¹ Ninkabidhi kwinu Fibi nkohanu witu, ambayi ni ntumishi wu kanisa ambalu lelivi ku Kendrea. ² Ili kuye maweza kunjopele muka Bambo. Mutenda vela mu kicho chi thamani chi vaumini, ni muyema papamu niyombi mu jambu lokapi laaya ni uhitaji nalu. Ndava yombi mweni avi muhudumu wu vanawingi, ni ku ajili yangu namweni. ³ Mundamukya Priska ni Akila, vatenda mahengu papamu ni nenga kupete Kristo Yesu, ⁴ ambawu ku maisha yangu vakayahatalishi maisha yawu veni. Niwoha shukulani kwawu, ni nga nenga pela, bali kave ku makanisa yoha yi mataifa. ⁵ Mulilamukya kanisa ambalu livi kunyumba kwawu. Mundamukya Epanieto mpalikwa wango, ambayi ni mbelekeka wu kutumbu waka Kristo ku Asia. ⁶ Mundamukya Mariamu ambayi atendiki lihengu ku bidii ku ajili yinu. ⁷ Mundamukya Androniko ni Yunia, jamaa zangu, ni vafungwa papamu ninenga. Ni wu muhimu miongoni mu mitumi, ambawu kave vakalonguli kummanya Kristo kabla yango. ⁸ Mundamukya Ampliato, mpalikwa wango kupete Bambo. ⁹ Mundamukya Urbano, yohenga lihengu papamu ninenga kupete Kristo, ni Stakisi mpalikwa wango. ¹⁰ Mundamukya Apele, mweni kuyetekeka kupete Kristo. Malamukya voha ambau vavavi mu nyumba yaka Aristobulo. ¹¹ Munilamulikila Herodioni, jamaa wango. Munilamukila voha vavavi mu nyumba yaka Narkiso, ambau vavi kupete Bambo. ¹² Munilamukila Trifaina ni Trifosa, vavahenga lihengu ku bidii kuka Bambo. Mundamukya Persisi mpalikwa, ambayi atendiki lihengu muni kuka Bambo. ¹³ Munilamukila Rufo, yoakahauliki kuka Bambo ni nyongo waki ni wango. ¹⁴ Munilamukila Asinkrito, Flegon, Hesme, Patroba, Herma, ni valongu voha vavavi papamu nawu. ¹⁵ Mundamukya Filologo ni Yulia, Nerea ni nkohanu waki, ni Olimpa, ni vaumini voha vavavi papamu nawu. ¹⁶ Munilamukila kila yumu ku busu lihuhu. Makanisa yoha kupete Kristo yandamukila. ¹⁷ Henu nivasihi, valongu, kutafakali panani yi hawu ambau vasababisha mgawanyiku ni hipingamizi. Vayenda kinyumi ni mawolu ambayu muyomwi kuliwola. Mutendeuka muwoka kwawu. ¹⁸ Ndava vandu ngati vanava ngachevantumiki Kristo Bambo, bali matumbu yawu veni. Ku malovi yawu laini ni pongezi yi upuhi vakonga mitima yi vanga ni hatia. ¹⁹ Ku mfanu wu uhinikilu lwinu, munhiki kila yumu. Ku vela, nifulahi panani yinu, nambu nivapala mwenga muya ni busala mu hali yi wema, ni kungakuva ni hatia panani yi uovu. ²⁰ Chapanga wu amani ngaakavaki kumwangamiza shetani pahi yi makanyatu yinu. Neema yika Bambu Yesu Kristo iva papamu ni mwenga. ²¹ Timotheo, yohenga lihengu papamu ninenga andamukila, ni Lukio, Yasoni ni Sospeter, jamaa zangu. ²² Nenga, Tertio, yonilembiki wakala womboni, nindamuki mu lihina laka Bambo. ²³ Gayo, yoakanitunziki ni ku kanisa loha, nindamukila, Erasto, yotunza hazina yi muchi, andamukila, papamu ni Kwarto yovi ndongu. ²⁴ (Zingatila: Ku nakala halisi yi kutumbulila, msitali womboni ngacheuvi. Lolakya Varumi 16:20. "Neema yika Bambo Yesu Kristo, yitama papamu nimwenga mawoha. Amina.") ²⁵ Henu kwaki yombi yoavi ni uwezu kutenda muyema kulengana ni injili ni mawolu yaka Yesu Kristo, kulengana ni ufunuo wu sili yeyikahihikiki ku muda ulachu, ²⁶ nambu henu iyomwi kuhowuleka ni kuhengeka kumanyikana ni malembu yi unabii kulengana ni amuli yaka Chapanga wu mileli, ku uhinikulu wu imani miongoni mu mataifa yoha. ²⁷ Kwaka Chapanga kanchika mweni hekima, kupete Yesu Kristo, kuva ni utukufu mileli yoha. Amina