¹ Nne Paulo vantenga. Nne ngava vandunji, vantng vngu ukoposhela kwa Yesu Kristo vaene na Anungu vayushie. ² Malinge na vandu viee nanne nakwajandishilanga makanisha gowe gaku Galatia. ³ Mboka jive namwe na ulele koposhela kwa Anungu aina vetu na vakungwa Yesu Kristo, ⁴ Vaishashiye vaene kwa wagongo lyanyambi yetu kwaneyo vtutpule nagagano movu gano gangali manaa, koposhela na pinga kwa Anungu na ainavetu tu. ⁵ Kwa nneyo uvee ukoyelo na ukulungwa gwa ngali mpelo. ⁶ Nguna imonga mbonaa na pindikukanga shanguya shanguya ni lola lilove lina. Nnaimonga kutii nnalekanga kwa talika kajekaje mileka lilove lya Anungu vanekemile mmboka yake. ⁷ Lyakupi lilove lina lya Anungu, vapali vandunji vakumbanga mmanganyanji nikopo kanje mmpanda ngwa Yesu Kristo. ⁸ Ikaveje uwee hau shitumetume vanungu koposhela kwa ashipanganya kumande jwaa veleketa kungwenunji lilove lyangalingana na lya Anungu lyelilatulivelekete kungwenu, mtunjo alamisee.'' ⁹ Malinga tutanduve veleketa, nanaino naleketa kavili, ivanga apalimundu shamalanjilanje manganyanji lilove lyagalingana na lilove mposhelenje alamishee.'' ¹⁰ Mbonaa maino mnaloleyanga kulinganja kwa vandunji na Anungu? ngunaloley kwanonyalanga vandunjii? Ivanga mnandelea kulinga kwanonyelanga vandunji nne ngavantenga vaa Kristo. ¹¹ Ashalonga ajangu ngunaping mmanynje kutii lilove lyanungu nilimalanjilenje likakoposhela kwa vandu. ¹² Nangaliposhela kushoka koposhela kamundu laa kujinganjwa na gwamundu. Malinga gake puyaliji ni ngayiyo ya a Yesu Kristo kwangune. ¹³ Mwapilikenenje kutama kwangu kwa nnjuma mumpanda gwangu ngwa Kiyaudi, punalijimkuvonela likanisa kwa mashili nga muno muno. ¹⁴ Punaliji jwanikulungwa mudiujaa Kiyaudi kupitaa ashalongo ajangu vavajinji punaliji na mashili nga majingi ga tenda mambo gowe ga tamaduni ya vakulungua vanguu. ¹⁵ Ikavonje Anungu vashikumbinga ni ng'angula nne koposhela mmatumba ga mama. Vashikunjema kwajili njamboka jao. ¹⁶ kwalangunya vanawao munkima ngwangu kutii na veleketele venevo kwa vandunji vashilambo showa walaa na ngaloleya malove nga nchiilu na miyaii, ¹⁷ nangapinga kwenda ku Yerusalemu kwavanganya valinginji vantenga kabla jangune malinga gake njikwenda kualabuni alafu kunja ku Damesiki. ¹⁸ Baada ya iyaka itatu njiku kwela kuuja ku Yerusalemu kwao a Kefa, na nikufamanawo kwamo likumilimo na mwova tano. ¹⁹ Ikaveja nanga vonanga vantenga vana bali a Yakobo, jikape mpwanga jwavakulungwa. ²⁰ Nnole pameo pa shipanganya ngaveleketa unami kwa shenesho shikunjandishilanga. ²¹ Ikavenje njikwenda kushilambo sha ku Shamu na Kilikia. ²² Nagajulikana pameo pavandunji vavajinji vamakanisa ga Uyahudi gegela galiji nkati jaa Kristo, ²³ ikaveja vatendaga mbilikanga peee, ''Jwajula aluonelangu jula lelo anatangasha na kuveliketa lilove lyaagavanyanga.'' ²⁴ Vatenda kuvalumbililanga ashipanganya kwa ajili jangu.