¹ Gakapiteje mobha gatatu, jishinkupangwa ndowa kukana ja Galilaya a anyina bhabho a Yesu bhashinkupangwa kweneko. ² A Yesu na bhajiganywa bhao bhashinku shemonga ku ndoa. ³ Bhakamalilwanjeje divai anajilabhabho a Yesu gubhalugulile,''Bhangalinji divai.'' ⁴ Yesu gubhajangwile,'' Bhandonya imbinyika ndi yeneyo? Malanga gangu gakanabhe timilila.'' ⁵ Shoshowe shibhammalanjilanje, ntendaje.'' ⁶ Bhai gashinkupagwa matendo ga maganga sita gabhishilwe kwa ligongo lya nabhila mobha ga shikukuu ya Bhayahudi, ukulungwa gwa gumbala mitumba jibhili au jitatu kwa kila limo. ⁷ Yesu,''Gubhalugulilenje ngumbayanje mashi mmatende ga maganga.''Gubhagumbeyenje tetete. ⁸ Kungai gubhalugulilenje bhabhanda bhala, nnano ntekanje kashoko nkapanganje bhakulungwa bhamesha.'' Gala ndowa gubhatendilenje malinga shibhalajilwenje. ⁹ Bhakulungwa bha ndowa gubhapashije mashigala gatendewishe na bha divai. Ikabhe bhangakumanya kugakoposhele (ikabheje bhabhanda bhateshilenje mashi gala, bhamanyinji) kugakoposhele)bhai gubhanshemile nkulomba ni. ¹⁰ kwa lugulila.'' Bhandu pubhatandubhanga kwapanganga bhandu divai jambone ti, mungai bhakolelwangaga ni kwa panganga jangalimana. Ikabhaje mwe nshibhike jambone mpaka nnaino'' ¹¹ Shikanganigo shakukana ja ku Galilaya shi, pushaliji shitandubho sha ilangulo na nganganigo ibhatendile a Yesu bhalilanguya ukonjelo gwabho. Pendepo bhajiganywa bhao gubhaakulupalinje. ¹² Gakapiteje genega a Yesu na anyilabhabho na bhajiganywa bhabho na ashipwao gubhapitengenenje kushilmbo sha Kapelanaumu ni tamaa mobha gashoko kweneko. ¹³ Bhai Pasaka ja Bhayahudi Kuyelusalemu. ¹⁴ Gubhaakondenenje bhaujanga ng'ombe, ngondolo na ngunda nni hekalu, numbe na bhatindiganyanga hela bhate mengenenje nkati nni hekalu. ¹⁵ Yesu gubhaleye shikotopwasha shiundo, gubhabhinjilenje bhandu bhowe bhalinginji nni hekalu,pauo na ng'ombe na ngondolo. Gubhakushule hele ya bhatindiganyaga hela nipindingulanya mesha yabhonji. ¹⁶ Nabhwa shanganga ngunda nikwabhalanjilanga,''Nsoyanje yene indui kwa talika na pepano, nnekanje kujitenda nyumba ja Atali nne mbuti pa soko.'' ¹⁷ Bajiganywa bhabo gubhakumbusile kuti ishijandikwa, ''Wivu gwa nyumba jenu shigundaune.'' ¹⁸ Bhakulungwanji bha shiyahudi gubhajangwilenje, nikwalugulila, '' Shilangulo shai shimushitende sha ligongo lya tenda genega?'' ¹⁹ Yesu gubhajangwile, mbomolanje lihekaluni na nne shinyenje kwa mobha gatatu.'' ²⁰ Bhai bhakulungwa bha Bhayahudi gubhalagwilenje, ''Inshikutola yaka makumi nsheshe na sita kushenga ali lihekaluli ni mmwe nnalugula kuti shinsenje kwa mobha gatatu?'' ²¹ Ikabhe bhenebho libhakungulushilaga li hekalu bhalilomboleshea shiilu shabho. ²² Kwa nneyo baadaye bada ja yuka kwabho kukoposhelakwa kubhawilenje, bhajiganywa bhabho gubhakumbushilenje kuti bhalugwile yeneyo, gubhakulupalilenje majandiko na malobhe ga kuti Yesu bhalugwile genego. ²³ Bhai pubhaliji Kuyelushalemu mobha ga Pasaka mobha ga shikukuu bhandu bhabhagwinjinji gubhakulupalilenje lina lyabho, bhaka bhonanjeje ilagulo na nganganigo ibhatendile. ²⁴ Ikabheje a Yesu bhaangakulipalilanga pabha bhaamanyinji bhandu bhowe. ²⁵ Bhakapinga mundu jojowe kwabhalanjila ga shibhalinginji bhandunji pabha bhagamanyi galinji nkati jabhonji.