¹ Nim-oti hakaghu Fibi wau kanu, erehu mnyamalo wa ikanisa hulo liata Kenkrea, ² nesa ite mumuru kumdoria he Dilao. Bo-ini to he kicho cha thamani cha vazadarisha, naho mu-uma hawe na-u he mburi yoyose yo enekwa eidumu. Kwaite uye salaghu aakwa mnyamalo wa vakumure, na he mburi gho salaghu. ³ Mholu Prisca ne Akila, vazabo-i nyamalo hawe na ani he KristoYesu, ⁴ erehuvo he mizokoire gho vaanaoni mihemire kini salaghu. Nitagu ntogolo hakini, naho sihe bi ani, mira naho he makanisa makabuna ya mataifa. ⁵ Liholu ikanisa hulo liata ang'a hakini. Niholuiye Epanieto mzadumuwa mgho, erehye mza-ahowe wa bosi wakwe Kristo he Asia. ⁶ Mholuiye Mariamu erehuye ebo-iye nyamalo he bidii kwa mburi kaghu. ⁷ Mholuiye Androniki ne Yunia, msaho gho, na vaza-orowa hawe na ani. Chidumuwe hasi ha mitume, huvo naho veeka-eye kum-ile Kristo ani neecheri. ⁸ Mholuiye Ampliato, mzadumuwa gho he Dialo. ⁹ Mholuiye Urbano, mzabo-i nyamalo hawe na ani he Kristo, ne Stakisi mzadumuwa gho. ¹⁰ Mholu Apele, huye elo kudumuishwa he Kristo. Vaholuye vakabuna huvo veata he minda yakwe Aristobulo. ¹¹ Niholuiye Herodioni, msaho gho, Niholuiye vakabuna veata he minda yakwe Narkiso, huvo veata he Dilao. ¹² Niholuiye Trifaina ne Trifosa, vebo-i nyamalo he bidii hakwe Dilao. ¹³ Mholuiye Persisi mzadumuwa, erehuye ebo-iye nyamalo sha he Dilao. Niholuiye Rufo, esaghurwe he Dilao ne lage ku-u na mgho. ¹⁴ Mholuiye Asinkrito, Flegon, Herme, Patroba, Herma, na vabahu vakabuna hawe navo. ¹⁵ Niholuiye Filologo ne Yulia, Nerea ne wau ku-u, ne Olimpa, vazadarisha vakabuna veata hawe navo. ¹⁶ Niholuye kira muwe he ibusu inyakhare. Makanisa makabuna he Kristo yemuholu. ¹⁷ Iji nimusemba, vabahu, kufanyanya ana ya kavo evo vegera mkakanyiko na vidinghinto. Vetaso kimzungure na mahinijo huyo mufiritiye kuhina. ¹⁸ Kiriini mli hakini. Kwaite vahe sa yavo tevemnyamarikia Kristo Dilao, mira maso kini salaghu. He viome kini visikuiye na m'pongeji ja mongo vetata swaho ja vesilo na hatia. ¹⁹ He kutoti he kukoiya kagu mumheiya kira muwe. Kwato, nilhamuiwa ana kaghu, mira nimudumu kune mukwa na viugho he hali ya ukulho, naho kusaakwa na hatia mbele ja ukusa. ²⁰ Kuimbi wa m'polele tekahareeti kumuamgamija shetani du he bame kaghu. Neema yakwe Dilao Yesu Kristo ikwa hawe na kune. ²¹ Timotheo, mzabo-i nyamalo hawe na ani, emuholu, ne Lukio, Yasoni ne Sospeter, va-aro gho. ²² Ani, Tertio, nigondiye waraka yao,nimuholu, nimuholu he ilhe lakwe Dilao. ²³ Gayo, enikeye naho he ikanisa ikabuna, livaholu. Erasto, mzake hazina ja mwang'a, evaholu, hawe ne Kwarto ere m-bahu. ²⁴ (Darisha: he nakala halisi ja bosi, mtarari yao teuhata. Wesia Varumi 16:20. "Neema yakwe Dilao Yesu Kristo izoko na kune vakabuna. Amina.") ²⁵ Iji haku-u uye elo umuruisho wa kubo-i mu-uma kuagha na injili na mahinisho yakwe Yesu Kristo, Kuagha na ughubulo wa siri imatuiwe he muda mueza, ²⁶ mira iji yaakita kughubulwa na kubo-iwe kuilikana na magondo ya ulotezi kuagha na amri ja Kiumbi wa aze kabuna, he kukoiya kwa mdarisho he vahe va mataifa makabuna. ²⁷ He Kiumbi salaghu viugho, kutahoiya Yesu Kristo, hakwa na unyakhare wa azeto klabuna. Amina.