¹ Vandu fulani vasunukili kufuma uyahudi na kuvawula valongu, pavadeta," Pamkosa kutahiliwa kuch adesituli ya Musa, ng'odu kukombolewa." ² Chipindi Paulo na Barnaba pavavelili na mapambanu na mijadala pamu nau valongu vaamuili kucha Paul, Barnaba na vamonga kadhaa vayendi Yerusalemu kwa mitumi navagogolu kwa ajili ya liswala ali. ³ Kwa iyu kwa kulaishiwa kwau nakanisa vapitiili Foinike na Samalia pavatangasha kuiwambula nia kwa vamataifa vayeili kukeduka kwavalongu vonda. ⁴ Pavayisili Yerusalemu valibishiwili na kanisa na mitumi na vagogolu na vawashilili taarifa ya mambu vonda ambayu Chapanga gagola pamu nau. ⁵ Ambeli vandu fulani vajumilili vavelili katika lipinga la mafarisayu vawolokililina kudeta," ni muhimu kuvataili na kuvaamuru vaikamuli seria ya Musa." ⁶ Ivyu mitumi na vagogolu vawolokili pamu kuiwola ali swala. ⁷ Baada ya majadilianuu matali Petru awalokili na kudeta," Kwau valongu makumanya kucha kitambu chiswanu chapitiili Chapanga agolili chaguukoti yenu kucha mlomu wangu matayifa vapikinishi cha injili n akujumila. ⁸ Chapanga akuvamanya mioyu ikushuhudiya kwau akuvapa mfuki ung;alili kucha paagoliki kwa yufi, ⁹ na agolili ng'odu wutofauti kati yetu na vau paigilili mioyu yau nyanyi kwa lujumilwa. ¹⁰ Kwa hiyu, kwa liki mukuyesha Chapanga kucha muviki nila fuwu ya ngulu ya vanashuli ambawu ata vatati vetu wala yufi twaweshili ng'odu kustahimili? ¹¹ Pambeli tukujumila kucha datuokotewi kwa neema ya Bambu Yesu kucha pavelili." ¹² Kusanyiku londa lanyamalili pavaveluli pavampikanisha Barnaba na Paulo pavavelili vakufumisha taarifa ya chilangushilu n amaajabu ambayu Chapanga agolili pamu nau kati ya vandu va matayifa. ¹³ Pvalekili kuywanga Yakobi ayangulili padeta," Valongu mpikanishi. ¹⁴ Simoni kayimulila jinsi kwaa Chapanga kwa neema vasaidiili matayifa ili kucha ajipati kufuma kwau vandu kwa ajili ya litava laki. ¹⁵ Filongu fya vanabii vajumila ali kucha iyandikiwili. ¹⁶ 'Baada ya mabu ava danguyi na kulijenga kandi hema ya Daudi yiponikilili pasi daniitandamuli nakupela ugobeleku waki, ¹⁷ ili kucha vandu vabakiili vamsasaki Bambu pamu na vandu va matayifa vakemiiwili kwa litava langu. ¹⁸ Ivyu ndivyu adeta Bambu agolili mabu ava vamanyikili tangu enzi sa pakwandi. ¹⁹ Ivyu basi udshauli wangu ni kucha na tukoto kuvapatila shida vandu va mataifa vamualambukila Chapanga; ²⁰ pambeli tuyandiki kwau kucha vaitepeshi kutali na uharibifu wa sanamu, dobekelu sa uwasharati na finyongiwili na mwasi . ²¹ Kufuma vivelekwa fya vagogolu kuna vandu kila muji wahubilio na kumusom aMusa katika masinagogi kila sabatu." ²² Kwa iyu iwonekana kuva ivapendesa mitumi na vagogolu pamu na kanisa londa kumshaula Yuda yakemiliwi Barsaba, na Silas, vavelili fiwongosi wa kanisa na kuvalaisha Antiokia pamu na Paulu na Barnaba. ²³ Vayandikili ivi," Mitumi vagogolu na valongu kwa valongu va matayifa vavelili Antiokia, Shamu na Kilikia, salamu. ²⁴ Tapikanishili kucha vandu fulani ambau twawapatiili ng'odu amli ayi vafumili kwetu na vavavatisa kwa mafundishu vayeya shida munashi yenu. ²⁵ Kwa iyu iyonekana nyanyi kwetu tavonda kushaula vandu na kuvalaisha kwenu pamu na vatama veti Barnaba na Pauli, ²⁶ vandu vavelili atulisha maisha vau kwa ajili ya litava la Bambu Yesu Kilistu. ²⁷ Kwa hiyu tumlaisha Yuda na Sila davawombeli mambu vavala. ²⁸ Kwa kuva yawonikili nyanyi kwa mfuki ung'alilina kwa yufi kutokuvika kumbindi yenu msiwu mkomi kuliku ,mambu ava yavelili va lasima. ²⁹ Kucha mualambuki kufuma mu findu fifumishiwa kwa sanamu mwasi, findu kunyongewa na wusaharati kuvha damjiviki kutali ana afi dayivi nyanyi kwenu kwa herini." ³⁰ Ivyu basi vatawanyishili vasunukili Antiokia baada ya kukangasha kusanyiku pamu vawasilishili balua. ³¹ Pavalilivaisoma vakedukilili kwa ujangi wa kuvavka ngufu moyu. ³² Yuda na Sila, na vanabii vavatiili moyu valongu kwa filongu fitangalili na kuvavika ngufu. ³³ Baada ya kuikala muda fulani aku vatawanyishiwili na lujumilwa kufuma kwa valongu kwa vala vavulaishili. ³⁴ [Pambeli yawonikili nyanyi Sila kubakizza aku] ³⁵ Pambeli Paulu na vamonga vaikalili Antiokia pamu na vamonga vatangalili ambapu vawulili na kuwubili chilongu cha Bambu. ³⁶ Baada ya sikukadhaa Paulo adetili kwa Barnaba," Tuwuyi ponopau na kuvayeyendela valongu katika kila muji patuhubili chilongu cha Bambu n akuvawona valivyu. ³⁷ Barnaba aitajili piya kumtola pamu nau Yohana yandemiwili Marku. ³⁸ Lakini Paulo ayowolili yavelili nyanyi gha kumtola Marku, avalekili aku pamfilia n aayendili nau gha katika kasi. ³⁹ Kandi apu ifumbuka malimbanu makomi kwa iyu vatenganili na Barnaba amtolili Marko n akusafiri kwa mbutuka mbaka Kipro, ⁴⁰ na Paulo amtolili Sila na kuwuka baada ya kukabisiwa na valongu katika neem aya Bambu. ⁴¹ Na ayendili kupitila Shamu na Kilkia paimalisha makanisa.