¹ Omo w amalaika wa monfunkate weeise na vitasa moonfunkate waaja na omwera, njoo wendeikala yoolwi ya maaje meinge, ² voo vasungati vanse vajisha mpoongo ja esooma nawe na yoolwi irusu ra esooma mwachwe vande ikaala weerwi vareevima." ³ Malaika akanjocha kere moo fooro lokanga nyekeyi, ne namoona mwanamoka akaaye yoolwi ya maaka ereguu wejoyr meeina atoka maaka ne na metwe monfukate yeeise na mpembee ikomi. ⁴ Mwanamoka warekerwa ngo ya Zambarau na ere guu na wajishereriwa kwa sababu mawe a samani na lulu. Wave akwetereye mekoono yachwe kekombe cha sahabu, chaava cheijooye vimaka viive vya ochaafu na owasherati wachwe. ⁵ Yoolwa ya ipaaji ya oosho wachwe raandekwa rina ra kemirirya:" BABELI MONENE NYINE WA MAKAHABA NA VIMAKA VYA MOSOOCHO WANSE." ⁶ Noona joo mwanamoka oweo areeviye kw amwaari wa vaumini na kwamwari wa vara vaakuya kwa ajili ya Yeesu. Kento namoona, naava ntovareerye koonene. ⁷ Kakaaka malaika akambeera, neeke afa akeeshangaa? Akofee nyenje mana ya mwanamoka na maaka yandamocha maaka ee ere nameetwe moofunkate na jira mpeembe ikomi. ⁸ Maaka weeime nako yeiise teriko kaaye faafa, hakaka e tayari aare akavava osuma kere isiimbo rekoateete ofeero ne kaaye wendeleya aje asambori vara navdeika la yoolwi yanse vara moo meina aavo akandekwa kere kitabu cha meima otongererya ovekwa mesingi ya weerwi otavalala kaje woona maake erekoo noongo teeriko faafa. Hakaka ne faufe ere oja. ⁹ Wamooki oo ke kwaajili akili jire na otoolu meetwe monfukante ne myeembe monfukate yoo mwanamooka eeikala yolwi yaachwe. ¹⁰ Noo kaaye ne vasungati mofonkate. Vasungati vasaano vaawaa, omo nekware, na woonge teaandeaja noongo, mpendee akaaja wikala ejrkw ampendee nkaufe moono. ¹¹ Maaka ereko, hakaka faata teriko , yoonayo moosungati wa inyiina hakaka ne omo wa vara vasungati mofunkate na ne ofeta akeende na kere osaamboli. ¹² Jira mpembe ikomi ojimeeine ne vasungati ikoomi voo vakaandasokera oosungatu, hakaka osokera vaje mamlaka ja vasungati kw afaafa faamo na maaka. ¹³ Ava ne mpongo emo vateete, na omofa vaaje ngulu jaavo na mamlaka era maaka. ¹⁴ Ojisha vaje riiri kere mwana waarise hakaka mwana wa arise ne avaashota aaje chafa ne Monene wa vannene na mosungati wavasungati na kere wee kwaamokwa, kwa sabu vaaminifu." ¹⁵ Mlaika akamweer, Ara maaje weeima , faara eikaaye ora kaahaba ne vaanto, makutanoataifa nandoseka. ¹⁶ Jirampeembeoweeine ijo ne era maaka omosocha vaaje are kahaba navo omojisha vaje mwene ne na toofo,omora vaje moovere wachwe na omovisha vaaje kwa mooto. ¹⁷ Maana Molongo aveekiye myooyi yaavo arererya kusudi rachwe kwa meterya omoofa maaka nguulu jaavo na omotawala mpaaka mpoongo ja Molongo jijetimia. ¹⁸ Ora mwana moka omoowene ne mooye ora onene wandasungataa iyoolwi ya vasungate vanse."