¹ " Valongu na vatati vangu mpikanishi watetisi wangu danuugoli kwenu ponopau." ² Makutanu pavapikinishili Paulu paaywanda naukwa Kiebrania vanyamala Kadeta, ³ Nenga ni myahudi ngonrka muji wa Tarso enewula Kilikia,ila napatili elimu katika muji awu mumawulu ya Gamalieli. nafundishiwili kulinganana njila saii ja Sheria sa vatati vetu nenga nianabidiyi ya Chapanga kucha yumwi mwavonda mlivyu na lelu. ⁴ Navateshili kwa njila ayi adi kusova nivawopa valulumi navadadala n akuvadangila muchitatiu. ⁵ Ata kuvani mkomi na vagogolu vonda vakuwesha kufumisha wusahidi kucha napokilili balua kufuma kwau kwa ajili ya valongu vavelili Dameski, kwangu nenga nawukili kuyenda aku ila nivayoyi vandu Yerusalemu wanjila yila ili vamuwopewi na kuasibiwa. ⁶ Yafumbukili kucha pala pamelili panzafili nguselelele Dameski majira ya pamusi gafula nuru ngomi ifumbuka kumbingu ikanda kuniangasa. ⁷ Mboneka pasi na kupikanisha sawuti paing'ombela Sauli, Sauli kwa liki ukung'uzi?' ⁸ Nyagula,' Yuwi ni yani Bambu kang'ombela nenga ni Yesu Mnazareti,ambayi mweni ukung'ushi.' ⁹ Vala vavelili na nenga vaiwonili nulu ila vapikanishili ng'odu sawuti ya yula anywangili na nenga. ¹⁰ Deta,' Ngoli liki, Bambu?' Bambu kang'ombela woloki na uyingili Dameski; aku dauwombelwi kila chindu chiutaki wa kugola.' ¹¹ Naweshili ng'odu kulola kwa ujangi ya muangasa wa yila ndipu nyenda Dameski kwa kulongoshwa namawoku ya vala vavelili na nenga. ¹² Aku ndanganika namundu yakemewa Anania, avelili mundu yakamulili sheria na mweni kueshimika kwalongolu ya Vayahudi vonda vaikalili aku. ¹³ Kayisa kwangu, kawoloka kuulongolu yangu n akudeta,' Mlongu wangu Sauli, upati kulola kwa muda wuwula nimuwona. ¹⁴ Kadeta,' Chapanga wa tati wetu kakushaula yuwi upati kumanya wakii kumuwona yula yaveli na aki na kupikanisha sawuti ifuma mu chinywa chaki. ¹⁵ Kwa ujangi dauvishaidi kwaki kwa vandu vonda , juwu ya uvawonili na kupikanisha. ¹⁶ Basi ponopau kwa liki ukuvetela yinuki iubatiswi ukawofuwi sambi sau paulitambula litava laki.' ¹⁷ Baada ya kuwuya Yerusalemu napamelili panzali mgati yanyumba ya Chapanga ifumbuka kucha mbatiwa mawonu. ¹⁸ Nimuwona pang'ombea hima na ufumi Yerusalemu wepesi kwa ujangi davajimili ng'odu ushuwuda waku kuwusu nenga.' ¹⁹ Deta," Bambu veni vakumanya navatabili mulitatiu nnakuvadula vala vakujumilili katika kila sinagogi. ²⁰ Na mwasi wa Stefano shayidi waku pamwagwilili nenga piya navelili ngoloka pabeyi na na kujumila na vavelili ng'oloka nguwu sa vala vamulaili.' ²¹ Pambeli ang'ombilili Eyendi kwa ujangi nenga domikutumi uyendi kutali kwa vandu va matayifa.''' ²² Vandu vamuruhusu aywangi juwu ya filongu achi pambeli baadayi vapasili sawuti na kudeta," Muwuki mundu ayu katika mlima kwa ujangi siyu saiikwikala." ²³ Pavaelili pavapasa sawuti n a kutanga yingwa sawu nakudanga lifu kumbindi, ²⁴ jemedari mkomi kaamulu Paulo ayayewi mungomi kaamulu adashiwi kunu paaduliwa fiboku ili mweni amanyi kwa liki vavelili vakumkuvila umatu namuna yila. ²⁵ Ata pavelili vamuwopa kwa mioyi Paulu kamuwombela yula akida awolikili pabeyi nayi Je ni aki kwenu kumdula mundu aveli mlumi na badu kaukumiwa ng'odu?" ²⁶ Yula akida paapikanishili filongu fila kayenda kwa jemedali mkomi na kumuwombela kadeta ukudaila kugola liki kwa maan amundu ayu ni mrumi." ²⁷ Jemedali mkomi kayisa na kumuwombela mng'ombeli ," Je wuli ni layia wa Rumi Paulu kadeta," Yina." ²⁸ Jemedali kamuyangula ni kupitila chiasi chikomi cha sendi ndipu na[patili ulaiya pambeli Paulu kamuwombela nenga ni mlumi wa kuwoneka." ²⁹ Basi vala vavelili tayali kuyenda kumdasha vawoka na kumleka chipindi chichika na jemedari nayi katika paamanyila kuva Paulu ni mlumi na kwa ujangi kawopewa. ³⁰ Kwa siku ifwatili, jemedali mkomi adailili kumanya nakaka kuwusu mashitaka ya vayahudi zidi ya Paulu ivyu kamuwopusola vifungu fyaki kaamulu vakomi wa makuvani na balasa londa vakutani . Vamuyeya Paulu pasi na kumvika pagatigati yau.