe. ⁴³ Nu yavavuli kwane kuti, mayi wa Mwene wane yanziwa ayinze kwane? ⁴⁴ Kwa kuva yenya, yivwisile makutwi gane isauti lya kulamuha kwaho, umwana mulwanda lyane ahadomoha luseshelo. ⁴⁵ Nu alositwe mwantanda vula ayitisile lya kuti nkandi atokeye vukamilifu wa amambo gala gevamuvuzizye kufuma kwa Mwene. ⁴⁶ Mariamu ahayanga, nafsi yane yikumutima Mwene, ⁴⁷ Nu muppeo yane yisungwilwe mu Mulungu muposhi wane. ⁴⁸ Kwa mana anyizye hali lya panzi lya muvomvi wakwe wa shantanda. Yenya, kufuma isalizi mu vizazi vonti valinitaga mulotwa. ⁴⁹ Kwa maana uwene weali muweza akuvomba amambo mapiti kwane, nu zina lyakwe ni lifinjilwa. ⁵⁰ Uwila wakwe yikudumu kufuma shizazi poshe shizazi kwa vala vakumushindiha uwene. ⁵¹ Alolesya amaha kwa nyove vakwe; avasasya vala ambao vahajivwaga pamwanya lya mawazo lya mumoyo gavo. ⁵² Avisizye pansi vana wa wafalme kufuma mu vitengo vya enzi nu kuvinula pamwanya vevali nu hali lya pansi. ⁵³ Avikusizye vevali nzala kwa vintu vwinza, apatali navatajili vashimbizizye nyovwe zyeka. ⁵⁴ Afumwizye musaada kwa Israeli muvomvi wakwe, ili kukumbukwa kulolesya uwila ⁵⁵ (ngati ayanzile kwa tati zyitu) kwa Abrahamu nu vuzao wakwe shima." ⁵⁶ Mariamu atendime nu Elizabeti gangava miezi mitatu ishi ndipo ahawela kuhaya kwakwe. ⁵⁷ Isalizi ahavalilizyo hamili hakusudiwilwe kwa Elizabeti kujifungula umwana wakwe nu ahajifungula umwana wa shanavuli. ⁵⁸ Vajirani zyakwe nu vajenzi vakwe vivuye namuna Mwene avukuzizye uwila wakwe, nu vahaseshela poka wope. ⁵⁹ Isalizi yatokeye insiku lya nane kuti vinzile kumutaili mwana. ⁶⁰ Yihanziwaga kumwita zina lyakwe, "Zakaria," kwa kuzingatila zina lyatati wakwe, Ilelo mayi wakwe ahajibu nu kuyanga, ⁶¹ "Ndali; kutiayitwe vuyohana." Vahamuvuzya, kutali pope woka kuvajenzi vaho akwitwa kwa zina hili." ⁶² Vahamuvombela ishara tati yakwe kulolesya uwene ahanzaga zina vamwite nanu. ⁶³ Tati yakwe ahanza shibao sha kusimba, nu ahasimba, 'Izina ni Yohana. "Vonti vahasukumila nu hili. ⁶⁴ Gafula ilomu wakwe vuhafunguliwa nu lumili lyakwe vuhava huru. Ahayanga nu kumutima Mulungu. ⁶⁵ Lyoga lihavinzila v onti vahatendama papipi navo. Amambo iga gahatangala mu munsi yonti lya vigamba vya Yudea. ⁶⁶ Nu vonti vagivuye vahasengula mumoyo gavo, vakuyanga, "Umwana uno kuva wa namuna vuli?" Kwa sababu nyove wa Mwene wamile poka wope. ⁶⁷ Tati yakwe Zakaria ayizuye nu Mupepo Mufinjile nu kufumwa vunabii, akuyanga, ⁶⁸ "Ashindikwe Mwene, Mulungu wa Israeli kwa sababu ayavwizye nu ashugulishiye vuposhi kwa vantu vakwe. ⁶⁹ Atuvusizizye impembe lya vuposhi mu kaya lya muvomvi wakwe Daudi, kufuma miongoni mwa luho lya vavomvi vakwe Daudi, ⁷⁰ ngati ayanzile kwa malomu sha vanabii vakwe valipo mu nyakati zya hali. ⁷¹ Alitupoha kufuma kwa vivi zyitu nu kufuma munyove mwa vonti vakutwilwa. ⁷² Alivomba ishi kulolesya uwila kwa tati zyitu, nu kukumbuha agano lyakwe ifinjile, ⁷³ Shilapo ashiyanzile kwa Abrahamu tati witu. ⁷⁴ Alafile kusibitisya kuti ingeyawezenkanaga kumutumishila uwene bila lyoga, baada lya kupokwa kufuma munyove lya vivi zyitu. ⁷⁵ Mu ufinjile nu haki pilongolela zyake insiku zyitu vyonti. ⁷⁶ Ndinga, nu iwewe mwana, uliyitwa nabii wa Wealiye pamwanya nkani, kwa kuva alejenda pilongolela lya paminsoga Mwene ili kumwandalila kwidala, ⁷⁷ kuvaanda vantu kwa jili lya ulunzilo lyakwe, Kuvamanyisya vantu vakwe kuti, valipokwa kwidala lya kufwilwa uwila mbivi zyavo. ⁷⁸ Hili lililoleha kwa sababu lya uwila lya Mulungu witu, kwa sababu ambayo zuva kufuma kumwanya lilitwinzilwa, ⁷⁹ kuhozya kwavo vakutendama kuhisi nu muhazundila wa vufwe. alivomba ishi kuyilongozya vinama vwitu kwenye kwidala lya amani." ⁸⁰ Isalizi, vula umwana ahakula nu kuva mwenye maha murohoni nu atendime munyikani mpaka insiku lya kujilolesya kwakwe kwa Israeli.