¹ Paulo mzasu ghawa ni Yesu Kristo kwa kudumu kwa kiumbi ue Timotheo mbahu kanu. ² He vazadara na vabahu vakweri he Kristo veaha kolosai ukulho na uhwa haghina mdarisho kulile kiumbi aba mkanu. ³ Tugu kutogola he kiumbi Aba wa Dilao kanu Yesu Kristo na tu mlhawai ya madamo kwa madamo. ⁴ Twakoiya mdarisho kaghu he Yesu Kristo na ludumuisho eumlo na uhelu vag'habuna ve kaiwe kwa he kiumbi. ⁵ Mlo ludumuisho ya kwaite mloikuluje la ulaweri likewe ana kwa mburi yenyu.Mwee akoye ikuluje ka la kweri msinaba he mburi ya kweri injili. ⁶ Eu ilitiye hakaghu injili ya ilhag'ha itu udaikato kira idig'habuna yaaahwa ikuboi to za na hla miaze mreiakoiya na kuilina kuila kwe ya kuimbi he kweri ⁷ Ya ni uluijili mluinie kulihe Epafra cha boi uilike maro kanu mnyamalo maro eu emnyamalo mkweri wa Kristo kwa kutu tolija nne. ⁸ Epafra auboi uilike he nne ludumuisho kaghu he swaho. ⁹ Kwa uburi ya ludumuisho ya tukulhoshi ture akoiya to te turoe kuniaresia twaaliwa tuku aresi ite muehuijwa viugho vya kudumu kuu he viugho g'habuna na kuila kwa kiswaho. ¹⁰ Twaahwa tuku aresi ite mwedaha kwaku wesiisha he Dilao he kwa kulho .Twaahwa tukuaresi ite muelhagha itunda he kira kigi kikulho na ite muelheru he pitinu ya kuimbi. ¹¹ Tulhawa mmuru kubutuwa u he hucha mnuru auagha na uja ukulho kuu wa kuzi zimija na kuwesiisha kughabuna. ¹² Tulhawa ite kwa kulihamuiwa mnegu hongera he Aba .Emboi kuni mmuru kuni wa na lakuzoho he kulhoja va zada arisha he g'haghaywe. ¹³ A a tugu kuli he u ya kidughu na kutu baleja na he udikao wa ing'ia kuu mkulho. ¹⁴ He ing'i kuu tulo kukaiiwa kuraiwa na vikusa. ¹⁵ Ing'ini sa kiumbi eahoike ni mza aliowa wa kulholhoshi he kuhiwa kug'habuna. ¹⁶ Kwa ite heu vigi vig'habuna vyeeboiwa sa via ana na viaha heidi,vigi viahokahe na visia hokanue chiku hwa ni vya hakuzog'ho hile u udilao lile vilo u vigirug'ha vyee liweni u na kwa mburi yakwe. ¹⁷ Ueere aha heesina boiwa kigi chochose na heu vigi vighabuna vidara na hawe. ¹⁸ Na u ni u ma wa msa yaani kanisa uni wa kulholhoshina mzaaliowa wa kulholhoshi kulihe vealia banuaza kwato elo hodi habo sihawe na vigi vig'habuna. ¹⁹ Kwaite kimbi aalhamuiwa ite kuaghararu kuu vag'habuna uzog'ho za kuu. ²⁰ Nakuisekoja vigig'habuna kwa hekwa ya ing'i kiumbi eeboi kudarisha kutag'hoboi ya saho ya msaraba ku u kuimba ekaise koja vigi vig'habuna hakuu salaghuu ,ikuhwa ni vigivya idihile ni vya ana. ²¹ Nakunio kwa muaze muwe mwahwa vagalho va kiumbi na mwahwa vakusa kuuhe akiri na mburi kaghu kusa. ²² Mira waijili aamuisekoja kuni kwa msa kuu kutahoija kigame aabi tohesa kumgera kuni wahuye msilo idanko. ²³ Kai Mkuso heka mdarisho wo mowe na kudara msikaiwe uda kuli he lukengerejo lwa kubeni bughuhe injili umulakoye ya niu injili uibiri rikirwe hekira mheeboiwe di ya idi ya niu injili eyo kwa uani,Paulo naahwa mnyamalo. ²⁴ Kwato ni lhamuiwa kuhiriwa koo kwa mburi kaghu naani nifuruja he msa koo chibe nikehe kuliriwa he Kristo kwa mburi ya Msa eu ikanisa. ²⁵ Ani ni mnyamalo wa kanisa ya saugi niowe nyalo kulihe kiumbi kwa mburi kaghu kuihuija mburi ya kiumbi. ²⁶ Yani uukweri wa maao eu matuwe he miko mikumure na he via hoka mira waijii vyaa ajwa he vahakuna vedarishe heu. ²⁷ Kwa hehu eu kiumbi edumuye kuaja chochi aha kulokwa ukulho wa maao ya ukweri ya kuhwarijwa haweni na madi .Ni kwaite Kristo ehadha kaghu kubeni bughu he ukulho ulitie. ²⁸ Yani utumbirikira tumhai kira mhe na kumaja kira mhekwa viugho g'habuna hesaa ite tumgere kira mlie edarishe he Kristo. ²⁹ Kwa mbuya ani nibona kirakigi kuagha raru na "u" kuu iboi nyamalo he u.