¹ Nne Paulo, namwene nakunnjuganga kwa tetelesheye na shinunu sha Akrsito. Nne ni jwa shinunu wakati nili mmujo jenunji, Ikavele njikola mashili kunngwenunji wakati nili kwatalika na mmanganya. ² Nakunnjuganga mmanganya kuti, wakati mbagwaga pamopa na mmanganya, ngapinga kuva na mashili na kuiamini kwangunamwene. Ikaveje naganishia napinga kuva na mashili wakati nilikwananga vene vaganishianga kuti tunatama kwa jinsi ja shiilu. ³ Pava hata ivaga tunaoa katika shiilu, tukakomana ngondo kwa kwa jinsi ja shiilu. ⁴ Pava silaa itutumia kukomana nngaa ya shiilu. Badala jake, ishikola mashili ga shinnungu ga aalivia likumba. Iinashoya kabisa mijadala jovya. ⁵ Pia, tunaalivia kila shikwete mamlaka shijinuka punda maalifa ga Annungu. Tunatenda mateka kila liwazo katika utii gwa Akristo. ⁶ Na faida utayari kuazibu kila litendo lyangali na utii, mala pa utii gwenunji pukuva gwantimilile. ⁷ Lola sheshila shilingwee mmujo jenunji. Ivaga jojoe anashawishika kuti jwenejo ni jwa aKristo, na hebu kikumbuye nng'ene ivaga shalisho ni jwa Akristo, kwa nneyo ndio na uwe pia shituli nnepeyo. ⁸ Pava hata nipunaga kasheko punda mbuti mamlaka getu, Nkulungwa ashikugashoya kwa ajili jetu kunchenganga mmanganya na nngaa kunng'alivianga, ngajivona oni. ⁹ Lyeneli ngapinga livoneshe kuti ngunakunnjogoyanga mmanganya kwa balua yangu. ¹⁰ Kwa nneyo baadhi ja vandu vanavelejeka, " Balua yake inakalipa na ishikola mashili, ikaveje kwa shiilu jwenejo ni dhaifu. Malove gake gastaili pilikanwa." ¹¹ Hebu vandu va jene jinsi jo vaelewanje kuti sheshila shituvele ketasho kwa valua wakati tuli kwatalika, ni malinga na yeila itupingatenda wakati tuti pepala. ¹² Tukakwenda kwa talika kaje ivaga tuikusanyaga twashinng'ene au kuilinganya twashivayene na veveta vakuiinianga ashivayene. Ikaveje pakuipimanga ashivayane na kila jumojumo jwaonji, vangalinji lunda. ¹³ Hata, nneyo uwe, tukanavekwipuna pita mipika. Badala jake, shitutende ineyo pe mmipike ja atupimile uwe Annungu, mipika jiika nndu utalishe gwenu shiuli. ¹⁴ Pava twangapunda twashivayene putunng'ishilenje mmanganya. Tushikuva va kwanza kwika kwa umbali gwenunji kwa injili ja Kristo. ¹⁵ Twangaipuna kupita mipika mbuti maengo ga vananji. Badala jake, ivaga tunatumaini kulupalila lwenunji shikukula kuti lieneo lyetu lya maengo shilikule kaje, na bado ni nkati ja mipika ja kweli. ¹⁶ Kwa lyeneli tunatumaini, ili kuti tukombole kulunguya injili kwa punda na mikoa jenunji. Twangaipuna mbuti maengo gatendwa katika maeneo gana. ¹⁷ "Ikaveje jojoe shaipune, aipune katika Vakulungwa." ¹⁸ Kwa maana nngava jwejula akwikong'ondela nnyene, anakong'ondelwa. Ikave ni jwejula akondelwa na Vakulungwa.