¹ Ikapiteje yaka likumi limo mayaka nncheshe gumbite kavilii ku Yerusalemu punalongene nagwa Barnaba. Kavili nantolile Tito tulongane. ² Njikwenda kwakuva Annungu vashiwilanguya kwangune kuti njiikupinjikwa nyende. Njikuvika mmujo javonji lilove lya Nnungu lyelila limavalanjilelenji vandunji va ilambo yove. (Ikaveje njikukunguluka kwa lungwenyi navandunji vaveleketwangaga kuti ashinankulungwa). Njikutenda nnei ilikulanguja kuti nne kavutuka au njikuvutuka gwayoyo gwangali ligongo. ³ Kwakuva ata a Tito, valiji na nne vauji Vayunani, vashikulashimishwa kupinyulwa kutagwa unyago. ⁴ Lyene liloveli lishikuposhela kwakuva kwa ligongo lya unami gwa vandu vaitembilenjekuti ashanjetu vajiilengen mbolembole kajekaje, akuno valivushishianga mbwiga jitwakete na a Yesu Kristo. ⁵ Twangaleka ata kashoko kunngeshimunji, ive kuti, lilove lya Nnungu lya kweli, liigale gwangali kuangavanika kupindinguka kunngwenunji. ⁶ Kwa vevala vanganya vala vaveleketwangaga kuti vamangulungwa, vangashoyanga shindu shoshowe shila kwa ngune. shoshowishila shatenedagashila shangalaanguya shindu shamnbone kwangune. Nnungu vakaapinga mamonga ga vandu. ⁷ Shinyume shake,, vashikumonanga kuti njiaminika kulitangasha lilove lya Nnungu kwa vandunji vakanave jalukanga au vangajalukanga. Puyapinjilwe po kuti a Petro vatangashe lilove lya a Nnungu kwa vandunji vajalukenje. ⁸ Kwa kuwa a Nnungu vatendile shindu nkati mwa a Petro kwaligongo lya tuma kwao kwa shivanganya vandeji vajakulenje pe, alafu vashikutenda indu yangu kwa vanduji vya muilambo.'' ⁹ Wakati Yakobo, Kefa, na Yohana, vamanyikaga kuti ndio vashenjilenje kanisha, vamanyinji shikono shimbatile nnejo, vashikutuposhelanga nnikundi nne na gwa Barnaba. Patendilenjennei pa mamagake kuti tujende kwa vandu va ilamboinama nnepeyo kuti vakombola nje kwenda kwaishilanga vandu vajalukenje. ¹⁰ Alafu vashikutupinganga uwe twakumbu mashikini ashishilaje.Numbene napinjile kutenda lyene liloveli. ¹¹ Mova guvaishe a Kefa ku Antiokia, matendaga kwaliimbia gwamgali kwaiya kwakuva vashi kutenda yangalimana. ¹² Vakamave vandunji kuika kuposhela kukaya Yakobo, Kefa atendaga lya na vandunji Valinginji baado kuliposhela nilove lya a Nnungu.Bai vaikanganaje vene vandunjivo,gwaleshile na ashikujaula kushoka kwa vandunji vakanavekuliposhela lilove lya Nnungu. atendaga jokopa kwa ajoko panga vandu vapingaangaga kuinwa unyago. ¹³ Numbe na Mayaudi gana gashikulumdana mwene muunami gu na a Kefa. Kumpelo kungali kwake, puyaliji kuti, abanabashi vashikujambushiwa na gwene unamigwawonji. ¹⁴ Bai pu mwene kuti vaka akagulanga lilove lya a nnungu vaene, njiku mmalanjila Kefa mnujo ja vandunji wowe, ''Ivaga mmanganya nminginji Mmayaudi akuno indu yenu nji inkutendanganimanyinga ya akutendanga vandu vakakulimanya lilove lya Nnungu mbona nkaatendanga mbuti Mayaudi, pakuva nnakwaala shimishanga vandunji kutenda indu mbutu Mayaudi?'' ¹⁵ Uwe tuli Mayaudi kwaavelekwa na ngavavandu va itendo ya shambi '' ¹⁶ Mmanyanje kuti jwakwapi mundu avalanganyishiwa aki kwa ikuvo ya shalia. Malinga gake, vamavalanjishiwa akikoposhela na ngulupalilo kukulupalilankwa a Yesu Kristo. Putwaishe kwa ngulupayo ya Yesu Kristo ive kuti tuvalanganyishwe aki kwa kukwakulupalila a Yesu Kristo na nngava kukoposhela ya shalia ya shalia.Shakwa shiilu shipinga valanganyishiwa aki. ¹⁷ Pakuva malinga putukwalolea a Nnungu nkulinganishiwa aki nkati ja a Yesu Kristo, tunakuimana kuivona kuti uwe na vandu va makosha yambi, igula buli a Yesu, vashikuvalanganyishiwa andumika va yambi? Nngava nneyo! ¹⁸ Kwanneyo ivaga shimishe nganio nkugoya indu ya ivagu shalia, ngulupalilo jinashoshie, nakwilanguya na mwene jina shoshie, nakwilanguya namwene kuti kunaangavanya ivagu. ¹⁹ Mwene mwivagu nu, naawile mwivagu, kwanneyo, kunaapingwa mdame kwaligongo lya a Nnungu. ²⁰ Njikukomelwa mumsalaba na a Yesu Kristo. Nngava nne kavili ngulama ngutama, ikaveje a Yesu Kristo vaatama nkati jangu. Ndaamilo ya nshiilu ingutamanayo, ngunaatuma kwa kwaakupalilsa amwana va a Nnungy, vandu vambiinjile nakwishoya kwa ligongo lyangu. ²¹ Ngakushikana shikona a Nnungu, kwakuva ivaga aki jaapali, nkupitila shalia, bai akilishitu vakaawile gwayoyo.