¹ Kundandubho lishinkupongwa lilobhe, lyene lilobhe pulyaliji na a Nnungu, mbena lyane lilobhe ni a Nnungu bhayene. ² Bhenebha a lilobhe kundandubho pubhaliji na a Nnungu. ³ Indu yowe puyaeleywe na bhenebho, gwangali bhenebho bhakwa shindu shieleywe. ⁴ Nkati jabho bhakwete gumi, gwene gwini pugwaliji shilangaya sha bhandu bhwwe. ⁵ Shilangaya shinalangaya kuhibhindu, nkali hubhindu ngakombola kuima. ⁶ Pashikupagwa mundu alajilwe kukoposhela kwa a Nnungu, lina lyasho a Yohana. ⁷ Bhanshikwiya mbuti bhaakong'ondela bha shene shilangaya sho, nkupinga bhandu bhowe bhakulupalilange kwa kagulila bhenebho. ⁸ Yohana bhangabha shene shilangaya sho, ikabha bhashinkuika nkupinga shashikong'ondele shene shilangaya sho. ⁹ Shene shaliji shilangaya sha manyika kweli, shanishihe kushilambo showe nkupinga shilangaye kila mundu, ¹⁰ Shaishile pashilambo, na shilambo shapengenywe nakajwene, ikabhe bhapashilambo bhangamananyanga. ¹¹ bhashinkwiya kuindu yabho, ikabhe bhandunji bhao bhangaposhelanga. ¹² Ikasheje ku bhene bhabhagwinjinji bhaposhelenje, bhalikulupalilenje lina lyabho, bhai ku bhene bhonji shanshikupegwanga ntukagwa bha bhana bha a Nnungu, ¹³ Bhabhelekwenje ghabha kwa lundanya minyai eu kwa kupinga shilu, na wala ngabha kwa kupinga mundu, ikabhe kwa kupinga kwa a Nnungu bhayene. ¹⁴ Numbe lilobhe gwatendeshe shiilu aitama munkumbi gwetu, tuguweni ukonjelo gwabho, ukonjele malinga guka mundu jika jwa jikape aishe kukoposhela kwa awawa, agumbele mboka na kweli. ¹⁵ Yohana bhashinkwa kong'ondela bhenebho, niiutia lilobhe bhali nkuti, ''Bhenebha ni bhebhala bhunalugulaga ngani jabho nilinkuti, ''Jwene akwija nnyuma jangu ni jwankuhungwa kumbunda nne, pabha aapali nnganabhepangwa nne.'' ¹⁶ Pabha kwa utimililo gwabho, uwe tubhowe tushiposhela ntuka na ntuka gwayoyo. ¹⁷ Pabha malajilo ga a Nnungu gashinkwiya kwa nkono gwa a Musha. Mboka na kweli puiishe kwa nkono gwa a Yeshu Kristo. ¹⁸ Jwakwa mundu abhaweni a Nnungu mobha gogowe. Mundu jwa jika numbe ni Nnungu, atemi pa shigamba sha awawa, abhatendile bhamanyishe. ¹⁹ Gwenegu ni ukongondelo gwa a Yohana pene bhakulungwanji bha bhabhishila na bhalawi bhatumilwenje na bhayahudi bhakaabhuyanje, ''Mwe ni gani?'' ²⁰ Gwangali ganishia ganishia na gwangali kana, ikabhe bhashinkujangula, ''Nne nngabha a Kristo.'' ²¹ Penepo gubhabhushiyenje, ''Kwa nneyo igala mwe ni agani?'' Mwe ni a Eliya? Gubhajangwile, ''Nne ngabha? Gubhabhubshiyenje, mwe ni Ankulondola?'' Gubhajangwile, ''Ngoope.'' ²² Numbe penepo gubhabhuyenje, ''Mweni agani, nkupinga tuukabhalanjilanje bhatutumilenje?'' nkwikong'ondela bhuli mmanyene?'' ²³ Gubalugwile, ''Nne ni liloshe lika aguta kuanga: Nngoloyanje mpanda gwa bhakulungwa, malinga ankulondola a Isaya pubhahigwile.'' ²⁴ Bhai bhashinkupangwanga bhandunji bhatumilwenje na ashimapalishayo papala gubhabhushienje bhalinkutinji, ²⁵ ''Mwanaga mwe ngabha a Kristo wala a Eliya wala a Nkulondola, bhai kwa ndi nnabhatisha bhandunji?'' ²⁶ Yohana gubhajangwilenje bhalinkuti nne ngunabhatisha mmashi. Nkali nneyo munkumbi gwenunji ashijima mundu junkakmmanyanga. ²⁷ Jweneju ni jwene akwiya myuma jangu nne ngapinjikwa kulegele ya mbundo ya ilatu yakwe.'' ²⁸ Genega kugatendeshe kweneko kubhetania, kunyumboko ya kuyolodani, pene a Yohana pusha bhatishaga. ²⁹ Likaisheje lyubha lina a Yohana gubhaweni a Yesu bhali kwajiila, ''Nikwataya bhalinkuti, ''Nnolanje mwanagwe ngondolo jwa a Nnungu akwijigala ilebho ya pashilambolyo! ³⁰ Jweneju ni junanugwile ngani jakwe nilinkuti.'' Jwene akwiya nyuma jangu ni jwankuluhingwa kumbuunda nne, pabha aapali nne nnganabhepangwa.' ³¹ Nangamma jwenepo, ikabheje ishinkutendeka nneyo nkupinga amanyishe ku bhaishimaeli, kuti naaishe nilibhatisha na mashi.'' ³² A Yohana bhashinkung'ondela bhalinkuti, ''Namweni mbumujwa ukonjelo alituluka kukoposhela kunnungu malinga ngunda, nikwatula pantundu jabho. ³³ Nne naangaamanya ikabheje bhene bhandumile matishe na mashi bhanungulile kuti, ''Jwene shimmumone mbumu jwa ukonjela alituluka na kwatulila pantundu jabho, bhenebho ni bhabhatisha kwa mbumu ya ukonjelo.' ³⁴ Mweni na ngong'ondele kuti bhenebha ni mwana jwa a Nnungu.'' ³⁵ Numbe lyubha likagulile a Yohana bhali bhajimi na bhaajiganywa bhao bhahili, ³⁶ Gubhabhweninji a Yesu bhalipitanwa, a Yohana gubhashile, ''Nnole mwana ngondolo jwa a Nnungu!'' ³⁷ Bhajiganya bhabhili bhala gubhapilikenenje a Yohana bhalikugabheleketa genego, gubhaakagwilenje a Yesu. ³⁸ Numbe a Yesu gubhatendewishe nikwabhonanga bhaajiganywa bhala bhali kagulanga, gubhashushiyenje, ''Nkupinganga ndi?'' Gubhajangwilenje, ''Kwe?'' ³⁹ Gubhalugulilenje, ''Njiaugananje mpabhonanje.'' Bhai gubhapitengenenje na kupabhona pubhatamaga, gubhatemengenenje pano lyubha pabha puyaliji malinga malanga ga saa nne. ⁴⁰ Jumo jwa bhabhili bhanapilikenenje a Yohana bhalilugula ni kwa kagulanga a Yesu bhaaliji a Andelea apwao a Shimoni Petili. ⁴¹ Gubhonseni akulubhao a Shimoni nikwalugulila, ''Twa patile amashia''imalombolela gakwe a Kristo). ⁴² Gubhapeleshe kwa a Yesu a Yesu ghubhalolile Shimoni nilugula ''Mwe na Shimoni bhana bha a Yohana, ''Siinshe a Kefa , ''(Malombolela gake, ''Petili). ⁴³ Lubha likagulile pubhapinjile a Yesu kujaula kwenda kugalilaya, gubhwene a Pilipo nikwalugulila, ''Nngagule nne.'' ⁴⁴ Apilipo pubhaaliji bhandu bha shilambo sha kubhethisaidia, shilambo sha a Andelea na Petili. ⁴⁵ Pilipo gubhaweni a Natanaeli ni kwalugulila, twaweni bhene ngani jabho jijandikwe na a Musha mwalajilola a Nnungu na Ashinkulondola. ⁴⁶ Natanaeli gubhashite, ''Bhuli sindu sha mbone shinakomboleka kukosela kunashaleti?'' APilipo gubhalugulile, njie kunnole.'' ⁴⁷ A Yesu gubhaweni a Natanaeli bhalikwajendela kubhali gubhalugwile, ''Nnole, Bhaishilaeli bha kweli kweli bhangali sa lambililwa nkati jabho!'' ⁴⁸ A Natanaeli gubhausije,'' Shana buli pummanyile nne?'' A Yesu gubhajangwile ni kwabhalanjila, ''Nnamweni pa litepo lya nkongo gwa ntini bhakanabhe kunshema a Pilipo.'' ⁴⁹ Natanaeli gubhajagwile, ''Rabi mmwe mwana jwa Nnungu mmwe nkulungwa (mfalume) Bhaishimaeli!'' ⁵⁰ Yesu gubhajangwile, pabha njikummalanjila'' nammweni patitepo lya ntini' bhuli nnikulupalila? Shimwibhone itendi yaikulungwa kupunda yene,'' ⁵¹ Yesu gubhalugwile, ''Nkukupalilanje akulupalilanje nakunnugulilanga shimmonanje kunnungu kuliuguka nikwabhonanga ashikatumetume bha a Nnungu bhali kwelenga na tuluka kwali mwana juka Adamu.''