¹ Kwa kuva akiishitu vatupele uulu, tuve vavulu. Mjimangane ukoto, nannatanjilanje kavili ni gogo la undeenika. ² Nnolanje, nne Paulo, nakunkummalanjilanga kuti ivaga shinjalukanje, akli shitu vakannjangutia shindu shoshowe shila. ³ Kavili, nakummalanjila kila jwannume ajalwishe kuti inapiingwa akamule shelia yowe. ⁴ Nchivikwanga panyenje naakilishitu, nnowenji mmalanjilwenje aki ''nchelia. Nchiigwanganga kwaatalika nashikono. ⁵ Kwa kuva mpanda gwa Ntima, kwangulupalilo tunaalinda mashili ga aki. ⁶ Nkati ja Yesu Kristo kujaaluka au kwangalijaluka shakwa shindu shoshowe shila. Ningule palililope itenda lienga nkupitila kupingana ndio ulaangaya shindu. ⁷ Mwatendaga vutukanga luvilo ukoto. Geni annimbiyenje nnatamangane ukoto? ⁸ Unani gwa tenda nneyo ukakopoka kwavenevo vankunchenanga. ⁹ Shikoko shishokope shinaangavanya litonji lyove. ¹⁰ Ngwete nganio nammanyanji kuti nkati mwa ananklungwa kuti nkaganishianga mpanda guma kwayoyowe pishiive. Jojowejula apinga kuntembonga shajigale ukuu jake nngene jojowe ula. ¹¹ Ashapwanwa, ivaga ngunaendelea kuutangasha unyago, igale vuli ngendelee kuaviuka? Kwalene lilove luo shindu shikuivila nchalaba, shinawesha kuangavanywa. ¹² Kupinga kwangu kuti vanganya vakunngongoshanga yangalimana, valiyanganje ashayene. ¹³ Annungu vashikunchemanga mmanganya, ashapwanga, nkupooka. Ikaveje mnatumianje kupoka kwenunji mbuti shikono sha nchilu. Badala jake nnjangutananje kwapingana ashayene kwaashayene. ¹⁴ Kwa kuva shalia jowe jikamilishe nkati ja aamuli jimo; jenejo ndio, ''Nilashima mumpinje mtami nnjenu malinga mmayene.'' ¹⁵ Ivaga nngenya nangaga naaveleketana, mwiiangalianje kuti nnangavananje mwasha yene kwaashayene. ¹⁶ Kunaveleketa, nnjendangane kwamu ntima, nawalape nkajilangana nnupimbi mwipimbilwa nnchiilu. ¹⁷ Yenei ikaalewenenga kila mundu nagwennjake, kumpelo kwake, nikuti nkate ndanga indu inkupinganga tenda. ¹⁸ Ivaga Ntima ndio akunnanguyanga mmanganya mwangalinginji pai ja shalia. ¹⁹ Lelo ikuvo ya shiilu inivonekana. Nayemeyo bi aina, ujajna, ushapu, kutindinganya, ²⁰ malonji ga yanamu, uwavi, ngani, mpwai, ntima nyongo, kutumbla, kuutana, kupalaganika, kulekana malekano ga mmakundi, ²¹ uwifu, kukolelwa, kudoka naindu ina ilandana na yenei. Nakunkalipilanga mmanganyanji, kuti vowenji vatendanga yene ikuvoyo, vakalishinji unnagulungwa gwa Annungu. ²² Ikaveje mmbeju ja Ntima nkupingana, kueka, kutama munu, kupumilia, kwapa vandu indu, gundu gwa mmbone, kulupalila, ²³ togolela, nakashoko kashoko. Jakwa shalia jikushie malinga gene mambogo. ²⁴ Wowenji valinginji pamona a Yesu Kristo vashikushiulayanga shiilu pamo na lungwingo na nganio yavonji yangali mana. ²⁵ Ivaga tutaamanga Muntima, bai tujendejende na Mntima. ²⁶ Tunave vandu va kuipuna, tunatandamulananje kila mundu nagwenjake, kavili tunavonelananje uuwipu.