¹ Paulo, Mzasughawa wakwe Yesu he midumuisho ya Kiumbi, ne Timotheo m-bahu kanu, he kanisa la Kiumbi liata Korintho, nahe vazadarisha vakabuna veata he mkoa mkabuna wa Akaya. ² Neema naikwa hakaghu na m'polele kuli he Kiumbi Aba kanu ne Dilao Yesu Kristo. ³ Na atogolwe Kiumbi na Aba wa Dilao Yesu Kristo. Uye ni Aba wa rehema na Kiumbi wa faraja kabuna. ⁴ Kiumbi etufariji nne he manyamarisho kanu makabuna, nesa ite tumuru kuvafariji huvo veata he manyamarisho. Tuvafariji vahali he faraja huyohuyo eyo Kiumbi eibo-iye kutufariji nne. ⁵ Kwaite sahucho manyamarisho yakwe Kristo yeongejika kwa mburi kanu, huchohucho faraja kanu isusuika kutahoiya Kristo. ⁶ Mira kai tunyamarishwa, ni he mburi ya faraja kaghu na wokovu kaghu. naho kai tufarijiwa, ni he mburi ya faraja kaghu. Faraja kaghu ibo-i nyamalo kikamirifu mkuneshiriki manyamarisho he ugumiriji sa nne naho tunyamarika. ⁷ Naho ujasiri kanu ana kaghu ni thabiti. Tureile ite sa huvyo mushiriki masurumiji, huchohucho meshiriki faraja. ⁸ Kwaite tetudumu kune mukwa virundu,vabahu, kulanga matatizo tweelo nayo arai Asia. twe-teonewa kutaho huvyo tumuruye kuti-i, sakuba ite tetweelo neri muariro la kuzoko kahali. ⁹ Kweri tweelo na hukumu ya kigame ana kanu. Mira kayo yeekwaye ni kutubo-i nne tuseezake muariro he Kiumbi, efufua vegaye. ¹⁰ Ekatuokoa nne kuli heka masurumiji na kigame, naho enetuokoa kahali. Twaake ujasiri kanu he uye ite enetuokoa kahali. ¹¹ Enebo-i to sa huvyo naho mtulha-arisha he miaresi kaghu. Kwato vakumure veneguya shukrani kanu he mburi ya upendeleo wa neema tuoiwe nne kutahoiya miaresi ya vakumure. ¹² Tuhikuka na yalo: ushuhuda wa fanyanyi kanu. Kwaite ni he fanyanyi kulho na utanda wa kiumbi ite tweesoijane salaghe he dunia. Tubo-iye to hasa kune, naho si he viugho vya idi, mira badala ku-u ni he neema ya Kiumbi. ¹³ Tetuvagondia chochose hucho msimuru kuchisoma kana kuchi-ile. ¹⁴ Nilo ujasiri ite he hodi mufiritiye ku-ile . Naho nilo ujasiri ite he mu-aze wa Dialo Yesu neneraakwa mburi kaghu he mburi ya kukukomba kaghu, sahucho munekwwa hakanu. ¹⁵ Kwaite neelo ujasiri heyalo, needumuye kulita hakaghu ini, nesa ite mumuru kudoria faida ya kua-vurirwakagi kanu. ¹⁶ Neekwaye napanga kumu-avurira too nikuneso Makedonia. Kahali needumuye kumuavurira kahali too nikukirii kuli Makedonia, Naho kune mnisugha ani too nikusoija Uyahudi. ¹⁷ Neekwaye nifanyanya namna yayo, he, neekwaye nisitasita? He nipanga mburi kuwesiana na viwango vya vahe, nesa ite niba "Eee, ee" na "Hai,hai" he wakati muwe? ¹⁸ Mira sahucho Kiumbi ere mzadarisha, tetuyo vikabuna "Ee" na ho "Hai". ¹⁹ Kwaite muinyi wa Kiumbi, Yesu Kristo, ehuye Silvano, Timotheo na ani tweem-birikire he kune, sihe "Eee" naho "Hai". mira iji,uye wakati mkabuna ni "Eee". ²⁰ kwaite vilagha vikabuna vya Kiumbi ni "Ee". he uye. Kayo naho kutahoiya uye turaba "Amina" he unyakhare wa Kiumbi. ²¹ Iji ni Kiumbi ambaye etuthibitisha nne hawe na kune he Kristo, naho eetusughaye nne. ²² Eekeye mhuri ana kanu naho ekatu-o Swaho he swaho kanu kanu sa dhamana ya hucho esezatu-oiya are baadaye. ²³ Badala ku-u, nimsemba Kiumbi kunishuhudia ani ite mburi inibo-iye nisilita Korintho ni kuba nisevayahiiya kune. ²⁴ Yayo siyo ite tutagali kudhibiti hucho mdarisho kanu udumuwe kukwa. Badala ku-u, turabo-i hawe kune kwa mburi ya kinyemi kaghu, sahucho mu-uma he mdarisho kaghu.