¹ Baada lya amambo igo, Paulo ayefile Athene kuvala Korintho. ² Ukwo ahamupa Muyahudi akwitwa Akwila muntu wa kabila la Ponto, uwene nu mushi wakwe akwitwa Prisila vinzile kufuma ukwo Italia, kwa sababu Klaudia avavuzizye Vayahudi vonti vepe Roma; Paulo ahinza kwavo; ³ Paulo ahatendama nu kuvomba imbombo navo kwani uwene akuvomba imbombo yeyikuholana nu yavo. Avene vamile ni vagomba mahema. ⁴ Paulo ahajadiliana navo mu sinagogi kila sinku lya Sabato. Avashawishile vayahudi poka nu Vagiriki. ⁵ Ilelo Sila nu Timotheo lwevinza kufuma Makedonia, Paulo asukumwilwe nu mupepo kuvapanjila vayahudi kuva Yesu ndiye Chiristi. ⁶ Ahavalilizyo Vayahudi Vayahudi vakumupinga nu kumujula, pisho Paulo ahakungunta shizyalo shakwe pilongolela lyavo, nu kuvavuzya,'Mavanda ginyu nu iwe pamwanya lya itwe vyivyu wenewe; Nene itali numulandu. Kufuma isalizi nu kukwendelela, nu kuvalila Mataifa." ⁷ Pisho ahepa kufuma pala ahasogola kwenye nyumba lya Tito Yusto, Muntu akumputa Mulungu. Nyumba yakwe yli papipi nu sinagogi. ⁸ Krispo, shilongozi wa sinagogi poka nu vantu wa mwinyumba mwakwe vakumwitiha Mwene. Vantu avinji wa Korintho vamwivuye Paulo akuyanga vitisile nu kukozelwa. ⁹ Mwene ahamuvazya Paulo vusiku kwa kwinjila lya maono, "Utahogope, ilelo yanga mutahapume. ¹⁰ Kwa Nene niko poka nawe, nu kutali kutialinje kukuzulu, maana nina vantu avinji mu muji uno. ¹¹ Paulo ahatendama ukwo kwa muda wa mwaha woka nu miezi sita akusambilizya izwi la Mulungu miongoni mwavo. ¹² Ilelo Gailo avombwa kuva mtawala wa Akaya, Vayahudi vimiliye poka shinyume nu Paulo nu kuyanga kumutwala pilongolela lya shitengo sha kulongwa, ¹³ vakuyanga, "Muntu uno akuvashawishaga vantu vamupute Mulungu shinyume sha sheria." ¹⁴ Ahavalilizy Paulo amile akwanza kuyanga, Galio ahavavuzya Vayahudi, "Imwe Vayahudi, ngati yamile vunzi au vuhalifu, nkeyamile halali kuvashughulishila. ¹⁵ Ilelo kwa sababu nu maswali gakuhusu maizwi nu mazina nu sheria zyinyu basi lonji imwe mwenewe. Nene kuva hakimu kwa ihabari lya amambo igo." ¹⁶ Galio ahavavuzya vepe pilongolela lya shitengo sha vulonzi, ¹⁷ Pisho, vahamulema Sosthene, shilongozi wa sinagogi, vahamuhoma pilongolela lya shitengo sha vulonzi. Ilelo Galio atajaye ashivomvile. ¹⁸ Paulo, baada lya kutendama pala umuda ahatali ahavaleha vajenzi nu kuvala kwa meli Siria poka nu Prisila nu Akwila. Kabula lya kukwepa mwibandali, atenzite insinsi zyakwe kwa amile alafile kuva Vumunazile. ¹⁹ Lwevafiha Efeso, Paulo avalesile Prisila nu Akwila pala, ilelo uwene mwenewe ahinjila kwenye sinagogi nu kujadiliana nu Vayahudi. ²⁰ Vamuvuzya Paulo atendama navo kwa umuda ahatali, uwene ahanite. ²¹ Ilelo ahepa kwavo, ahavavuzya, "Indigaluha havili kwinyu, ikiwa ni shikunzi lya Mulungu." Baada yapo, ahepa kwa meli kufuma Efeso. ²² Paulo ahafiha Kaisaria, azuvile kuvala kulamuha Kanisa la Yerusalemu, isha ayisile kuntende kwa kanisa la Antiokia. ²³ Baada lya kutendamaa kwa muda pala, Paulo ayefile kutushila amazwi lya Galatia nu Frigia nu kuvapa mwoyo vanafunzi vonti. ²⁴ Muyahudi woka akwitwa Apolo, apafwilwe ukwo Alexandria, ayinzile Efeso. Amile nu ufasaha mu kuyanga nu hodari mu maandiko. ²⁵ Apollo amile ayelekeziwilwe mu nsambilizyo lya Mwene. Kwa jinsi amile nu mute mu mupepo, ahayangaga nu kusambilizya kwa vusahihi amambo gegamuhusu Yesu, ila amanjile tu vubatizo wa Yohana. ²⁶ Apolo ahanda kuyanga kuvudandamazu mwihekalu. Ilelo Prisila nu Akwila vamwivwa, vavomvile vuchale wope nu vahamwelekezya pamwanya lya kwidalazya Mulungu kwa vusahihi. ²⁷ Afamani kukwepa kuvalla Akaya, vajenzi vampiye mwoyo wa kuvasimbilaukalata vanafunzi vali ukwo Akaya ili vapate kumuposhela. Ahavasihi, kwa uwila avavwizye inani vala vevitisile. ²⁸ Kwa maha zyake nu vumanyi, Apolo avazizite Vayahudi hadharani akulolesya kutushila amaandiko lya kuva Yesu ndiye Chiristi.