¹ Paulo, ntumishi waka Yesu Kristo, yovankemiki kuva mtumi, ni kutengwa ku ajili yi injili yaka Chapanga. ² Yenje ndi yela injili yeayiahidi mwandi kupete manabii waki mu malembu mahuhu. ³ Ni kuhusu Mwana wake, yovelakiki kuhuma nhoku waka Daudi ku namna yi hyegha. ⁴ Yombi akatangazwa kuva Mwana waka Chapanga ku makili yaka Roho yi uhuhu ku ufufuo wu wafu, Yesu kristo Bambu wito. ⁵ Kupete yombi tuyopiki neema ni utume ku luhiniku lu imani kati yi mataifu yoka, ku ajili yi lihina laki. ⁶ Kati yi mataifa yanaya, mwenga kave vandoiki kuva waka Yesu Kristo. ⁷ Barua yenje ni ku voha vavavi ku Rumi, vavapalika ni Chapanga, vavakemekiki kuva vandu vahuhu. Neema ni yivya kwinu, ni amani kuhuma kwaka Chapanga Vatati vitu ni Bambu Yesu Kristo. ⁸ Kwanza, ninchenguha Chapanga wangu ku Yesu Kristo ku ajili yinu mavoha ndandi imani yinu yihubiliwa mu dunia yoka. ⁹ Ndava Chapanga ni shahidi wangu, ambayi nintumikila ku roho yangu ku injili yaka Mwana wake, jinsi monidumu ku kuvalowola. ¹⁰ Daima nilova mu sala yangu kuye ku ndela yokapi nipata mwishu kuva ni mafanikio henu ku mapalilu yika Chapanga ku kuhika kwinu. ¹¹ Ndava nitokule kuvawona, ili nipata kuvapeke mwenga baadhi yi kalama zi ku roho, nipata kuvayimalisha. ¹² Yaani, nilolake kuniyeghe moyu papamu nimwenga, ku ndela yi imani yi kila yumu witu, yinu ni yangu. ¹³ Henu valongo, ngachembala mukosa kumanya kuye, mala yinawingi nikusudili kuhika kwinu, nambu vanihivalikila mpaka henu. Nikapala vela ili kuva ni matunda kwinu ngati mokuveli kave mu miongoni mu vandu wu mataifa. ¹⁴ Nidaiwa ni Vayunani ni vayeni kave, velevu ni vang'ang'a. ¹⁵ Ku vela, ku upandi wangu, nenga nivi tayali kutangaza injili kwinu kave mwenga momuvi akoku ku Roma. ¹⁶ Ku ndandi ngacheniyiwone ihoni injili, ku ndava ni uweza waka Chapanga wowuleta wokovu kuka kila yo aamini, ku Myahudi hoti ni ku Myunani kave. ¹⁷ Ku ndandi haki yaka Chapanga yidhihilishwi kuhuma imani hata imani, ngati moyilembekiki, "Mweni haki atama ku imani." ¹⁸ Ndava ghadhabu yaka Chapanga yidhihilishwi kuhuma kunani dhidi yi uasi woha wu vandu, ambawu ku ndela yi udhalimu vayihia chakaka. ¹⁹ Yenje ni ku ndandi, yoha yayaweza kumanyikana panani yaka Chapanga ni palanga kwawu. Ndava Chapanga avafahamishe. ²⁰ Ndava mambu yaki yangakuwonikana wicho yavi palanga kutumbu kuwombakika ku ulimwengu. Yaelewiki kupete hindo yeyiwombakiki. Mambu yanaya ni uweza wu mileli ni asili yi uungu. Matokeo yaki, vandu avava ngachevavi ni udhulu. ²¹ Yenje ni ku ndandi, ingava vakamanyi kuhusu Chapanga,ngachevantukwizi yombi ngati Chapanga, wala ngachevakampeki shukulani. Badala yaki, vakavi vang'ang'a ku maholale yawu, ni mitima yawu yeyivi ni ung'ang'a yikayeghaliki luvendu. ²² Vakajikema kuwa ni velevu, nambu vakavi vang'ang'a. ²³ Vakaubadili utukufu waka Chapanga wanga ni uhalibifu ku mfanu wu sula yaka binadamu yoyi ni uhalibifu, ni yi hiyuni, yi vanyama veni magholu nchechi, ni yi viumbe heyikwava. ²⁴ Ku vela Chapanga akavaleka vavengalya tamaa yi mitima yawu ku uchafu, ku hyegha yawu kufedheheshwa baina yawu. ²⁵ Ni vombi vavayibadilishi chakaka yika Chapanga kuva upuhi ni ambawu vakaabudu ni kutumikila hiumbe badala yi Muumbaji, ambayi asifiwa mileli. Amina. ²⁶ Ku ndandi yeneyi, Chapanga akavalekiki vavengalya tamaa yawu yi ihoni, ku ndava vakambomba vawu vakabadilisha matumizi yawu yi asili ku chela chechivi kinyumi ni asili. ²⁷ Hali kadhalika, vakambako kave vakakotoka matumizi yawu yi asili ku vakambomba ni kuwakwa ni tamaa dhidi yawu veni. Avava vakavi vakambako ambawu vakatenda ni vakambaku vayawu yanga kuvapasa, ni ambawu vayopiki adhabu yeyipasika ku upotovu wawu. ²⁸ Ku ndandi vakakana kuva ni Chapanga mu ufahamu wawu, akavaleka vavengalya malangu yawu yanga kufaa, vatenda mambu yala yangakufaa. ²⁹ Vatweliwi ni udhalimu voha, uovu, tamaa ni uhakawu. Vatweliwi ni wihu, uuaji, ngondu, ukongani, ni nia yihakawu. ³⁰ Vombi kave ni vasengenyaji, ni vukukopokanela, ni veni kunhakali Chapanga. Veni vulugu, kibuli, ni kuyunduka. Vombi ni vatonga mahakawu, ni vangakuvahinikila vazazi vawu. ³¹ Vombi njeta ufahamu; vangakuaminika, njeta mapalilu yi asili, ni vanga ni huluma. ³² Vaelewa kanuni yaka Chapanga yi kuye vandu vavatenda mambu yi ntundu wonowu vastahili nyihwa. Nambu nga pela vatenda mambu yanaya, vawu kave vayetengane ni vala vavatenda mambo yanaya.