¹ Palahikiti lichova la pantekuste, woha vakayili papamu sehemu yimo. ² Gafla ukapitili mngurumo kuhuma kumani ngati mpangu ukali, ukatweli nyumba yoha movayii vatemi. ³ Papu ikapitali milimi, ngati ngati milimi hya mwoto higaranyiku, hikayii panani yawo kila yumu wau. ⁴ Hawa woha vakatwelahiki ni Roho muhuhu na vakatumbwili kupwagha kwa lugha nahengi, ngati Roho moajelihi kupwagha. ⁵ Henu vakayii vayahudi vavayihi vatamika kuyerusalemu, vamcha Chapanga, kuhuma kila taifa pahi pa mbingu. ⁶ kuchumalila kola pawayonaniki, liguni la vandu likahikiki papamu na vakayii ni woghoyi kwa ndandi kila mundu akayowini vakalongila kwa lugha yaki mwene. ⁷ Vakakangichi na kuduwaa na kupwagha" Chakaka, anganya vaa woha vavalongela nga vagalilaya? ⁸ Maghambu kiki tenga tivayowana, kila mundu kwa lugha ye velakiki nayu? ⁹ Vapanthia na vamedi na vadamu, na hara vavatama kumesopotania, uyahudi na kapadokia, na katika panto na Asia, ¹⁰ katika Fighia, pamfilia, katika misri na sehemu ya Libya hata kirene, na vagheni kuhuma kuruni. ¹¹ Vayahudi na valongwana, vakrete na waarabu, tayowana kulongela kwa lugha hitu kuhusu mahengu gha uweza waka Chapanga." ¹² Woha vakayii vaduwaa na kutatanika vakapwaghani veni, Ayee iyii ni maana wole? ¹³ Lakini vangi vatendiki kudhihaki vapwaghika, Anganywa vava valovili wembi wa mpya." ¹⁴ Lakini Petro akayenui papamu ni vala kumi na yumu akakwehiki sauti kupwaghila, vandu va kuyudea na voha mulemutana pani pa Yerusalemu lendeni lipanyikanayi kwinu, muyowanayi kwa makini malovi ghangu. ¹⁵ Vandu hava ngachevalovili ngati momuholalela, ndara saa yenu ni lukela saa tatu. ¹⁶ Lakini lendenu likayii lilongaliki kupetela kwaka nabii yoeli. ¹⁷ Na iya pa machova ya mwishu, Chapanga apwagha, naniyitila Roho yangu kwa vandu woha, vana vinu na akakamwali vimu vapiaha unabii, akakombu vimu valola maono, na vacheya nvinu valota ndoto. ¹⁸ Vela vela panani ya vatumishi vangu na vatumishi vangu vambomba katika machova, hegha, nayitala Roho wangu nawombi vatenda kutabiri. ¹⁹ Nalangila maajibu kumani na ishara pahi pandem, mwahi, mwoto, na mihuki ya iyohi. ²⁰ Na lyova lang'anambuka kuva luvendu na luvalamwehi kuva mwahi, kabla ngachelihikiti lichova likolongwa na la ajabu yaka Bambo. ²¹ Naikuva ya kwamba kila yumu ambayu alikemela lihina laka Bambo naookuka.' ²² Vandu va kuisraeli, muyowanayi malovi hagha; Yesu wa Nazareti, mundu yothibitishwi ni Chapanga kwinu kwa matendu ya uwezu wa ajab, na ishara ambayu Chapanga, ngati mwenga mwavene momumanyi. ²³ Kwa ndandi ya mpangu wowukusudiwi kutumbula mwanzo, na maarifa yaka Chapanga, akapihiki, na mwenga, kwa movoku ya vandu vahelifu mukamsulubishi na kunkoma. ²⁴ ambayu Chapanga akantondavihi, akawohiki uchungu wa nyihwa yaki, kwa ndandi ngacheyawezakini kwaki kumilikiwa na homu. ²⁵ Vela Daudi apwagha kuhusu yombi, Nikambweni Bambo daima palongi ya mihughangu, yombi ayi chiwoku changu cha kumalelelu vela basi nganiheghaleki. ²⁶ Kwa vela ntima wangu ukayii ni chiheku na lulina lwanga lukahekalihi pia hyegha yangu naitama katika ukangamahu. ²⁷ Nganileki nafsi yangu iyenda kuzimu, wala ngauruhusu muhuhu waku kuwona uwohu. ²⁸ Wenga udhihirisha kwangu ndela ya womi, naunitenda natwelela chiheku palongi ya mihu yaku. ²⁹ Alongo, niweza kulongela kwinu kwa ukangamahu kuhusu atati witu Daudi yombi akahwili ni kuzikwa, na likaburi laka liyii kwitu hadi lalenu. ³⁰ Hivyo akayii nabii na akamanyiki ngati Chapanga akayomwikulapa kwa Chilapu chaki, kwamba naaveka yumu kati luvelakeku laki pa chitewu cha enzi. ³¹ Akaliweni heli manyata, na kupwagha kuhusu kuhwoka kwaki kristo, wala ngache ayii alekakiki kuzimu, wala hyegha yaki ngache yawoliki.' ³² Yesu hoyu, Chaoanga akahyohiki, ambayu tenga tawoha ni mashuda. ³³ Ngati vela akayi atondaviki kuchiwoku cha kumalelu chaka Chapanga, na akiwa ayopalili ahadi ya Roho muhuhu, kuhuma kwa Atati, yombi ayeghili ahadi yeni, ambayu mwenga muyiwona na kuyowana. ³⁴ Kwani Daudi ngachekweliki kuyenda kunani, lakini apwagha "Bambo apwagha kwa kwa Bambo wangu, ³⁵ Tumayi chiwoku changu cha malelelu, mpaka panatenda adui vaku chigondo kwaajili ya mawolu ghaku. ³⁶ Kwa hiyo nyumba ya Israeli na vamanyayi kwa chakaka kwamba Chapanga antendiki yombi kuva Bambo na kristo, Yesu hoyu ambayu mukamsulubishi." ³⁷ Henu pavayowini hagha, vakahochakiki mumitima yawu, vakampwaghi petru na Mitumi vangu, "Alongo, titenda wole?" ³⁸ Na petro akapwaghili "mutubu na kubatizwa kila yumu winu, kwa lihina laka Yesu kristo kwaajili ya msamaha wa dhambi hinu, na namuyopalya zawadi ya Roho mtuhu. ³⁹ Kwani kwinu ni ahadi na kwa vana vinu na kwa vala woha vavayi kutali, vandu vanawingi kwa kadri Bambo Chapanga witu moankemilayi. ⁴⁰ Kwa malovi ghanawingi akashuhudii na kapembelela, kupwagha "muliokuayi muwoka katika chivelekeku chenjeni chiovu. ⁴¹ Ndipo vakayayopalili malovi ghaki na vakabatwizi, hapo vakayonjukiki katika lichova heli ngati vandu elufu tatu. ⁴² Vakayendali katika mafundishu ya mitima na ushirikianu, katika kunuku mkati na katika malovu. ⁴³ Hofu ikatweli panani ya kila, mundu, na maajabu ghanawingi na ishara hikatendiki kupetela mitumi. ⁴⁴ Woha vavaamini vakayii papamu na kuva na hindu hyawa papamu, ⁴⁵ na vakulombihi hindu na miliki hyau na kugavana kwa vandu woha kulengana na hitaji la kila yumu. ⁴⁶ Hivyo lichova baada ya lichova vakayendalii vayii lengu limo katika hekalu, na vameghika mkate kwenye kaya, na kushiriki chilevi kwa chiheku na kuliheleha mitima. ⁴⁷ Vakamsifu Chapanga na vakayii na chibali na vandu woha. Bambo akayonjuki lichova kwa lichova ambau vakayii vaokolewa.