¹ ''Unaulesha mtima gwako lilagalaga. Nikwakulupalila a Nnungu mgulupalilanje nane. ² Mnumba ja wawa ushikola mwalama mwamwingwinji mwalama; kama ngabha nnnneyo ningakululile maana nakwenda kuala ya maali pako patama pagwapo. ³ Mwana nyendaga nialaya maali shingisho kabhili kumtolanga nakukalibhashanga kugwetu, ili puni nnee na mmanganyanji mpangwanje. ⁴ Mgumanyinji mpanda gugwenda.'' ⁵ Tomaso nkwabhalanjila a Yeshu mmakulungwa tukakumanya mpanda gumkwenda Egala! Shitukomle bhuli kumanya mpanda? ⁶ Yeshu nikwabhalanjila, ''Nnee ndiyo mpanda, gwakweli, na ukoto jwakwa munda akwiya kwawawa ikabheje kupitila kwangu. ⁷ Mmanyanga nnee shimwamanyanjo na Awawa bhangu kaje, kutandubha mnaino mpaka mmujo mumanyinji na mwaweninji.'' ⁸ Philipo akwalungulilaga a Yeshu, ''Mmakulungwa mtulangwe Awawa, naweyo shitungamini.'' ⁹ Yeshu gwajagwile, ''Pandeni namanganyanji muda gwanginji ukamanya, ungwe Philipo? Jojowe amwoni nnee abhaweni Awawa igala pukutenda kutuunanguye Awawa?'' ¹⁰ Kaininji kuti nnee muni mkati mwa wawa Nawawa mwali mkati mwangu malobhe gungulugu kungwenunji ngalugulu nielepe jika, maana jake Awawa bhatama mkati jangu bhakamula maengo gabho. ¹¹ Mngamininji mmbene, kuti munimukati ja wawa na wawa mubhali mkati jangu na kabhili mngamininji mnee kwamaengo gangu kaje. ¹² Amini, amini, nakunugululinga jwenejo agulupalila nnejo maengo gungutenda, ashatende najwala kwe maenga gaga: nashatende maengo gamakulungwa maana ninakwenda kwa Wawa. ¹³ Shoshowe mjugangaga kupitila lina lyangu Awawa shibhatende a Nnungu bhejinushe kupilila kuka Mwana. ¹⁴ Mwana mnjugangaga shindu shoshowe kupitila lina lyangu shindende. ¹⁵ Mwana mbingangaga, shimkamlanje, ''Amuli gangu. ¹⁶ Nani ajugaga Awawa, nabhenebho, shibhapanga nje jwamkujangutilila juna ili amanye tama pamo mpaka pitipiti. ¹⁷ Mbumu ya ukonjelo yakeli. Shilambo shikakombola kumposhela jwenejo pabha jikakomona, au kumanya jwenejo, lakini mmanganya mumanginji jwenejo, pabha anatama pamo na mmanganya shabhe mkati jenunji. ¹⁸ Nganekanga jikapejenunji: shimuje kungwenunji. ¹⁹ Kwamunda kashoko, shilamo shikamona kabhili, lakini mmanganyanji shimonanje kabhili. Pabha ngunatama, namanganyanji shitamangananje nane. ²⁰ Ngene magago shimumanyanje kuti nnee muni mkati mwawawa, matena mmanganya muninginji mkati mwangu, natena nnee muni mkati jenunji. ²¹ Jojowe akamula amuligangu nitendelamaengo ndiyo ambinga nnee, nambinga nwa sapingwe na Awawa yangu, nashimpinje na kwilangiya mne namwe ne kungwake.'' ²² Yuda (ngabha Iskariote) Nikwabhalanjla a Yeshu, ''Mmakulungwa shindu shashi shibhonekana kuti shimilangwie mayene kungwetu na ngabha kushilambo? ²³ A Yeshu gwajangwile nikumalanjila, ''Mwajojowe shambinje shakamule lilobhe lyangu na wawa yangu shibhapinje, na shiuishe kungweke na shitutende ndamo jetu pamo jetu. ²⁴ Jojowe akambina nne akakamula malobhe gangu, lilobhe linkupilikananga lyo ngabha lyangu likabheje lya wawa bhenebho bhandumile. ²⁵ Jilugula malobhega kungwenuji, nilitama pamo namanganyanji pakatipakati penunji. ²⁶ Hata nneyo jwapoyamboya, mbumu yaukonjelo, jwenejo Awawa shibha mtume kwalina lyangu, shanjiganyanje mabogowe na shakumbushianje gowe gene guninugulilenje kungwenunji. ²⁷ Ulele ninakupanganga ulele gwangu mmanganya. Nakumpanganga ngabha shilambo pwikusho ya mnatendanje mitima jenunje jibhe na maugolongondingo, wa bhoga. ²⁸ Mwapilikenenje ila puninugulilenje, ''Gunakwenda nnee, nashimnje kabhili, 'Kugwonunji kama mkambinjilenje nnee, ikanonyelenje pabha ninakwenda kwa wawa managake wawa ni bhakulungwa kumbita nnee. ²⁹ Ninaino njikumalanjilanga ikabhe koposhela ikoposhelaga mpatanje kuamini. ³⁰ Ngakuguluka malobhe gamangwinji pabha mkulugwa jwa shilambo inakwiya jwenejo jwa ngali mashili kumbita nnee. ³¹ Maangake kuti shilambo shimmanye kuti ninakwapinga Awawa, ngunatenda sheshila Awawa bhashinanjila nnee neila bhashimba ulajilo, jimukanje tujabhule apano.