¹ Paulo, silwano ni Thimotheo kwa nyumba yaka Chapanga la wathesalonike kwa tate Chapanga ni bambu yesu kristu. chiha ni imani iya ni mwenga. ² Tuchengule kwa Chapanga chikahi choha kwa maghambu ya mwavoka, chikahi pa ndovola kwa maombi yitu. ³ Tiikombika changa kukotoka pa mihu yaka Chapanga ni tati vitu lihenu linu la chiha, moyu wa kupala ni uvumilivu vo uyi ni ujasili va palongi kwa Bambu yesu kristu. ⁴ Mwachi longu mwe npalakike ni Chapanga timanyi kulohekeka kwinu. ⁵ Ni moi yeli injili yitu moihiki kwinu nga kwa malovi pela ila hata kwa makili, lihoku lihuhu, ni kwa chakakaka ngati mokuyekile mumanyi kuyegha tenga likayi tavandu wa ntundu voli ndandi yinu mwenga. ⁶ Mwaka yi nandu va kutiyigha ni Bambu, ngati momwaliyopalili liveli pa mahangaiko ni kutovolela, ye ihuma ku lihoku lihuhu. ⁷ Ne checha yendelili mukayi cha kuhovaleka ku makodome, ni akaiya vavayatekela. ⁸ Mambu kuhuma kwinu lilovi laka Chapanga litoliki malu yoha, ni si ku makedonia ni ka akaiya pela. kwa vela payi poha imani yinu kwaka Chapanga itoliki malu koha. ni chechiyendalili, ngapa tipala kulongela chiyo choha. ⁹ Mambu vombi veni wananyiha mahiki yitu va kayi va ntundu vole pa kati yinu valongele mo ti ngamuki Chapanga kuhumi ku sanamu ni kuntumaki Chapanga va vomi ni va chakaka. ¹⁰ Wa vavohiki utenga kuhyegha mundende mwana vaki kuhuma kunani, yo ahyohakiki kwa kuhuma kwa va vahwili ni yoyu ni yesu, yo atineleiti pa mboni kuhumi ku lihyomu lelihika.