¹ Pawuyiki Kaperinaumu baada yi machova machache, akayowaniki kuva ayi kunyumba. ² Vandu vanawingi ngamaha vakavi vaketengini pala ni ngachepayili nafasi kaveli, hata yela pala pundyango, ni Yesu akavaha lilovi kwawo. ³ Kisha baazi yi vandu vakahika kwaki vandetiki mundu yoapouzwi; vandu nchechi vakavi vampapiki. ⁴ Chikahi pavashindwa kunheghalela ndandi yi umati wa vandu, vakawoha lipaghala li panani yi mahala pala paakavi. Ni pavakavi vahotwi chilomu,vakaheleha chitanda ambachu mundu yoakapouzwi akavi aghoni. ⁵ Paaiwona imani yawu, Yesu akampwaghila mundu yoakapouzwi, "mwanango,dhambi hyaku isamehekiki." ⁶ Nambu baazi yi vaandishi vala vavakatemi pala valijihoji mi mitima yawu. ⁷ "Aweza wo mundu ayo kuvaha vela? Akufulo! Nane yoaweza kusamehe dhambi ana nga Chapanga kanjika yake?" ⁸ Mala Yesu akamanyi mu roho yaki chevakavi vaholelela mu miongoni mwawu veni. Akavapwaghila,"Ndava ki muholele vela mu mitima yino? ⁹ Laku livi jepesi nganila kuvaha kwaka mundu yoapouzwi,'Dhambi hyaku isamehekiki' au kuvaha 'Yema,tola chitanda chaku,ni uyendaye?' ¹⁰ Nambu ili vamanya yi kuva Mwana waka Adamu avi ni mamlaka yu kusamehe dhambi mu dunia, akampwaghila yola yoakapouzwi, ¹¹ Nukupwaghila wenga, uyemayi, tolayi uleli waku, nu uyenda kunyumba yaku." ¹² Akayema ni mala moja akatola uleli waki, ni akayenda kunja yi nyumba palongi yika kila mundu, vela voha vakashangala ni vakampekeha Chapanga utukufu,ni vakavaha "Kamwe,ngachetuwaiti kulola jambu ngati aleli." ¹³ Akayenda kaveti mukeghi yi lochi, ni umati woha wa vandu vakahika kwaki,ni akavawola. ¹⁴ Paakavi apeta akambona Lawi mwana waka Alfayo atemi pa sehemu yi kukusanyila kodi ni akampwaghila, "Unyengalyaye." Akayema nu kunjengelela. ¹⁵ Ni chikahi Yesu paakavi apata chilevi mu nyumba yika Lawi, vavakusanya kodi vanawingi ni vandu veni dambi vakavi vakula ni Yesu ni vanafunzi vaki,ndava vakavi vanawingi nawu vakanjengalela. ¹⁶ Chakahi vaandishi ambawu vakavi Mafalisayo,paawona kwamba Yesu akavi akula ni vandu veni dhambi ni vakusanya kodi, vakavapwaghila vanafunzi vaki, "Ndava ki mukula ni vavakusanya kodi ni vandu veni dhambe?" ¹⁷ Chikahi Yesu payowana vela akavapwaghila, "Vandu vavayi ni afya mu shegha ngachevahitaji tabibu; ni vandu vavalwala kanjika ndo vamuhitaji.Ngachenihikiti kuvakema vandu veni haki,nambu vandu veni dhambe." ¹⁸ Vanafunzi vaka Yohana ni Mafalisayo vakavi vafunga. Ni baazi yi vandu vakahika kwaki nu kumpwaghila, "Ndava ki vanafunzi vaka Yohana ni mafalisayo vafunga,nambu vanafunzi vaku ngachevafunga? ¹⁹ Yesu akavapwaghila, "Je vavahudhuli halusi vaweza kufunga chikahi bwana halusi akona avi papamu nivombi? Kwa vyovyoti bwana halusi pakuva akona yuvi papamu nawu ngawezi kufunga." ²⁰ Nambu machova ghahika chikahi bwana halusi paawokika kwawu,ni mu machova ghaghu vombi vafunga. ²¹ Nga mundu yoaweza kushona kipande kipya chi ngowu mu ligwanda kuukuu, vinginevyo kilaka chabanduka kuwoka mu chela,kipya chabanduka kuhuma mu kikuukuu,ni kwaya mpasuko uhakawo. ²² Nga mundu yoyeghe divai mupya mu viriba vikuukuu,vinginevyo divai yakayula viriba ni hyoti hiveli divai ni viriba vyahova. Badala yaki,veka divai mupya mu viriba vipya." ²³ Mu lyova la Sabato Yesu akapeta mu baazi yi mighonda, ni vanafunzi vaki vakawanza kutola baazi yi masuke yi ngano. ²⁴ Ni Mafalisayo vakampwaghila,"Lolakya, ndava kiki vatenda chindu ambachu ni kinyume ni shelia mu lyova la Sabato?" ²⁵ Akavapwaghila, ngachemasomiki chela cheatendiki Daudi paakavili mu uhitaji ni njala-yombi papamu ni vandu vavakayi papamu nayi? ²⁶ Jinsi moakayendiki mu nyumba yaka Chapanga chikahi Abiathali paakavi kuhani nkolongwa ni akakula nkati wowukavi palongolo-ambau ikavi kinyume chi shelia kwaka mundu yokapi kula isipokuva makuhani- ni akampeki hata baazi yi vala vavakavi papamo nayi?" ²⁷ Yesu akavaha, "Sabato yikafanywa kwa ajili yika mwanadamu, nga mwanadamu kwa ajili yi Sabato. ²⁸ Kwa vela, Mwana waka Adamu ni Bambo hata kwa Sabato.''