¹ Hi henu, kuhenga lihengu papamo, tunsihi mavanganya makayopa neema yi ka Mlungu bila matokeu. ² Ndava apwagha, "chikai chechiyetakihi nika vi makini kwinu, ni mukuti mwa lichova lya wokofu nikanjakatile". Lo lya ka, henu ni chikahi chi ku yetekila. Lo lya ka, henu ni lichova iya wokofu. ³ Ngache tuveka iliwu li kuhivalakila palongolo yi ka mundu yokapi yola, ndava ngache tupala huduma yitu iya ni sifa ihakao. ⁴ Badili yaki, tulivalali tevete kwi matendo yitu yoha, ngati ti vi tatumishi va ka Mlungu. Ti vi tatumishi vaki mu mahele yi kustahimili, mang'aiko, ziki, kukalipa kwi maisha. ⁵ Kutoveheka, hifungo, ghasia, mu kuhenga lihengu kwi bidii, mu kukosa lung'ano hikilo, mu njale. ⁶ Mu usafe, malengo, uvumilivo, unyahi, mu Roha Muhuhu, mu upande wene. ⁷ Ti vi tatumishi vaki mu lilovi hyaka iya chakaka, mu makakala gha ka Mlungu. Ti vi ni silaha yi haki ndava yu chiwoho chi malelela ni chi mangeha. ⁸ Tihenga lihengu mu heshima ni kuzarauliva, mu kashifa ni sifa. Vatihukumu ngati tadanganyifo ni chikai ta va chakaka. ⁹ Tihenga lihengu ngati pe ngache tumanyikini ni kave takona tumanyikana chinyohi. Tihenga lihengu ngati vava adhibiwa ndava yi matendu ghitu lakini nga ngati vavahukumiwi hata kuhwa. ¹⁰ Tihenda lihengu ngati vava yi mu mashomo, lakini machova ghoha ti vi ni furaha. Tihenga liengu ngati ta maskini, lakini titajilika tana wingi. Tihenga lihengu ngati pe ngache tupati chindu bali pe ngati vava miliki kila chindu. ¹¹ Tupwaghiti chakaka yoha kwinu, Wakorintho, ni mitima yinu ihoghulike ku upana. ¹² Mitima yinu ngache ihivalikike ni tenga bali muhivalikiwa ni hisia hinu mavene. ¹³ Hunu mukubadilishana kwi haki nilonge ngati kwi vana muhoula mitima yinu kwi upana. ¹⁴ Ma ka funganishwa papamo ni vanga kuamini. Ndava u yi uhusiano wole mukati yi haki ni uhusiano wole mukati yi haki ni uase? Ni kuvi ni ushirika wole mukati yi nuru ni giza? ¹⁵ Ni mayongana kwa wole kuvi kristo aweza kuva hayo ni Beliari? Au yombi yo aamini avi ni sehemu wole papamo ni yonga kuamini? ¹⁶ Ni kuvi mayongana wole gha vi mukati mu lihekalu lya ka Mlungu ni sanamu? Ndava tenga ti vi lihekalu iya ka Mlungu yo vi momi, ngati Mlungu mo akapwaghiti "Natama ni mlungu vombi ni kuyenda ni vombi. Na ya ni Mlungu wau, vombi va ya vandu vangu". ¹⁷ Henu, Muwokayi mu wombi, ni mu ya kutali nau, "apwagha Bambo. Makagusa chindu chichafo, kave yaninkaribisha mavanganya. ¹⁸ Ya ni ya Afati kwuni namu ma ya mavanangu wu chikambaku ni wichimbomba, apwagha Bambo Mwenyezi.