¹ Kafumbuka mgati y IKonia kucha Paulu na Bambu vayingilili pamu mgati ya Sinagogi la Vayaudi na kuywanga namuna ambayu lipinga likomi la vandu Vayaudi na Vayunami vaajumilili. ² Pambeli Vayaudi vakosili kumutii vavachongoshili wala vamaataifa na kuvagola kuvavabaya zidi ya volongu. ³ Kwa iyu vaikalili aku kwa munda mlefu pavaywanga kwa ugangamafu kwa ngufu ya Bambu aku paafumisa azibitishu kuwusu lulailai wa neema yaki agolili naa kwa kufumisha chilangashilu na maajabu figolewi mawoku va Paulu na Barnaba. ⁴ Pambeli eneu likomi la muji ligawanyikili baasi ya vandu vavelili pamu na Vayaudi na baasi pamu na mitumi. ⁵ Chipaindi mataifa na Vayaudi pavayeshili kuvashawishi fiongosi vau kuvagolela fibaya na kuvadula miganga Paulu na Barnaba, ⁶ Valimanyili ali na kutuvilila katika muji wa likaonia, Listra na Derbe na filongu fishengeta pala, ⁷ na aku vaubilili injili. ⁸ Na aku Listra pavelili na mundu yumu yaikalili avelili ng'odu na ngufu mumawulu vaki, chiweti kufuma mumumbda ya mamundu kawayi ng'odu kuyeyenda. ⁹ Mundu ayu ampikinishili paulu paaywanga Paulu amkaliili mesu na kuwona kucha avelili na lujumilwa la kuponelwa. ¹⁰ Ivyu adetili kwaki kwa sawuti ya kumbindi waloki kwa maulu vaku na yula mundu ajumbili kumbindi na kukanda kuyeyenda. ¹¹ Umai pauwnili chachigolili Paulu vayinulili sawuti sau pavadeta katika lahaja ya kulukonia mimbuyi itusumukia kwa nanuna ya binadamu. ¹³ Vamkemili Barnaba zeu na Paulu Herme kwa ujangi avelili mdetaji mkoni. ¹² Kuvani wa zeu ambiyi hekalu laki lavelili panji ya muji ayeili fahali la senga na lutungilu wa mawua mbaka mu mlyangu wa miji mweni na wumati vdailili kufymisa litambiku. ¹⁴ Pambeli mitmi Barnaba na Paulu pavapikinishili ali vapabuili yingwa sauu kwa kulopokesha vayenda panji mu umati valila. ¹⁵ Na kudeta enyi vandu kwaliki mkugola mambu ava na yufwi piya ni binadamu aveli na yisia kucha sa yumwi tuvayeela milandu ya nyanyi kucha mualambuki kufuma mu fundu afi fingajila kufaa na kuyenda kwa Chapanga yaumbili mlima na bahali na chila hindu chivelili. ¹⁶ Katika chipindi sipitili avalousil mtaifa kuyeyenda katika njila sau veni. ¹⁷ Pambeli badu awukili ng'odu pasipu washaidi kayika ali agolili nyanyi na kavapa ndonya kufuma kumbindi na chipindi cha mazau pavamesha mioyu kwa ilivi na kukeduka'' ¹⁸ Hata ka filongu afi Paulu na Barnaba kwa shida vaulemishili umati kuvafumishila litambuki. ¹⁹ Pambeli baasi ya Vayaudi kufuma Antiokia na Ikoniu vayisi;i kuwushawishi umati vamdula migang Paulu na kumkuluula adi panji ya muji pavazani avelili kasova. ²⁰ Ata wula vanashuli vavelili vawoloka pabeyi nayi kataandamuka vayingila kumbwani siku ya ili aliende Derbe na Barnaba. ²¹ Baada ya kuwula injili katika muji wa na kuvagola vanashuli vaangalili vawyili listra adi Ikoniamu na adi Antiokia. ²² Vayendilili kuimalisha nafasi sa vanashuli na kuvakiwa moy kuyendelela katika lujumilwaq kadeta lasima tuyingili katika ufalumi wa Chapanga kwa kupitila matesu vatagalili.m ²³ Pavateulili kwa ajili yau vagogolu vakila kusanyiku la vajumila na paava valuva na kufunga vavakabizili kwa Bambu ambayi wau vamjumila. ²⁴ Kandi vapitila pisidia vafikili pamfilia. ²⁵ Chipindi pavaywangili filongu katika Perga vasumukili kuyenda Atalia. ²⁶ Kufuma aku vakweliili mfutuka adi Antiokia ambaku vavelili vaifumisha kwa neema ya Chapanga kwa ajili ya kasi ambayu ponopa vavelili vaikanilisha. ²⁷ Paafikli aku Antiokia na kukungasha kusanyiku pamu vafumisha taalifa ya mambu ambayu Chapanga kagola kwau na jinsi paafuulili mlyangu wa lujumilwa kwa vandu va mataifa. ²⁸ Vaikalili muda utangalili na vanashuli.