¹ Chikahi hechi mfalme Herode akanyoshiki chiwoko chaki kwa baadhi ya vala vavahuma mukusanyiku ili kuvatesa. ² Akankomiki Yakobo ndongu waka Yohana kwa upanga. ³ Baada ya kuwona kuva yapendizi wayahudi, akamkamwili na Petro kaveti, Ayee ikayii chikahi cha mikate yangachachwa. ⁴ Paangamila, akambekiti mulokapu na akaviti vikosi nchechi ya mapolisi ili kundenda, akayii atarajila kumpeleka kwa vandu baada ya Pasaka. ⁵ Petro akavakekiki mulokapu, lakini malomu yakahengakiki kwa bidii, na kusanyiko kwaajili yaki kwaka Chapanga. ⁶ Lichova kabla Herode ngacheapiti kumboha, ikilu yela akayili aghanili pakatikati ya mapolisi vaveli, ayii akongakiki ni minyololo hiveli, na vahinzi palongi ya ndongu vakayili valenda lokapu. ⁷ Lolayi, malaika waka Bambo ghafla akampitili na nuru ikang'anyiki mukati. Akandwapi petro muhuvegha na kunjumuha akapwagha. "Yumuka kanyata, "ndipo minyololo yegayii akomgakiki ikanopwiki kuhuma mumawoku ghaki. ⁸ Malaika akampwaghili, "Hwata ngowu hyaku na hyota hilatu hyaki. "Petro akatendiki vela. Malaika akampwaghili, Hwata vazi laku na uniyengalyayi." ⁹ Vela Petro akayeghalili malaika na kupita kunja. Ngacheamini chechahengakila na malaika ngati ni chachakaka. Aholalyaawona maono. ¹⁰ Baada ya kupeta lindo la kutumbulila na lakaveli, vakahikiti pa seti la choma la kuyingili kuyenda kumjini, likahowiki leni kwa ajili yanu, vakapitiki kunja vakahelili kumtaa, mara Malaika akampwaghili. ¹¹ Petro paalimanyi, akapwagha, "Henu niamini kuva Bambo akantumiki malaika waki ili kuniwoha mumawoku yaka Herode, na kwa mahovalelu ya vandu woha va uyahudi. ¹² Baada ya kumanya hagha, akahikiti kunyumba yaka mariamu amawu waka Yohana ambaye ni Marko; wakristo vingi vaka himaghini kulova. ¹³ Pahodimi pangyangu wa chihivalilu, Mtumishi yumu mwali yokemeka Roda akahikiti kuhowola. ¹⁴ Paaitambwili ni sauti yaka Petro, kwa furaha akashindwiki kuuhowola ngyangu, badala yaki, akamutwiki mukati ya chumba, na kuvamanyiha kuva Petro ayemi palongi ya ngyongo. ¹⁵ Hivyo, vakapwaghili, "Wenga uwolwiki malango" lakini akakazili ni chakaka ni yombe, vakapwagha, "Hoyu ni malaika waki." ¹⁶ Lakini Petro akayendalii, kuhodima, na pavahowili ngyangu, vakambweni na kukangacha sana. Petro akavatumbalihi kwa chiwoku chinunu chinunu na kapwaghila jinsi Bambo moampekihi kuhuma mulokapu akapwagha, ¹⁷ Mwamanyiha hegha mambo Yakobo na alongu vaki kisha akawoka akapiti mahali napangi. ¹⁸ Pakwayii muhi kuhayii na huzuni ngolongwa kati ya mapolisi, kuhusiana na chechapitalili kwa petro. ¹⁹ Baada ya Herode kumpalapala na ngekumbona akalwalihi valinzi na akamwi vakomyi. Akapiti kuhuma kuyahudi mpaka kaisaria na kutama hoku. ²⁰ Herode akayii ni hasira juu ya vandu va Tiro na sidoni. Vakapiti kwa papamu kwaki. Vakayi na ukochi na Blasto msaidizi waka mfalme, ili ayangatyayi. Kisha vakaloviki amani, kwa ndandi ndema wau uyopalya chilevi katika nchi ya mfalme. ²¹ Lichova lelakusudiwi Herode akahetwi mavazi ya kifalme, na kutama chitewu chaki cha kifalme, na kuvahutubila. ²² Vandu vakapigiki mangomelo, "Ayee ni sauti ya Chapanga wola nga sauti yaka mwanadamu!" ²³ Mara gafla malaika akendwapwi, kwa ndandi akayii ngacheampekihi Chapanga utukufu; akawiki na chango akahwili. ²⁴ Lakini lilovi laka Chapanga likakohiki ni kusambaa. ²⁵ Baada ya Baranaba na sauli kukamilisha huduma yawu pala vakakeliwiki kuyerusalemu vakantoliki na Yohana ambaye lihina la kuvelekeka Marko.