¹ Leyafitia insiku lya Pentekoste, vonti vamile poka sehemu yoka. ² Ghafla yihatokela mungurumo kufuma kumwanya ngati unkungu inkali. yihizuzya inyumba yonti valimokuwa vatenime. ³ Hapo zyavafumiye imili, ngati zya mwoto zigavanyisile, zihaha pamwanya yavo kila woka wavo. ⁴ Avene vonti vahajazwa nu Mupepo mufinjile nu vatali kuyanga kwa lugha nyavo, ngati shila Mupepo avapanjiye kuyanga. ⁵ Isalizi valipo vayahudi vevali vakutendama Yerusalemu vakumputa Mulungu, kufuma kila litaifa pansi lya mwanya. ⁶ Ngurumo izi lweziviha, kundi la vantu linzile poka nu lwevali nu lyogalyoga kwa sababu kila muntu avivuye vakuyanga kwa lugha yakwe mwenewe. ⁷ Vapumile nu kusukumila, avene vayanzile, "Ndinga, hava vonti vakuyanga te Wagalilaya? ⁸ Kwa shoni inswe tukuvivwa, kila woka mu lugha tupafwilwe nazyo? ⁹ Waparthia nu Wamedi nu Waelamu, nu havo vakutendama Mesopotamia, Uyahudi, nu Kapadokia, nu mu Ponto nu Asia, ¹⁰ mu Frigia, Pamfilia, mu Misri, nu isehemu lya Libya poshe Kirene, nu vajeni kufuma Rumi, ¹¹ Vayahudi nu waongofu, Wakrete nu Waarabu, tukivivwa vakuyanga mu lugha zyitu kuhusu imbombo zya uwezya wa Mulungu.'' ¹² Vonti vamile vapumile nu kusukumila, vanongoneline veka kwa veka, "Ino ina maana vuli?" ¹³ Ilelo vamwavo vajevuye vakuyanga, "Hava vavizuzizye kwa mvinyo umupwa." ¹⁴ Ilelo Petro ahimilila poka nu vala kumi nu yoka, ahafumwa isauti, ahavavuzya, 'Vantu wa Yudea nu wonti mukutendama pa Yerusalemu, hili limanyishe kwinyu, tejelevwi kwa makini amazyi gane. ¹⁵ Vantu hava hozilwe ngati vwemusivile, sababu isalizi izi ni nzanchi isaa tatu. ¹⁶ Ilelo hili lyamile liyangwilwe kutushila kwa nabii Yoeli: ¹⁷ Yiliyima mu insiku zya mwisho; Mulungu ayanzile, indiyita mupepo wane kwa vantu vonti. Vana vyinyu nu binti zyinyu valifuma unabii, vijana winyu valifumwa maono, nu vazehe winyu valifumwa indoto. ¹⁸ Sheshila sheshila pamwanya lya vavomvi vane nu vavomvi vane wa vantanda insik izyo, indiyita Mupepo wane vope valitabiri. ¹⁹ Indilolesya amaajabu pamwanya yamwanya nu ishara pansi munsi, mavanda, mwoto, nu akusuha kwilyo. ²⁰ Nu zua lilibadiliha kuva hisi nu mwezi kuva mavanda, kabula lyitinzile insiku ipiti nu lya ajabu lya Mwene. ²¹ Yamile lya kuti kila woka ambaye kulyita zina la Mwene aliyokoha.' ²² Vantu wa Israeli, tejelezyi amazyi aga: Yesu wa Nazareti, mwanadamu asibitisiwilwe nu Mulungu kwinyu kwa amatendo lya vuwezya nu maajabu, nu ishara ambazo Mulungu kutushila Uwene pakasi yinyu, ngati imwe mwenewe mumanyile - ²³ Kwa sababu lya mpango vukusudiwilwe tangu pamwanzo, nu njele lya Mulungu, vamufumwizye nimwe, kunyove lya vantu vnanzi, vamuhomeleye ni kumugoga, ²⁴ ambaye Mulungu awefwa uvuvavi wa vufwe kwakwe, kwa sababu yitawezenkine kwakwe kumilikiwa nu uno. ²⁵ Pisho Daudi akuyanga kuhusu uwene, 'Namuwenyi Mwene inkuzyonti pilongolole lya minso gane, uwene ali kunyove yane yakundilo hivyo basi vatalinsejelezya. ²⁶ Kwa hiyo umwoyo wane wali nu luseshelo nu lumulil wane lwasesheye. Welele muvili wane kutivutendame mu vudandamazu. ²⁷ Te uyileshe inafisi yane yivale ukuzimu, vala uyiluhusu mufinjile lwa waho kulola uvuvozu. ²⁸ Iwewe ulolesizye kwane kwidala zya vupuma; kutiumbmbe inizulwe nuluseshelo pilongolela lya paminso gaho.' ²⁹ Mujenzi, ingaweza kuyanga kwinyu kwa vundamazu kuhusu tata witu Daudi: Uwene weafuye nu hasyilwa, nu kaburi lyakwe lilipo poka naswe poshe ishi ilelo. ³⁰ Pisho, amile nabii nu amanyile kuti Mulungu ahalapa kwa shiapo shakwe, kuti kutiavishe woka mu pwapwa wakwe kwenye shitengo sha enzi. ³¹ Aliwenyi ili mapema, nu ahayanga kuhusu uluzyuho wa Chiristi, 'vala amile atalekwiluse kuzimu, vala muvili wakwe vutavozile.' ³² Uno Yesu - Mulungu amuzyusizye, ambaye inswe twenti ni mashahidi. ³³ Kwa hiyo, avushila mu kunyove wa kundilo lya Mulungu, nu akiwa aposheleye ahadi lya Mupepo mufinjile kufuma kwa Tata, uwene apunguye ino, ambaye imwe mukulola nu kukwivwa. ³⁴ Kwani Daudi atabulusile kuvala kumwanya, ilelo akuyanga 'MWENE akuyanga kwa Mwene wane, ³⁵ "Tendama kunyove yane wa idilo mpaka indivomba avalugu vaho kwa ajili lya vinama vwaho. ³⁶ Kwa hiyo inyumba yonti lya Israeli nu yimanye kwa hakika kuti Mulungu avomvile Uwene kuwa Mwene nu Chiristi, uno Yesu ambaye ambaye muhomeleye." ³⁷ Isalizi lwevivwa isho, vahapembwa mu moyo gavo, vahamuvuzya Petro nu vamitume avanji, "Mujenzi, tuvombevuli?" ³⁸ Nu Petro ahavavuzya, tontaji nu mwozelwe, kila woka winyu, mu zina la Yesu Chiristi kwa ajili lya vuposhi wa mbivi zyinyu, nu muposhele izawadi lya Mupepo mufinjile. ³⁹ Kwani kwinyu ni ahadi nu kwa vana winyu nu kwa vala vonti vevali vevali ukutali, vantu avinji kwa kadri Mwene Mulungu wintu avisile." ⁴⁰ Kwa mazyi aminyu apanzile nu kuvahomelezya: ayanzile, "Jipohaji mufume mu shizazi ishi mbivi. ⁴¹ Ndipo vahagaposhela amazyi gakwe nu vahozelwa, apo vahonjela kwisi kuilyo ngati inafisi elfu tatu. ⁴² Vahendeleta mu nsambilizyo zya mitume nu kushirikiana mu kuvumensula mukate nu mu maombi. ⁴³ Ilyoga lihizula pamwanya lya kila nafsi, nu maajabu aminji nu ishara zihavombeha kutushila imitume. ⁴⁴ Vonti vitisile valipoka nu kuhava ni vintu vwavo kwa poka ⁴⁵ nu vakaziye ivintu nu miliki zyavo nu kugavanya kwa vonti kulingana nu hitaji la kila woka. ⁴⁶ Pisho insiku baada lya insiku vendeleye lwevali nu insivo yoka mu hekalu, nu vamensuye mukate kunkaya nu vahashilikaga shakulya kuluseshelo nu vutontu wa mwoyo; ⁴⁷ Vamushindisile Mulungu nu lwevali nu shibali nu vantu vonti. Mwene avonjezizye insiku vevali vakupokwa.