¹ Tumanyi ngati ana maskani yu ulimwenguni momboni motitama yayonangakike, ti vi nalo jengo kuhuma kwa ka Chapanga Yene ni nyumba ya nga kulengenekewa kwi mayoko gha kwa vanadamu, bali ni nyuma hya hyaka mu mbengu. ² Ndava mu lihewa momboni tikwala, tupala kushekeka kwi maskani yitu ku mbinguni. ³ Tutamani ndava ya yeneyi ndava ana tihwaliki nga tawonikani ngati ti vi ehu. ⁴ Kwa chakaka chikahi ti vi mukati yi lihewa lendenu, tilwala ana tielewini nga che tipala kuhuliwa Badili yaki tupala kuhwalika, ili ngati chela chekihwili kiweza kimilwa ni womi. ⁵ Ya atuandiya tenga kwa chindu chenjenu ni Chapanga, ambaye akatupeki tenga Raho ngati ahadi ya chela chechahikaye. ⁶ Henu muya ni ujasile machova ghoha muya miho maghambu chikali ti vi munyumba mu hyegha, ti vi kutale ni Bambo. ⁷ Ndava tuyenda kwi imani nga kukulola Henu ti vi ni ujasile. ⁸ Mbanga tu va kutali kuhuma mu hyegha ni munyumba pamoja ni Bambo. ⁹ Henu ya tutenda kuva lengu litu, ama ti vi munyumba au kutali tumpendiza yombe. ¹⁰ Ndava lazima tawoha tawonahana palongolo pu kitewu cha hukumu cha Kristu ili ngati kila yumo aweza kuyopa chela cha astaili kwa mambo yagha tendikike ghu munshegha ngati gha gha vi manyahi au gha gha vi mahakaho. ¹¹ Henu, pukumanya hofu ya ka Bambo, tashawishi vandu jinsi mo ti veli, iwohekana wazi ni Chapanga ni vi ni matumaini ngati ielewiki hata mu dhamira yinu. ¹² Ngache tijaribu kunshawishi mavanganya ka ve mutuwona tenga ngati chakaka badili yaki, tumpeke mavanganya ndava yukuliswemba ndava yitu ili ngati muweza kuva na liyangu kwa vala vavijivuna ni mwonekano lakini nga chela che chi ni mukati wu ntima. ¹³ Ndava ngati anatihombikwi ni malango ni ndava ya ka Chapanga. na ngati ti vi mumalangu ghitu gha chakaka, ni ndava yino. ¹⁴ Ndava upande wa ka Kristo utushukurutisha ndava ti vi ni uhakika wa lenelo: ngati mundu yumu akahwi ndava ya woha, na henu woha vahwile. ¹⁵ Kave Kristo akahwili ndava ya woha, ili ngati vala vavatama vakatama kavele ndava yau vene. badili yaki, lazima votama ndava yaki yombe ya akahwili nivaka nhyoike. ¹⁶ Na ndava ya vela, kutumbu henu nu kuyendelela nga che timhukumu mundu kulengana ni hiwangu hya ka vanadamu, ingawa pu ku tumbulila tindolakya kristo ngati vela. Lakini henu ngache timuhukumu yokapi ngati vela kavela. ¹⁷ Henu, ana mundu yokapi yola avi mukafi mwa ka kristo, yombi ni kiumbi cha heno mambo gha mwandi ghapetike. Lo la kya ghavi gha heno. ¹⁸ Hindu hyokapi heyi ihuma ka kwa Mlungu. Akatupatanisha tenga kwaki mwene kupete Kristo, ni atupeki huduma yu upatanisho. ¹⁹ Vela ni hupwagha, mu kristo,mlungu aupatanishi ulimwengu kwaki mwene, nga kuvalanga mahakao ghao dhidi hyao. Awekeza kwitu ujumbe wu upatanisho. ²⁰ Henu tuteuliwa ngati ta wakilishi waki Kristo, ngati oti Mlungu akani kulengana kirufaa yaki kupete tenga. Tumsihi mavanganya ndava ya ka Kristo: "Mpatanishwayi ni mlungu!" ²¹ Akatenditi kristo kuva nchembi ndava ya zambi yitu. Yombi ndi nga che akatendiki zambi. Akatendiki vela ili tuweze kutendeka haki ya ka Mlungu mukati mwaki.