¹ Petro,esughawe wa yesu kristo ,he vagalho veparaiye he velhowe he Ponto khabuna ,Galatia,kapadokia,Asia na Bithinia. ² Kulinya he mi-ilire ya kiumbi aba kwa uonfiwa ni swalo mkulho kwa kuitika ku-u yesu kristo na kwa kusuiwa satho kuu .Neema ighwa hakaghu na amani kaghu isusuke. ³ Kiumbi aba wa dilao kanu Yesu Kristo na barikiwe he ugiru wa mbasi ku-u eefu-oye kuaghoka utiale kwa ujasiri wa ku-a gato kutaghoiya kufufuka kwa Yesu Kristo kuli he va bamuza. ⁴ Kwa kua gato kusikarela tukagwa wa ukusa hile kusafuru ukewe are ana kwa mburi kanu. ⁵ Kwa kumuru kwa kiumbi tula-iwa kutaghoiya mdarisho kwa kukombowa uaha sina kulhawa he madamo abontokero. ⁶ Lamuiwani heya japo waijii ni lazima kaghu kukua koiya vughuye he kugaliwa he vigali mbarimbari. ⁷ Ya ni kwailo ite mdarisho kaghu umuru kugaliwa mdarisho u ni mkulho kuro dhahabu yo ila he mwamtawo ugaliwa mdarisho kaghu ya ilijana nesa mdarisho kaghu umuru kuagho mtogolo kukainiwa na ishima he ufufuo wa yesu Kristo. ⁸ Temu muaghaye u mira mwa mdumu temu muaghao waijiji mira mudarisha he u na mlhamiwa cho chisimuruka kuyo kwa kulamuiwa kughuye ukulho. ⁹ Waiji-i mdariya viliijanya kwa mdarisho kaghu kukombowa kwa misa kaghu. ¹⁰ Varoti vee liahiye na kulhasu ukulho na kuhusu kukombowa ya kuhusu neema yo seeghwaye kaghu. ¹¹ Veedaiye ku ila ite ni mbari mina ya kukombowa kaghu kwo keseelitie ,Naho veedaiye kuile ni madamo mina swaho wa Kristo eaha sa kini eekughwa eyo aghoni nau ya cheekuliijanya madamo ekugha evabaiya mapema kwa mbuni ya ku-agharo kwa Kristo na ukulho wo wesee mliayahiye. ¹² Chee liijanye he varoti ite veekuvabo-ia mburi ya naho si kwa mburi yavo salagheni mira kwa mburi kaghu simoreji ja mburi ya kutaghoiya he hu vegera injili kaghu kwa kwalhi ya swaho mkulho esugha we kuli are ana mburi jo hata malaika vetamani kulhawa ku-u. ¹³ Kwato oroni viuno vya akirikaghu mughwa mtunie he kutoti kaghu mugha na ujasiri uturuye he mbazi yo inegeriwa hakaghu madamo akulhawa kwa Yesu Kristo. ¹⁴ Sa vaingi muitika msiorowe salaghini ni midumure yo mvee liahiye madamo mweesilo viugho. ¹⁵ Mira sacho emuseye cho e-mkucho na hatakuni mughwa vakulho he misore kaghu ya midire. ¹⁶ Komo chigondiwe "ghwani vakulho kwa ite ani ni mkulho". ¹⁷ Na kai mkuse "Aba " hu ehukuma kwa haki ku-a ghatija na nyamalo ya mhe aboi madamo a-mtambo kechi he kukudimija. ¹⁸ Mreil ite teche-eghwaye kwa hera hle dhahabu vigi vi-onika evyo mkombowe kuli he tabia kaghuja uvile jo mwee-hirie kuli he va-aba kaghu. ¹⁹ Mira mkombowe kwa sagho na ishima ya Yesu Kristo sa ya lalu lisilo na ukusa hile idanko. ²⁰ Kristo eelhowe hee sinaba msingi wa idi mira mi-aze ya ya bontokero a-afututwa hakaghu. ²¹ Mum-darisha kiumbi kutaghoiya u eye kiumbi ee m-fufule kuli he vabamuza na eye eem-oye ukulho ite mdarisho kaghu na kuila kughwa he kiumbi. ²² Mwaa-bo-iwa nafsi kaghu kulho kwa hu kuitika kwa hu kweri kwa kuwesia kudumu kwa kibaghu lo lighu-uruke,kwato dumu-iyanani kwa u kuli he swaho. ²³ Mwaafi kuaghoka kakanu si kwa ionika mira kuli he mbegu isionika kutaghoiya uzime na mburi ya kuimbi yo imerisiye. ²⁴ Kwa ite "misa kaghu gharabuna ni sa mahako " na ukulho ku-u ghabuna utotiane na i-ua la ihako ihako lihala na i-ua lilhu. ²⁵ Mira mburi ya Dilao imerisi azeto" ya chisugha ghawe wo wee-birikiwe sa injili hakaghu.