¹ U Paulo, umutumighwa ughwa Kristi Yesu kulughano ulwa Chala nu Timotheo ughwa mwitu, ² kubho ghwa mwitu abhagholofu, abhanaloli abha Kristo bhabho bhani ku Kolosai. Ichisa chibhe kukwinyu nu lutengano ulufuma kwa Chala ubhabho ghwitu. ³ Tukumupalisha, Uchala, Ubhabha ghwitu usongo ghwitu u Yesu Kristi amashiku ghashi tukubhasumila. ⁴ Papo twapulikite akapango akalwitiko lwinyu ulwa mwa Kristi u Yesu, nulughano lulwo mulinalwo kubha gholofu bhashi Chala. ⁵ Kuno nongwa ijya lusubhilo lulwo mwabhikileghwa kumwanya. Lulwo inongwa shake mwashipulikite kubhwandilo ubhwa lishu ilya kulumbilila, ⁶ lilyo likafika kukwinyu. Isapapo bhwo shali muchisu choshi nu kupapa iseke nukukula, isapapo bhwo shikubha nakukwinyu numwe, ukufuma mumwo mukapulikila mukachimanya ingani ichisa icha Chala nubhwanaloli. ⁷ Isapapo mukamanyishighwa nu Epafra, umubhombeli ghwitu umughani ghwa jyujyo mubho mbeli ghwanaloli ughwa Kristi kuno ghwa jyinyu. ⁸ Epafra Ghwepe akatubhula ulughano lwinyu ulwa mwa Mbepo. ⁹ Kunongwa jyijyijyo nutwe bhubhu ukufuma ishiku lila bhwo twapulika, tutalekite ukubhomba inyiputo nu luhobhokela kunongwa jyijyu, ukuti mwongeleshighwe inyinongono isha lughano lwake nukwijyisha kwoshi nu kumanya ukwa mwa mbepo. ¹⁰ Mwendaghe isapapo bhujyilile ubhubhombeli bhwinyu kwa Chala nukumuhobhosha ingani mupaghe iseke kumbombo inyisa, nukwongela ukwinongono isha Chala. ¹¹ Mubhombela na mahala ghoshi kunongwa jya kwimikighwa kwake, mubhange nulutengano ulwa naloli nu kwamilila nukusekela. ¹² Mumupoleghe ubhabha jyujyo abhabhaghishisho ukupokela ubhujyo ubhwa chilingo icha bhagholofu icha lumili. ¹³ Gwepe atupokite kumaka agha mungisi akatusamia nukutwingisha kubhunyafyale ubhwa mwana ughwa lughano lwake. ¹⁴ Papo kunongwa jyake tulinubhupoki ubhwa kuhobhokelighwa isambi. ¹⁵ Gwepe chifwani cha Chala jyujyo afakubhoneka, umpapighwa ughwa kwanda kufipelighwa fyoshi. ¹⁶ Papo kunonghwa jyake ifindu, fyoshi fyapelighwa, fifyo fili kumwanya pachishu, fifyo fikubhoneka nafifyo fitakubhoneka, linga fitengu ifya kumwanya, nifyabhusultani, pamu kumwanya pamu mamulaka ifindu fyoshi fikapelighwa kusila jyake na kunonghwa jyake. ¹⁷ Gwepe akabhakwo bhwo fyoshi fitalikwo sona ifindu fyoshi fikukolana kunongwa jyake. ¹⁸ Gwejyo mtu ghwa mubhili sona ghwa kanisa ghwejyo ghwa kwanda ukupapighwa ghwakwanda kubhufwe ukuti abhe abhe ghwa kwanda kulishoshi. ¹⁹ Papo kunonghwa jyake shikabhaghila ukuti fikanilishighwe fyoshi fibhe akisa, ²⁰ kunonghwa jyake ukufinde ndekesha ifindufyashi ni nafsi jyake, bhwo abhomba ulwitiko kusila ijya chikobhe kano chake. Kunongwa jyake jyabha findu fifyo fili pamwanya pachisu pamu fifyo fili kumwanya. ²¹ Numwe mwemwe mwalikwo ukufuma kubhwandilo mufwilighwe, sona numulughu munyinongono shinyu, kumbombo shinyu imbibhi, abhatendekesha sona. ²² Kumubhili ughwa nyuma jyake nukufwa kwake, ukuti atubhike utwe kumda shi jyake, abhagholofu. ²³ Bhabho bhata na tondoli pamu ilawama. Bhwo mukumiila nukwitiko bhwamu bhikighwe pamwanya pa musingi, bhwomwabhakamili, linga mtashimbulighwa nukuleka ukwinongona isha kulumbilila isa mumwo mukapulikila inongwa shake, shisho shikalumbililighwa kufipelighwafyoshi fifyo fili pase pachisu. Fifyo une ni Paulo, nalimubhombali ghweke. ²⁴ Ulu inguhobhika kundamiyo shisho indi nasho kunonghwa jyinyu. Sona ingu ghakamilisha numubhili ghwangu ghala ghabho ghapungukite agha kutesighwa kwa Kristi kunongwa ijya mubhili ghwake yani ikanisa lyake. ²⁵ Lilyo imbikighwe ukubha mubhombeli ghwake, ukukongana ni mbombo isha Chala ijyijyo napelighwa kufaida jyunyu, ukuti indi kanilesho ishuilya Chala. ²⁶ Isiri jyijyo jyimamute ukufuma kubhwandilo shoshi ukufuma ni vizazi fyoshi lole ulu shabha pabhwelu kubhalofu bhake. ²⁷ Bhabho Uchala ighanite ukubha manyisha mumwo bhubhelile ubhutajyili ubhwa kwimikighwa ubhwa siri ijyi kubhamataifa, numwe ghwi Kristi mukati mumwinyu. Ukuketelela ukwa bhwimikighwa. ²⁸ Jyijyo utwetukumulumbilila inongwa sha kutukumusoka kila mundu, nukumukanyisha kila mundu nukwijyusha kwoshe, ukuti twise naghwe kila mundu abha mutumilifu kwa Kristo. ²⁹ Ineingatamia kunongwa ijya lishu lililyo ingikashanga kunongwa ijya kubhomba imbombo kukwake akabhomba gha imbombo mkati mumwangu kumaka.