¹ Ikayii kwamba Apolo paayii kukolintho, Paulo akapetiki nyanda hya kunani na kuhika muchi wa Efeso, na akavahimani wanafunzi kadhaa hoku. ² Paulo akavapwaghili, "wo mwayopalili Roho mhuhu pamwaamini? vakampwaghili, Ngayi, ngachetaweziki hata kuyowana kuhusu Roho mhuhu." ³ Paulo akapwaghili, "Henu mwenga mkabatizwi wole? vakapwagha, katika ubatizo wa Yohana. ⁴ Basi Paulo akajibu, "Yohana akabatizi ubatizo wa toba. Akavapwaghila vandu yola kwamba vapaswa konkolopa yola ambaye ahika baada yaki, yaani Yesu." ⁵ Vandu pavayowini habari heyi, vakabatizwi kwa lihina laka Bambo Yesu. ⁶ Na ikayii Paulo paavekiti mawoku yaki panani yawu, Roho mhuhu akahika panani yawu na kutumbula kulongeala kwa hegha ma kulotela. ⁷ Jumla yawu vakayii akambaku ngati kumi na vaveli. ⁸ Paulo akapiti katika Sinagogi akalongili kwa ukangawahu kwa chikahi cha miezi hitatu. Akayii alongoha majadiliano na kuvahuta vandu kuhusu mambo yayahusu ufalme waka Chapanga. ⁹ Lakini wayahudi vangi vakayii vakaidi na vangakuhinika, vakatumbwi kulongela mahakahu kuhusu ndela yaka kristo palongi ya umati. Basi paulo akalekini nawu. Nayombi akatumbwi kulongela kila lichova katika ukumbi waTirano. ¹⁰ Aye akayendalili kwa miaka hiveli, kwa hiyo woha vavayii vatama ku Asia vakayowini lilovi laka Bambo, woha wayahudi na wayunani. ¹¹ Chapanga akayii atenda matendu makolongwa kwa mawoku ghaka Paulo, ¹² Kwamba hata vagonjwa vakaponiki, na roho hihakahu hikavawokiti, chikahi pavatolikia leso ni ngowu hehiwokika muhyegha yaka Paulo. ¹³ Lakini pakayii wayahudi wapunga pepo vakasafiri kupetela eneo heli, vakatumili lihina laka Yesu kwaajili ya matumizi yawu vene vakavapwaghili vala vavayili na pepo vahakahu; kupwagha, "Nivaamuru muwoka kwa lihina laka Yesu ambaye paulo amhubiri." ¹⁴ vavatendiki hagha vakayii vana saba vaka huhani nkolongwa wa kiyahudi skea. ¹⁵ Roho mhakahu akavayangiki, "Yesu nimmanyi na Paulo nimmanyi; lakini mwenga ni akanani? ¹⁶ Roho mhakahu yola mukati yaka mundu akavawokiki vapunga pepo na kuvashinda makili na kuvalapula. Ndipo vakawutwiki kuhuma munyumba yela matakumatopu na kujeruhiwa. ¹⁷ Jambu heli likamanyikini kwa woha, wayahudi na wayunani, ambao vatamika ku Efeso. Vakayii na woghoyi ngoni, na lihina laka Bambo likazidiki kuyinakika. ¹⁸ Pia waumini vanawingi vakahikiti na kuwongama na wakadhihirisha matendu mahakau yavayendiki. ¹⁹ Vanawingi vavayi vatenda uganga vakakusinyi hitabu hyawum vakahichunjiki palongi ya kila mundu. Chikahi heli, ikayii lipandi hamsini elfu hya hela. ²⁰ Vela lilovi laka Bambo likaenii kwa upana sana katika makili. ²¹ yaka Paulo kukamilisha huduma yaki kola kuefeso, Roho akandongwihi kuyenda kuyerusalem kupetela makedonia na akaya; Akapwagha, "Baada ya kuva hoku, inipasa kuyiwona na Rumi." ²² Paulo akavatumiki ku makedonia vanafunzi vaveli, Timotheo na Erasto, ambao vakayii vanjangatila. Lakini yombi mweni akabakii ku Asia kwa muda. ²³ Chikahi hechi kukapitalii ghasio ngolongwa hoku ku Efeso kuhusu yela ndela. ²⁴ Sonara yumu lihia laki Dometrio, ambaye alenganakya lisanamu hya hela hya mungu Diana, akaletiki biashara ngolongwa kwa mafundi. ²⁵ Hivyo akavakusinyi mafundi va mahengu hagha na kupwagha, "waheshimiwa, mumanyi kwamba katika biashara yenjenib tenga tiyingila heli hyanawingi. ²⁶ Mulala na kuyowana kwamba, nga pela pani pa Efeso, bali karibu Asia yoha, Paulo hoyu avashawishi na kuvanganamula vanawingi, apwagha kwamba njeta miungu helitendakiki kwa mawoko. ²⁷ Na tenga tuyii muhatari kwamba biashara yitu naiya ngacheipalika kaveti, lakini pia na hekalu laka Chapanga mbomba yoayii nkolongwa Diana aweza kutoloka kuva ngana maana. Tena aweza kuhoveha hata ukolongwa waki, yombi ambaye Asia na dunia imwabudu." ²⁸ Pavayowini hagha vakatweli hasira na kupiga mangomela, kupwagha "Diana wa Efeso nkolongwa. ²⁹ Muchi woha akatwelii ghasio, na vandu vakakembililipapamu mukati ya ukumbi wa michezo. Vakavakamwili vasafiri vayaki na Paulo, Gayo na Aristariko, vavahumuki kwa makedonia. ³⁰ Paulo apalika kuyingila mu umati wa vandu, lakini wanafunzi vakanihivakihi. ³¹ Pia baadhi ya maafisa wa mkoa wa Asia ambao vakayii vakochi vaki vakampelakili ujumbi kwa makili kundova akayingila katika ukumbi wa mchezo. ³² Baadhi ya vandu vakayii vapwagha chindu achechi na vangi jambo lela kwa ndandi umati wa vandu ukayii uchanganyikiwi, vanawingi vawu ngache vaweziki kumanya ndandi kiki vahikiti papamu. ³³ Wayahudi vakantendiki Iskanda kunja ya umati wa vandu na kumbeka panani palongi ya vandu. Iskanda akawohiki ishara kwa chiwoku chaki kupiha maelezo kwa vandu. ³⁴ Lakini pavatambwili kuva yombi ni myahudi, woha vakapigiti kelele kwa sauti yimu kwa chikahi wa saa hiveli, "Diana ni nkolongwa wa Efeso." ³⁵ Baada ya karani wa muchi kuvatumbaliha umati, akapwagha, 'Enji akambaku wa Efeso, ni nani wangakumanya kwamba muchi womboni wa Efeso ni mtunzaji wa hekalu la Diana nkolongwa na yela picha mojo hawukili kuhuma kumbinguni? ³⁶ Kuwona basi kwamba mambo hagha ngayawezekani, tupalika kuva na utulivu na mukatenda chochoa kunyata. ³⁷ Kwa ndandi muvakemiki hava pani pa mahakama ambao nga vihi wa hekalu wala si vakunkufuru Chapanga witu mbomba. ³⁸ Kwa hiyo, ngati Demetrio na mafundi vavayili papamu naku vayii ni mashitaka dhidi yaka mundu yoyoha, mahakama hiyii wazi na maliwali vayili. Na valetwa palongi ya shauri. ³⁹ Lakini ngati wenga upala chochoha kuhusu mambu ghangi, naghashulikiwa kuchikau halali. ⁴⁰ Kwa kweli tiyii katika hatari ya kutuhumiwa kuhusu ghasia lichova lendeni Nga sababu ya machafuko haya, na ngatikuva na uwezo wa kuyaeleza. ⁴¹ Baada ya kupwagha haya, akavatawinyi makutano.