¹ Wombo ni mwanzo wa injili yaka Yesu kristu Mwana waka Chapanga. ² Ngati moikalembekiki ni nabii Isaya, "Lola, nintuma ntenga wango palongi yaku, yumu yomuti alenganekya ndela yaku. ³ Sauti yaka mundu yoakema ku nyika, "Mukamilisha ndela yaka Bambo, munyosha ndela hyake." ⁴ Yohana akahikiti, akibatiza ku nyika nu kuhubili ubatizo wa toba kwa kulekekekwa ni zambe. ⁵ Ndema woha wa ku Yudea ni vandu voka wa ku Yelusalemu vakapiti kwaki. Vakavi vabatizwa niyombi mu nkoka Yordani, vaungama zambi hyawo. ⁶ Yohana akavi ahwata lilaya la mangoma ghaka ngamia ni nkanda wu chingokolo mu chiwuno chaki, ni akavi akula mapahi ni wuchi wu muchitengo. ⁷ Akahubili ni kuvaha, "Yuvi yumu ahika badala yango yoavi ni makili nganila kupeta nenga, ni ngachenivi ni hadhi yi kuyinama pahi ni kuhowola mighoyi yi hilatu hyaki. ⁸ Nenga nikavabatizi kwa machi,nambu yombi amubatiza mwenga kwa Roho Muhuhu." ⁹ Ikawoki mu machova haghu ngati Yesu akahikiti kuhuma ku Nazareti ya Galilaya,ni akabatizwi ni Yohana mu nkoka wa Yordani. ¹⁰ Chikahi Yesu payinuka kuhuma mu machi, akaweni mbingu higavanyiki waze ni Roho ikahuluka pahi panani yaki ngati injeva. ¹¹ Ni sauti ikahuma kunani, "Wenga wa Mwanangu mpalikwa.Nipendeziwi ngamaha ni wenga. '' ¹² Kisha mala moja Roho akandazimisha kuyenda ku nyika. ¹³ Akavi ku nyika mochava alobaini, akalengeka ni Shetani. Akavi papamu ni vanyama wu muchitengu, ni malaika vakamuhudumila. ¹⁴ Henu baada yika Yohana kukamulika, Yesu akahikiki ku Galilaya kuitangaza injili yaka Chapanga, ¹⁵ akavaha, "Muda utimile, ni ufalumi waka Chapanga ukalibie. Tutubwayi ni kuamini kupete iniili." ¹⁶ Ni akapeta mukeghi yi Galilaya, akambweni Simoni ni Andrea ndongo waka Simoni valekelela, nkwawu wawu mu bahali, ndava vakavi vavuvi. ¹⁷ Yesu akavapwaghila, "Muhika, munifwataye, ni nanutenda vavuvi va vandu." ¹⁸ Ni mala moja vakaileka mikwawu ni vakamufwata, ¹⁹ Chikahi Yesu paakayendiki patali pachokopi, akambwene Yakobo mwana waka Zebedayo ni Yohana ndongo wake; vakayi mu wato valengeneke nkwawu. ²⁰ Mala akavakema ni vombi vakandeka tati wawu Zebedayo mukati yi wato ni vatumishi vavakakodiwi, vakamufwata. ²¹ Ni pavahikiki ku Kaperinaumu, lichova la Sabato, Yesu akayingi mu sinagogi nu kuwola. ²² Vakashangala liwolu laki, kwa vela akavi awola ngati mundu yoavi ni mamlaka na si ngati vaandishi. ²³ Chikahi chela chela pakavi ni mundu mu sinagogi lawu yoavi ni roho muchafu, ni akavekiki mangomela, ²⁴ akavaha "Tivi ni kiki chu kutenda ni wenga, Yesu wu ku Nazareti? Uhikiti kutuangamiza? Nikumanyi we wa nane. Wenga ni Muhuhu kanjika waka Chapanga!" ²⁵ Yeso akamukemea pepo nu kuvaha,"Tumbala ni uwoka mukati yaki!" ²⁶ NI roho muchafu akahwawu pahi ni akawoka kwaki chikahi akilela kwa sauti yi panani. ²⁷ Na vando voha vakashangala, henu vakalaluyana kila yumu, " Ache kike? Liwolelu lipya lelivi ni mamlaka? Hata liamulu pepo wachafu niwombi vamutii!" ²⁸ Ni habali kuhusu yombi mala moja yikasambala kila mahali mukati yi mkoa woti wa ku Galilaya. ²⁹ Ni mala moja baada yi kuwoka kunja yi sinagogi, vakayingi mu nyumba yaka Simoni ni Andrea vakavi ni Yakobo ni Yohana. ³⁰ Henu akohanu waka Simoni akavi aghoni alwala ntamwa wa homa, ni mala moja vakampwaghi Yesu habali hyaki. ³¹ Vela akahika, akankamu kwa chiwoku, nu kunjinula panane; homa yikawoka kwaki, ni akawanza kuvatumikila. ³² Pikimihi yela chikahi lyova liyomwi kuyivila, vakandetela kwaki woha vavakavi valwala, au vavakapagiwi ni pepo. ³³ Muchi woha vakakusanyiki papamo kupete pundyango . ³⁴ Akavaponya vanawingi vavavi valwala ni matamu mbalimbali nu kuwoa pepo yanawingi, bale ngacheyaluhusiwi pepo kulongela ndandi yikamumanye. ³⁵ Akayumwiki lukyela ni mapema, chikahi kukali kukona luvendu; akawoka nu kuyenda mahali kukanjika ni kulova konoku. ³⁶ Simoni ni woha vavakavi papamo niyombi vakampala. ³⁷ Vakampatiki ni vakampwaghila, ''Kila mundu akupala.'' ³⁸ Akavapwaghila, "Tuyenda mahali napange, kunja kupete michi yeihyongalwiti, ili niweza kuhubili kunoku kaveti. Ndi ndandi nihikiti pambane". ³⁹ Akapiti kupete ku Galilaya yoha, akihubili mu masinagogi yawu nu kukemea pepo. ⁴⁰ Yoakavi ni ukoma yumo akahika kwaki. Akavi amusihi, akapigiki maghoti nu kumpwaghila, "Ngati naupala, uweza kuniveka nivyaa safi." ⁴¹ Akakangakiki ni huluma, Yesu akanyosha chiwoku chaki ni kumugusa, akampwaghila, "Nipala uvyaa musafi." ⁴² Mala moja ukoma ukamuwoka, ni akatendeka kuva safi. ⁴³ Yesu akamwonya vikali ni akampwaghila ayenda mala moja. ⁴⁴ Akavapwaghila, "Uhakikisha ngacheuvaha lilovi kwaka yokapi, nambu uyenda, ukalilangiya kwaka kuhani, ni uwoha dhabibu kwa ajili yi utakaso ambawu Musa akalaghalaki ngati ushuhuda kwawo." ⁴⁵ Nambu akayenda nu kuwanza kuvapwaghila kila yumu nu kueneza lilovi nganila hata Yesu ngacheakaweziti kaveti kuyingi ku mjini kwa uhulo. Vela akatama mahali pa falagha ni vandu vakahika kwaki kuwoka kila mahali.