¹ Na gundendewishe kujinula meyo gangu, na nne gunolile, lola ligombo ligulukalyo! ² Malaika gwamushwe, "ukushivona nndi? gunyangwile, "nakulivona gombo ligulukalyo,uleu gwake dhiraa makumi gavili naupana gwake dhinaa likumi limo". ³ Penepo anugulile, "Jeneji nilaana jikwenda pantundu ja kumeyo kwa shilambo showe, kweni tangu nnaino kila nkwala ashashaywe kulingana na liveleketwa nmbali kapo ja unami shashoywe kulingana na puikuveleketwa nmbali jina, kwa kadili ja malove gake" ⁴ "Shinilitume alugula yahwe jwa majeshi nneyi shinyinjile nnyumba muka nkwiva na nnyumba mwa alumbila kuta unami kwa lina lyangu. Shiliigale nnyumba jake na kuveleketeza mbao na maganga gake" ⁵ Peneppo malaika aliji aliveleketa na nne akajendeje pilanga gwanugulile, "junula meyo ushivone shikwiya" ⁶ Gumelekete ni shindu shashisheneshi? Gwalugwile, "Sheneshi ni shikapu shikwiya shili na Gwenegu ni uovu gwaonji katika shilambo showe" ⁷ Na nng'uniko gwa risasi gujinnulwa shoka nkati ja shikapu na kushikuva na jwandonya pai jake atemi nkati jake! ⁸ Malaika gwalugwile, "Gwenegu ni uovu" na gwannjaile kavili nchikapu, na kuguluya nng'uniko gwa pannango gwake. ⁹ Ngajinula meyo gunavwene vanconyanji vavili valikwwayangana kunngwangu, puyaliji na mbango nkati ja mapapiko gaonji valinginji na mapapiko ga korongo. Gwajinulanje shika nkati ja mbingu na shilambo. ¹⁰ Kwa nneyo gumimmushia malaika avelekete na nne "vapelekanga kwapi shikapu? ¹¹ Gwanugulile, vanakwendangana kushenjela ekalu kati shilambo sha shinari kwa ajili jake. Ekalu pushijive layali, shikapushishivikwe pamsingi wandaliwe kwa ajili jake.