¹ Chipindi patuvelili tukulekana nau n atwawukili mubabali tufika jola mu muji wa Kkosi, na chilau yaki tufika muji wa Rodo, na kulawa aku na tufika muji wa patala. ² Patupatili mbutuka ijabuka kuyenda Foinike twakwelili tuwuka. ³ Patufikili kuulongolu ya chisiwa cha Kipro tutekana umwambu wa kushotu, natuwuka adi silia tuvikaligongola katika muji wa Tiro kwa ujangi akundiku mbutuka ivelili vapakuliwi misitu yaki. ⁴ Baada ya kumuwona vanashuli tuikala aku siku saba vanashuli ava vamuombela Paulu kupitila kwa ndima kucha mweni ukoto kuvatangasa Yerusalemu. ⁵ Patutimisili siku zila yufwi tuwuka tuyenda zeru vonda pamu na vadadala vau na vana vau vatusindikizili katika njila setu adi patufumili panji ya muji muji kandi tutundama mbwani kuluv tuiaga kila yumu. ⁶ Kukwela mbutuka aku nau vawuya kaya kwau kandi. ⁷ Ata patumashili kuwuka kwetu kufuma Tiro tufika Tolemai. Pali twaijambushili valongu na kuikala nau kwa siku yimu. ⁸ Chilau yaki twawukili n akuyena Kaisaria. yufwi pamu nayi. ⁹ Mundu ayu avelili na vainja vaini fikoli ambau vatabiili. ¹⁰ Baada ya kuikala aku kwa siku kazaa kasunuka kufuma uyahudi nabii akemewa Agabo. ¹¹ Mweni ayisili kwa yufwi nakutola lufonga lya Paulu kwa iyu aiwopili mawulu na mawoku vaki mweni na kudeta mfuki ung'alili akudeta naa vayahudi va Yerusalemu davamuwopi mundu yamiliki lufunga alu nau dabvamkabidhi mumawoku ya vandu va matayifa." ¹² Patupikakinishili mabu ava yufi na vandu vavelili vakuikala maala pala twamsiili Paulu akoto kukwela kuyenda Yerusalemu. ¹³ Topi Paulu ayangulili," Mukugola liki, mukulili na mukubena moyu wangu kwa maana nduvatayali siyu kwa kuwopewa ela pembela ata kusovala aku Yerusalemu kwa ajili ta litava la Bambu Yesu." ¹⁴ Kwa wula Paulu kushawishiwa twaleki na kudeta," Basi utema wa Bambu vagoleki." ¹⁵ Baada ya siku asi twatolili mifuku yetu na tukwela Yerusalemu. ¹⁶ Baasi ya vanachuli kufuma Kaisaria piya vafatamili nayufwi nvamuyeya mundu yumu yakemewa mnasasomni mundu wa kipro mwanashuli wa pakwandi ambayi aikalili nayi. ¹⁷ Patufikili Yerusalemu mlongu vatukalibiishili kwa kukeduka. ¹⁸ Chilau yaki Paulo ayendili pamu na yufwi yufwi kwa Yakobi na gagalu vonda vavelili. ¹⁹ Baada ya kuvasalimu avapili lulailai yuma badala ya wingi ya mambu ambau Chapanga agolili miwongoni mwa matayifa kwa kupitila huduma yaki. ²⁰ Chipindi pavapikinishili fila vamjuma Chapanga na kumuwombela ukuvaona valongu kuna maelfu vaningi vajumili miwongoni mwa vayahudi veni vonda vana niya ya kukamula sheria. ²¹ Vamuwombela kuwusu yuwi kucha vakuwula vayahudi vaikala kati ya matayifa kulekana naMusa na kucha kuvawombela mkoto kuvataili vana veni na vakoso kufwata destuli ya pakwandi. ²² Tukutakiwa kugola liki? Bila shaka davapikanishi kucha yuwi kuyisa. ²⁴ Ivu goli yufwitukuwombela ponopau tunau vandu mchechi ambau vavika nazili. ²³ Vatoli vandu ava na ujitakasi mweni pamu nau na uwalipi ghalama sau ili vaweshi kumowa milu yau ivu kila yumu apati kumanya mambu awombiwili.kuwusu yuwi ni fya udesi davajifunzi kucha yuwi piya ukufwata Sheria. ²⁵ Pambeli kwa milandu ya matayifa ambau vava vaumini twayandikili na kufumisha maagizu kucha vakutakiwa kuilepesha kwa uzinifu. ²⁶ Ndipu Paulo avatolili valulumi na siku ya pili kaikala mweni pamu nau kayingila munyumba ya chapanga na makutanu vakalala na vamunyosjhela liwoku. ²⁷ Siku sila saba pasikalibiili kupela baasi ya vayahudi kufuma Asiya vamuona Paulu munyumba ya Chapanga n amakutanu vakakala na vamunyoshela liwoku. ²⁸ Vvaelili vakukuva umatu vandu va Israeli mututangi ayu ni yula yafundisha vandu kila mahala mambu ambayu ni chinyumi na vandu sheria na maala apa piya kuvayeya vayunani mu nyumba ya Chapanga na kuponadi maala apa ni paung'alili." ²⁹ Kwa kuva mwanzoni, vavelili vamuwona Trofimi Muefeso paava pamu nayi kubwani nau vazaniili kucha Pauluamuyeyili hekaluni. ³⁰ Muji wonda wavelili na taaruki na vandu vatuva pamu na kumkamula Paulu vamfumisha panji ya nyumba ya Chapanga na miliyangu mala itatiwa. ³¹ Pavawelili vakuyesa kumulayamilandu yamfikiili mkomi wa jeshi la valinzi kuva Yerusalemu yonda yavelili imema ghasia. ³² Mala yiyila kavatola vamachonda na jemedari kautuvi lila lipinga chipindi vandu pavamuonili mkomi wa jeshi na vamachonda valeka kumudula Paulu. ³³ Kandi mkomi wa jeshi aselekeli na kumkamula Paulu na kavaamuru vamuwopi minyorolu mvili kamdasha yuwi ni yani na kugola liki. ³⁴ Baasi ya vandu mulipinga vaveliuli vakupayuka chindu chila na vamonga kwa kuva jemedali avawombilili ng'odu chochonda kwa ujangi ya wula umatu kaamulu Paulu ayeyewi mgati ya ngomi. ³⁵ Basi paafikili mu ngasi kotolewa na machonda kwa ujangi wa gasiya uya lipinga. ³⁶ Maana lipinga la vandu vamufwatili na vayendikili kukuva umatu mumuwushi ayu!" ³⁷ Paulu paaveliiu akuyeyewa mnyumba ya ngomi amuwobilili mkomi wa jeshi nguwesha kukuombela chindu ?" Yuala mkomi wa Jeshi kadetili," Je ukywanga kiyunani? ³⁸ Je yuwi si yula mmisri abayi kwaa alongoshili uwasi na atolili magahidi elufu mchechi nyikani?" ³⁹ Paulu kadetili," Nenga ni Myahudui, kufuma muji wa Tarso ya Kilkia. Nenga ni layia wa muji maarufu nguvaluva mnuhubu Deti na vandu." ⁴⁰ Chipindi jemedari paamupili ruhusu Pulu kawoloka mu likwelelu nakufumisha chilangushilu kwa vandu kwa liwoku laki chipindi pavelili jii sana kuywanga nau kwa kihebrania. Kadeta,