¹ Chitabu cha mwandi nikachilembiki, Theofilu, nipwaghiki yoha Yesu yatumbi kuhegha na kowoha, ² Hadi lichova ambalu yombi akayopaliwi kunani. Ayeyi ikayili baada ya kuwoha amri ya kupetela Roho mhuhu kwa mitumi vavayili atekahawula. ³ Baada ya mang'ahiku ghaki, yombi akawonakini kwawu ayi momi pia na ithibitishu vyanawingi hehishuhudia. Kwa machova arubaini akajishihilishi kwawu, na akalongila kuhusu ubambu waka Chapanga. ⁴ Pa ayii ahimangana papamu nawu, akaamwili vakawoka kuyerusalemu, valendalya ahadi ya Atati, ambayu akapwaghiki, "mukayowini kuhumila kwangu ⁵ Kwamba yohana akabatizi kwa machi, lakini namubatizika kwa Roho muhuhu pa machova hagha machokapi ⁶ Na pavayii vahinangangini papamu vakandelukili, "Bambo ivi chenjeni ni chikahi wowakeluhila Israeli ubambo? ⁷ Yombi akapwaghili, "Nga sawa kwinu kumanya chikahi au majira ambayu Atati akusudii kwa mamlaka yaki mwene." ⁸ Lakini namuyopalya makili, Chikahi Roho muhuhu paahika panani yinu, na mwenga mwakuva mashuda vangu koha katika Yerusalemu na uyahudi yoha na samaria mpaka mwishu wa ndema" ⁹ Bambo Yesu paayomwi kupwagha hegha, pavayii valolakela kunani, yombi akatonda viki kuani, na lihundu lika hyekiti vakambona kwa mihu ghawu. ¹⁰ Chikahi valolakela kumbinguni kwa makini paayenda, ghafla, vandu vaveli vakayemiki pakatikati yawu vahweti ngowu hihuhu. ¹¹ Vakapwaghiki, "Mwe vandu va kugalilaya, maghambu kiki muyema pambani malolakela kumbinguni? Yesu hoyu yokweliki kunani kumbinguni na kuluwuka ayenda kumbinguni. ¹² Ndipo vakamuyiki kuyerusalemu kuhuma kuchitombi cha mizeituni, ambau uyii pambipi na Yerusalemu, mwendu wa lichova la sabato. ¹³ Pavahikiti vakapiti kugholofa kuvatamika. Namu ni petura, Yohani, yakobu, Andrea, Filipu, Tomasu, Batholamayu, simoni zeloti na Yuda mwana waka Yakobu. ¹⁴ Woha vakalombini ngati mundu yumu, kwa juhudi vakayii vayendelea kumalone papamu na hawu vakayii akambomba, Mariamu anyongo vako Yesu, na akaka vaki. ¹⁵ Katika machova ghala patura akayemi pa katikati ya alongu, ngati vandu 120, akapwaghiki, ¹⁶ Akalongu, ikayii lizima kwamba malembu yatilika, ambapu mwandi Roho muhuhu apwaghiki kwa ndomu waka Daudi kuhusiana na Yuda, ambayu akavaelekizi vala vavankamwi Yesu. ¹⁷ Kwa ndandi yombi akayii yumu witu na ayopalii ligulu laki la faida katika huduma yeni. ¹⁸ (Henu mundu hoyu akalombiki lihengu kwa chela cha ayopiki kwa uhakau waki na hapo akahawiki akalonguli mutu, hyegha ikaywendhiki na matumbu yaki yoha yakayitiki yaka yii palanga. ¹⁹ Woha vavatamika kuyerusalemu vakayowini kuhusu heli, Hivyo eneu heli vakalikemiti kwa lugha yawu "Akeldama howu ni "ngonda wa mwahi.") ²⁰ Pa chitabu cha zaburi ilembakiki, lendila pamalu paki pakuva mapololu na ikaluhusiwa hata yumu kutama pala, na mundu yongi atolayi nafasi yaki ya uongozi.' ²¹ Aye ni muhimu, kwa hiyo, yumu wa akanalomi ambau vakaambatini natonga chikahi Bambo Yesu paawohika na kuyingila kati yitu. ²² Kutumbula kuubatizu waka Yohana mpaka lichova lela paatalakiki kunani, lazima akuva shuhuda wa kughoka papamu nitenga. ²³ Vakavavekiti palongi yawu akambaku vaveli, Yusufu yokemika Barnaba, ambayu pia akemika Yusto na Mathia. ²⁴ Wombi valoviki Kupwagha, "wenga, Bambo, weumanya mitumi ya vandu woha, hiyo veka palanga ywaleko kati ya vaveli hava ambayu unhaula, ²⁵ Kutola nafasi katika huduma na mitumi, ambapu yuda atendiki uhakalu na kuyenda mahali paki.'' ²⁶ Vakapigiti kura kwaajili yawu, na kura ikanhawukili mathia ambayu akavelangiki papamu na mitima vala kumi na moja.