¹ Nahisi kuti nkaipilililenje na nne katika baadhi ja upumbafu. Ikaveje kwa kweli nnekwipililinga na nne. ² Pava njikola wivu mbuti mmanganya. Njikola wivu gwa Annungu ajili jenunji tangu puning'aidinji mmanganya ndoa jikajwannume jumo. Nashikuaidi kumpeleshelanga mmanganya kwa Akristo nndu bikra jwa mmbome. ³ Ikaveje kuti kwa namna fulani, najogopa nndu lijoka lyantembile Eva kwa hila jake, mawazo genunji ganakombola kuovywa kushoka kuibada halisi na ja mmbone ja Akristo. ⁴ Pava mfano kuti mundu fulani shaishe nakuntengasha Yesu juna tofauti na jwejula jutunnungwie. Au kwa mfano mbuti shimposhelenje mbumu ina tofauti na yeila impeshelenje. Au kwa mfano kwa kuti shimposhelenje injili jina tofauti na jejila jimposhelenje. Gene mambo ga mwipilililangaga inatosha! ⁵ Pava nne ngunadiamia kuti ngaa miongoni mwa mwa valinginji duni kwe venevo vashemwanga vantenga-bora. ⁶ Ikaveje hata nndu nne nganavejiganywa kushoya hotuba, nangava nneyo katika maalifa. Kwa kila namna na katika mambo goe tushikulitenda lyeneli kwa manyikana kwenunji. ⁷ Buli, njikutenda ilevo kwiteteleshea na mwene ili mmanganya nkombolanje kujinulwa? Pavanjikulunguya kwa uhuru injili ja Annungu kunngwenunji. ⁸ Nashikuponyolwa makanisa gana ga poshela msaada kushoka kunngwavonji ili kuti ngakombwele kunng'udumianga mmanganya. ⁹ Wakati punaliji na mmanganya punaliji katika juga, nangantopela jojoe, pava kujuga kwangu kushikutogolelwa na ashapwanga vaikengene kushoka ku Makedonia. Katika kila shindu njikwiivila na mwene gwengalikuva na mishigo kungwenunji, na shing'endelee kutenda nneyo. ¹⁰ Ivaga kweli ja Akristo shijili nkati mwangu, kwekuno kwiinya kwangu, kukapumuywa katika sehemu ya Akaya. ¹¹ Kwa nndi? Kwa ligongo ngakumpinganga? Nnungu amanyi nakumpinganga. ¹² Ikaveje sheshila shingushitenda, shinishitenda pia. Shinishitende ili kuti ngombole kuivila lilanga lya vevala valokolilanga lilanga lya kuva nndu shituli katika sheshilapeshila shakwipunilanga. ¹³ Pava vevala vandu vantenda ni vaunami na vakamula maengo ga umami. Vanakwitindiganya ashing'ene nndu vantenga va Akristo. ¹⁴ Na jeneji jikaimonjeka, pava hata nanndenga anakwitindiganya nnyene nndu ashitumetume va kannungu. ¹⁵ Jeneji jangali ingimongo gwa nkulungwa nndu vatumetume vake pia kuitendeuya nnyene nndu vatumetume va haki. Mpelo gwaonji nndu matendo gaonji pugastahili. ¹⁶ Navaleketa kavili: Bai na anapagwe mundu jojoe jwaganishia nne nampumbapu. Ikaveje ntendangaga, mmboshelanje nne nndu na mpumbapu ili ngomble kuiiniya kashoko. ¹⁷ Sheshila shinguveleketa kwa kuiamini mbuti kwipuna shikaukumulwa na Nkulungwa , ikaveje nalambaya nndu nampumbapu. ¹⁸ Kwa nneyo vandu vavajinji vanekwipuna kwa jinsi ja shiilu, pia shinipune. ¹⁹ Pava nchijamulilananga kwa kuinonyela na vapumbapu, mmanganya ashing'ene nchikola busala! ²⁰ Pava anajamulilananga na mundu nndu ashikuntaga utumwa, nndu anasababisha palaganika nkati mwenunji nndu atendaga kuntumianga mmanganya kwa kupata kwake, nndu atenda kuivika pantundu pa hewani, au nndu atenda kwa komanga kumeyo. ²¹ Shimelekete kwa aibu jetu kuti uwe twangava dhaifu kutenda nneyo. Na bado nndu jojoe aipumaga-- nalambaya nndu mpumbapu-- pia nne shiniipune. ²² Buli, venevo ni Vayahudi? Na nne ni nnepeyo. Buli, venevo ni Vaisilaeri ?Ni nnepeyo. Buli, gwenego uzao guka Abrahamu? Na nne nnepeto. ²³ Buli, venevo ni vatumetume va Kristo? {Naveleketa nndu jigulukwa na lunda lwangu. } Nne ni punda. Njiva hata na liengo punda kunonopa talika punda na kuva mwitavo, katika kukomwa pita ipimo, katika kukabili kitali yaijinji ya shiwa. ²⁴ Kushoka kwa Wayahudi njiposhela mala nng'ano "mapigo alobaini kushoya limo." ²⁵ Patatu nakomwilwe na imbo. Kamo nakomwilwe maganga. Patatu nashilishe mmeli. Njitumia ngwee shilo na mui mbaali. ²⁶ Njiva mmwanja mala kwa mala katika atali ja nushi, katika atali ja majambashi, katika atali kushoka kuvandu na mwene, katika atali kushoka kuvandu va mwilambo, katika atali ja mji, katika atali ja aanga, katika atali ja baali, katika atali kushoka kwa ashapwanga va unami. ²⁷ Njiva katika liengo lya nonope na katika maisha ga nonopa, katika shilo shashijinji gwangali kugona, katika shivanga na nnjota, papajinji katika kutava, katika mmbepo na makonope. ²⁸ Talika na kila shindu shina, ushipagwa nnokolo pantundu jangu kila lyuva mashaka gangu kwa ajili ja makanisa. ²⁹ Gani dhaifu, na nne nngaa dhaifu? Gani asababishe juna agwe mwilevo, na nne ngapya nkati? ³⁰ Ivaga ni punda nipune, shiniipune mbuti sheshila shilangula udhaifu gwangu. ³¹ Nnungu na Awawa jwa Vakulungwa vetu Ayesu, jwenejo atukuzwa gwangali mpelo, anamanya kuti nne ngalambila. ³² Kwekula Dameski, nkuu jwa nkoa pai pa amfalume Areta paliji alilindilila mji gwa Dameski ili angamule. ³³ Ikaveje njikuvikwa nchikapu, kupitila palidilisha nnikumba na gunusulishe kushoka mmakono gake.