¹ Nenkateeeariyo nen ejomoka osumwra ore fatakatifu na akelosa kore vara malaika mofungate," Feta okaitayoli ya njaawero mabakuri mofungate agazabu ya Molongo." ² Mlaika wa vala ofeta bakuri rachwe nakore njawero makolu mavee na ore na osongomofambu aja nakore vaanto vare na alama yamaka, kore vara ambavo vatyera sambe sanamu yaachwe. ³ Malaika wa veere aita bakuri r4aachwe na kore lava;ekava ja mwaari wa mooto okuye, na kera keumbe kere moo kore lava chakuya. ⁴ Malaika wa saato akaita bakuri yachwe na kore mefulo nakore chemichemi ja maboru jikava mwaari. ⁵ Nenkatera malaika wa maaje ejelosa," Wewe ore mweleleku- omoorekoo na ojevera koo, mwelleku- chafara ojiretiye hukumu iji. ⁶ Chafara vaita mwaari wa vaamini na vantone ovafeye voo anya mwaari nachjo vakestahili." ⁷ Nenkateere madhabahu akajibu," Ndiyo! Monne Molongo wandatawala yoli ya vyoonse, hokumu jaako nechadi na haki." ⁸ Malaika wa iinye akaita osumera kore Bakuri yaachwe yol ya Ijova , nerekafewa ya risha vaanto kore mooto. ⁹ Vafishiwa kore biro yatisha, nevaka rekafura neno la Molongo. Ore na ngulu yoli ya mapigo oonse tevatubu wala omofee otukufuu. ¹⁰ Malaika wa saano neakaita osumera kore bakuri raachwe kore itumbe ra enzi chaora mnyama, ne duu ekakunera osungati wachwe. Vasiya ao kore maumivu mafambo. ¹¹ Vakamotokora Molongo w iyolwi kwa sababu ya maumivu aavo na vilwaye yaavo , na bado vaenelea odera otubu kera vajishirye. ¹² Malaika wa sasanto atasumera kore bakuri raachwe kore mofulo menene, Frati, na maaje aachwe akooma ili okwerya wandaanjera kore vasungati var vajeja osumera nsereri. ¹³ Ne nkoona Mo Isato nchaafu jisonekaka ja choora kekesumera njeyi yamolomo wa ora njoka ora monyama , na ora nabii wa olongo. ¹⁴ Ne rohoja pepo janda tenda ishara na virimo ngojo. Nofeta vaise nakore mosungati wa ee wero yoonse ili owerye ovasengaterya famo kore vita kore nsiko kuu ya Molongo , ora wanda tawala yoli ya vyoonse. ¹⁵ (" Laanga! ojankeende ja mwiivi ne heri ora okedumu kore okesha ,wanda tunza mavazoi aachwe ili akise kwerya ofeta na njii natofo na woona nsbi yaachwe.") ¹⁶ Vavareeta famo kore nyeeka yorewerwa kore Kiebrania Amagedoni. ¹⁷ Malaika w amofungate aita osumera kore abakuri yaachwe kore anga. Kisha rito nene reterwa osumera patakatifu ne osumera kore tumbe ra enzi, ejelosa," Esiiriye!" ¹⁸ Naka yaise miyale ya mwanaga wa nkova, murumo vishindo vya nkova, na ketitima chatisha- tetemeko inene ranse ambaro teranda wahi osumera afa weeryi wkera vanadamu vare ofita njaawero , kwa hiyo naitetemeko neno mono. ¹⁹ Mooye monne wavaneka kore sehemu isato na meeya ya maifa ekawa . Kisha Molongoakamokombokisha Babeli monene, ne akaofa mooye owo kekombe chaise cha ijola divai osumera kore ghazabu yaachwe ere mpombu. ²⁰ Kila kesiwa kokaremera na miyembe teyaonekana kaaye. ²¹ Mbula nene ya mawe , ere na orito wa talanta ekaiima osumera runguitwe yoli vaanto nevakamoruma Molongo kw amapigo abula ya mawe chafara rea pigo nei ve raise mono.