¹ Penepo malaika ajimi alikunguluka na nne ashikutendauka na kunyimuya nndu mundu a guna mmbali gwa nchinda"najimnnilouywa nnugono. ² Gwamushia, "ukushiona nndi?" gumeleketale, makushivona shinala sha taa shishialaywa kwa dhaabu jika, na bakuli pantundu jake. Shishikola taa saba pantundu jake na milija gumo kila taa. ³ Kunyenje jake kushikole mizeituni jivili, gumo mmbali gwa ⁴ Na gunimmushie kavili malaika akungulukaga, gene mambo ga kwele maana gashi, mkulungwa jwangu? ⁵ Jwenejo gwajagwile na kuvelekete ukananya gene mambo ganamaani nndi? gumelekete, elo ngamanya nkulungwa jwangu ⁶ Nneyo gwangilile, "lyaneli ni lilove lika yahwe kwa Zerubabeli veleketa nngaa kwa komola wala ,ashili ikaveje kwa mbumu yangu, alugula yahwe jwa majeshi. ⁷ Ugwa ni nndi, shitumbi shashileu? mmujo ja Zarubabeli shiuve tambalala nawenejo shashoya liganga lya pantundu kwa nyenye jika Neema! Neema kungwake. ⁸ Lilove lika yahwe gulinyile kuveleketa, ⁹ Makono gake Zerubabeli gashivika msingi ja nyumba najenejo shijimale penepo shimanyanje kuti yahwe ava valivonanje liganga lyapimile shinduma kunngwenunji. ¹⁰ Gani alidhalau lyuva lya mambo ga mashoko? vene vandu va valivonanje liganga lyapimile mmakono mwa Zerubabeli, navenevo shivainonyele (Taa saba ni meyo gake yahwe galimbilila riduani mowe.) ¹¹ Penepo nanmushie malaika, mizeituni jivili ji jijima nmbali ja nchinda na nnilo ja kinala sha taa ni nndi? ¹² Gumushie kwa mala jina kavili, genega majambi gavili ga mizeituni kando na milija ja dhaabu jili na mauta ga dhaabu gananyimanya shaka nkati jake? ¹³ Jwenejo gwanugulile, "ukakuimanya yene indu ni indi?" N nne gumeleketa, "Nngava, nkulungwa jwegu" ¹⁴ Gwavelekete, "Veneva ni vana va mauta gamavii ga mizeituni vajimangana mmujo jika nkulungwa jwa dunia jowe.