¹ Mobha sita jikana bheika pashaka, a Yeshu bhashi kwenda ku Bethania, pubhaliji a Lazaro, bhene bhobha yushiye kushoka kushibho. ² Bai gubha pelenje shalya shaligulo, na a Martha gubhatendele mboka, a Lazalo pubhaliji pamo na bhebhala bhatemigenenje pabhalya pamo na Yeshu. ³ Bai a Mariamu gubhatolile mautagaela yaigwinji gaelejwe na nardo jambone gubha pashile a Yeshu mmakongono, niuguta makongono naumbo yake; nyumba jowe jishikununjila mauta ya ela ya gwinji. ⁴ AYuda Iskariote, jumo jwa bhebhala bhakujiganywa, bhambinga kwakana a Yeshu, gubha lugwile, ⁵ ''Kwandi gene mautaga gana ushwe ka dinari miatatu nikwa panganga mashikini?'' ⁶ Bhabhelekete genego, ngabha kwa kwaonelanga shia mashikini, ashibha nkwihiva: Jwenejo akamulaga nnko gwaela na atenda tola indu ipali mwenemo kwitenda yake. ⁷ A Yeshu gwa lugwile, ''Mwaleshe bhashishe shibhakwete kwajili ja ntuhi gwangu. ⁸ Mashikini shimanganje mmowenji mogagowe; ikave nka bhanganga na nne mobha gowe.'' ⁹ Bai lugwinjili lyalkulungwa lya Bhayahudi gubhamanyinji kuti a Yeshu kubhali kwene, gubhaikengenenje, ngabha ga kwalola a Yeshu pe, nkupinga bhamonanje Lasaro ayushiwe na a Yeshu kushoka kumituhi. ¹⁰ Nabhakulungwa bhamakuani gubha tumbililenje kumulaga Lasharo; ¹¹ bhabha gwinji Bhayahudi kwaajiyake bhashi kwa kulipalilanga a Yeshu. ¹² Na lyava lya vili lyake lugwinjili lya bhandu bhashi kwakangananga kushikukuu pubhapilikenenje a Yeshu bhana kwija ku Yeruslemu, ¹³ bhashi kutolanga mahagala ga mikongo ga mitende gubha sho silenje palanga kwenda kwa poshela gubhatajilenje nyenye, ''Hoshana! Akwetemboka jweneju kwa lina lya bhakulungwa, bhakulungwa bha ishiraeli.'' ¹⁴ A Yeshu bhasikukwela mwana mbunda gubhankwelile; malinga pujandishwe, ¹⁵ ''nnajokope, mwali jwakonja; nnole, bhankulungwa bhenu bhana kwiya, bhakwelile mwana jwa mbunda.'' ¹⁶ Bhakujiganywa bhake bhangaelewanga gene mambo go kungani iko; ikaveje a Yeshu pubhajinwileje, gubha kumbu shilenje kuti bhasi kujandishi lya bhene bho na bhashitendanga genego kugwao. ¹⁷ Bai lwelulalugwinjili lwa bhandu bhalinginji pamo na a Yeshu pubha shimile alasharo kushoka kumalemi gubhatashiyenje kwabhana. ¹⁸ Lugwinjili lwa bhandu bhashi kwenda ngana kwaposhela bhashikupilikananga bhashitenda jene ishara jo. ¹⁹ Mapalisayo gubha bheleketenje ashayene kwa shayene, ''Nnolanje, nneino nkakombolanga tenda shoshowe; nnole, shilambo shipite nkungwake.'' ²⁰ Bhayahudi bhana bhatendaga tindimalanga kushikuku. ²¹ Bhene bho bhashi kwajendelanga a Pilipo, bhashoshile ku Bethasaida ja kugalilaya, gubha ju jilenje bhani lugula, ''Nnkulungwa, mwe tuna pinga kwaona a Yeshu.'' ²² Filipo gubha pite kwabhalanjila Andreya; Andreaya na Filipo gubha pitengenenje kukwa bhalanjilaa Yeshu.'' ²³ A Yeshu gwa jagwile, gubhalugwile, shaajihishe ja mwana jwa Adamu kukweywa. ²⁴ Nkulupalile, nkulupalile, na kumalanjilanga, mmbeju ja ngano jikagwe painiwa, utama nnepeyo jikape; bai jiwaga, jishiogole yahigwinji. ²⁵ Jwene apinga kulama kwake shaguovye; ikave atumbali kulama kwake pasilambo pa shaulamye atagumi gwa pitipiti. ²⁶ Mundu jojowe habhaga situmetume jwangu, na angagule; nanne puni, asikatumetume bhangu shibhabhanganje, mundu jojowe andendelanga yapwaa atati shibha mpe mboka. ²⁷ Nneino itima gwangu ushitenguka; nugule uli?' Atati, nndendele mboka aguno mudagani? Ikaveje ngishile muda gwake. Atati, nnjinule lina lyenu.'' ²⁸ Lilobho guliko pwesheshoka kuliunde gujilugwile. Nilijinwile na shinilijinule tena.'' ²⁹ Lugwinjili bhajimengenenje tome gubhapilikenenje, gubha lugwilenje ishilindimila. bhananji gubhalugwilenje, ashishimetameta bhatendaga bheleketanago.'' ³⁰ A Yeshu gwajagwile ni bheleketa lyene lilobheli lyangangishilanne ikave mmanganya. ³¹ Nneino mboteko jashilambo jipali: nneino nkulungwa jwa shilambo shajajwe pilanga. ³² Nnne nyinulwaga kunani ja shilambo, shina utanje bhowe kugwangu.'' ³³ Bhabheleketanga genego bhani languya bhani languya namna ga ntuli gwao pupinga bha. ³⁴ Lugwinjili lya bhandu gulutashiye, ''Uwetupilikene mmalajilo kuti a kristo shibhatame pitipiti. Namwe nkutayauli, mwana jwa Adamu lashima ajinulye kunani/ Jwene mwana jwa mundu nigeni?'' ³⁵ Bai a Yeshu gubhalugwile, ''shenje shipalipamo na mmanganya kashoko, nnjendangane pabha nkwetenje shenje luvindu luna kunkombolanga. Jwene akwenda paluvindi akakukumanya kwa kwenda. ³⁶ Nninkwetenje shenje, nkulupalilanje shenje mmanganje bhana bhashenje, ''Yeshu bhasikulugula genego gubha ijuvile bhana ananje. ³⁷ Nkali a Yeshu bhalagwiye iranguyo ya igwinji nneyo, bhanga nkilupalilanga. ³⁸ Kupinga litimilile lilobhe lya bhaklungwa geni akulupalile malobhe getu? Namakono ga bhankulungwa aunu kuli lye geni?'' ³⁹ Ndiyo maana bhanga nkulupalilanga, managake aisaya bha lugwetena, ⁴⁰ ''Bhakalolanga, na bhashitenda mtima jamnji jitope; bhanalolanga kwa meyogaonji nielewa kwamitima ja onji, ni kulupalila nanne ni kwalamyanga.'' ⁴¹ Isaya bhashikubheleketa genego kwa sababubhashikuona unkulungwa gwa a Yeshu nibheleke abari jao. ⁴² Nkali bhakulubhakulungwa bhabhagwinji bhashi kwa kulpalilanga a Yeshu; ikave kwajili ja mapalishayo, bhanga nkulupalilanga bhana bhigwangwa nchinagogi. ⁴³ Bhashikupinganga kulumbilwa na bhandu kuliko kulumbililwa na a Nnungu. ⁴⁴ A Yeshu gubha lugwile, jwenejo shangulupalile nne, alangulupalila nne jikave ikave na vandu mile nne. ⁴⁵ Najwene amwene nne abhawene bhandumile. ⁴⁶ Nne ngishe malinga shenje pashilambo kupinga kila angul palile nne anatame parubhindu. ⁴⁷ Bhaga mundu jojowe agapilikana ga malobhe gangu anagakamule, nne ngangunkumula: nangaika ukumula shilambo, ikave upate mboka. ⁴⁸ Jweke angana nne akakubali malobhe gangu, bhapali bhakwa ukumula; lyene lilobhele limelekete ndiyo lipinga kungukumula lyuva lya mwisho. ⁴⁹ Nne nanga bheleketa kwa nafusi jang pe, ikave atati bhambeleshe bhene bhayenu bhashinajila gumbinga bheleketa. ⁵⁰ Nne manyi maagizo gao gumi gwa pitipiti, bai genego gungu tayanne mbuti atati pubhamalanjile gene gungu bheleketa.''