¹ Ngunaveleketa kuti pakuva mundu jwaalishi ni mwana, aka alingana nangwandumika, ataive nkukamula mndu yove. ² Ikaveje pali pai pa vanangulungwa na vandu vakunngangalianga mpakamova gavishilwe na aina vavo. ³ Kavili numbe uwe, tuli vana, twaliji mndumika tulikagula mpanda mipanda ga mova ga ukala. ⁴ Bai yaka yammone puishie, a Nnungu vuga atumile vana vavo, lielo lya vandonya. Lielo livelekwe ncha sheria. ⁵ Vashikutenda nnei nkwatapulanga vanganyanji valinginji nkati ja sheria, vai kuti tuposhele alija ava mbuti vana. ⁶ Kwa kuva mmanganya, kunni ashivabashe vano a Nnungu vashikutuvika mbumu ikamwanangwao mmitima jetu, mbumu ishema, 'Abba, Baba.'' ⁷ Kwanneyo kwannei, mwene kavili mngava ndumika baali amwanashe. Ivaga nni amwana amwanashe, bai mmwe nimmayene mndu kuputila kwa Nnungu. ⁸ Ata ukala, mova ganga amanya ashipanganya a Nnungu, pumwalinginji ashindumika kwavevala vanganya valinginji shiumilo shake nngava ashinnungu kajekaje. ⁹ Pakuva nneione kuti nnikwamanyanga a NNungu, awakuti nna amanyikanga na amungu, lelo mbone nnavunjangana kavii mmpanda ja ngalimana wala shamani? Igala nnaapinganga kuva ashindumika vavili? ¹⁰ Mnakamulanga kwalunda kajekaje lyuva lyake, kuvoneka kwamii, mova na yaka. Ngunajokopa inava kuti nakwishumbuya pe. ¹¹ Ngunakokopa kwaligongo lyenunji. ¹² Nankunnyuganga ashaapwanga, mmananje malinga shini, pakuva puni, malinga punninginji. ¹³ Mwangango sheanga. Ikaveja mmanyinji kuti, puyaliji kwaligongo lya shilwele sha nchiilu kuti mnjikummalanjilanga lilove lya a Nnungu kwamova ngundandamwile. ¹⁴ Kwakuva alijangu ja shilu jishikummikanga nnganio kajekaje, mwangangebeinji aukungana. Ikaveje nchikumboshelanga mbuti itume tume ya a Nnungu, igala punaliji mbuti a Yesu Kristo vaene. ¹⁵ Lelo kujili kweli kululute kwenunji kuli kwei? Bai puili nneino, nimakongondela kungwenunji kuti, kaliji ikawezekane nkakodolenje nneyo genunji go nimba nne. ¹⁶ Ivi puilipa lelo, njiva na ligongo nammanganya kwaligongo lya kummalanjilanga indu yamanyika? ¹⁷ Vanakunnoleanga kwalilaka, ikaveje ngava kwamtima gwambone. Pakupinganga vatupalaganyanje nne nammanganyanji alafu mwaaloleanje. ¹⁸ Inakoanja kaje kuva na lilaka kwaindu yakoonja, namngavape kilapunguvu nammanganyanji. ¹⁹ Mwashivanangu mminginji mmashoko inamboteka kaje kwa ajili jenunji, kavili mpaka a Kristu vayushe mmitima jenunji. ²⁰ Mmalanjilanje mmanganya nkupinganga kuva pai ja shalia nkanave pilikananga shalia pujiweleketa. ²¹ Mmalanjilanje mmanganya nkupinganga kuva pai ja shalia nkanave pilikananga shalia pujiveleketa? ²² Kutiishijaandikwa kuti Abulahimu vashikukola vana vavili va kunnganyanji, jumo kukankongwe ndumika, najuna kukankongwe ngende nyumba. ²³ Kwanneyo, mwana jukandumikajula ashikuvele kwa nchiilupe ikaveje najunajula ashikuvelekwa najwankangwe nngene nyumba paliji jwa nnashili. ²⁴ Gene malove ganawesha veleketwa kwa shilangulilo, kwakuva vene vandonyanji na vanalingananga nanashili ivili. Limo kuhoposhela kushitumbi sha Shinai. Vana vake vavele kwanga ni ashindumika. Jweneju pashemwa Hajiri. ²⁵ Lelo Hajili ni shitumbi sha Shinai upali ku Alabuni. Unaalinganywa na Yerusalemu ja lelo, kwakuva nindumika pamo na ashivanangwe. ²⁶ Bali Yerusalemu jili kunani, pujili ukoto, nasheneshi niamama yetu. ²⁷ Kwakuva ishijaandikwa, ''Ueshele, ugwe jwandonya uli nannii, ugwe ukakola. Ugute nguto na utaje nyenye akumo unieshele, ugwe gwangao velela nkukola.'' ²⁸ Lelo ashapwanga, mbuti aishaka, mmanganya nivaana vanashiili. ²⁹ Gegala mova gala puyalijimundu avelekwe muindu ya nchilu, ashiiku nchimbuya mundu avelekwe naindu ya Muntima. Kwa nneino ninnepeyo. ³⁰ Malove gaveleketa buli?'' Muchoye jwandonya ndumika magwamwa anagwe jwannume. Kwa kuva mwanajuka ndumika akapata uliishi na mwana ja kajwandanya nngende nyumba.'' ³¹ Kwa nneyo, ashapwaanga uwe ngava vana va jwandonya ndumika, ikave va kajwandonya nngende nyumba.