¹ Valome, sunyi kore vatomwa mpoongo jira cha chaadi na ja adili. Haomanya mokende kaaka moteete Moenene kore Irunguitwe. ² Kasani ova terere kore oloomba. Ikali meyso kono mojekalamya. ³ Lombi famo cha siye kaaka, nee kaaka Molongo atingole morengo kore cha ineno, olosa kemirirya cha Yeesu Kirisitu. Champoongo ee ntungiwe menyororo. ⁴ Na lombi kaaka nkwerye oreveka mwarya, kenfero ekesakwa ndoose. ⁵ Feta kore otoolu vara nakore vara vare njey, na mwokoe mpende. ⁶ Mpoongo janyu nejivee ja mbotwi mpende yoonse, nekaaka momanye namna yamwera kila monto. ⁷ Champoongo jane nee namwene Tikiko ojisha aje jimanyeke kore nyee. Wee ne walane mwanjwi, motumishi mwaminifu, ja motomwa mwaweyto kore Monene. ⁸ Omotoma nkeende cha mpoongo ee, chaafa mokwerye omanya mpooongo iji jonse olokera kore siye ne okwerye ovakeyshakeysha miyoo. ⁹ Otomama nkende famo na Onesimo, waleyto mwanjwi mwaminifu, na omo wanyu. Ovawera vaje mpoongo kila monto jisumeye afa. ¹⁰ Aristarko, motungwi mwaweyto, omolombya akende, fa na Mariki irombo rachwe na Barnaba mwasokera otaratibu osuma kore wee, hakaaka akendeja nakore nyee mosokeri, ¹¹ Nakenfero Yeesu andamokolwa Yusto. ava veene va kesembe ne vafanyakazi vavane kwaajili osungati wa Molongo. vava ne morere kore nee. ¹² Epafra omolombya akeende. We ne omo wanyu ja motumwa wa Kirisitu Yeesu. We ijisha anda bidii kore olomba chafara, nekaaka mokwerye wema okamilifu na ohakishwa kekamilifu kore waanjwi wonse wa Molongo. ¹³ Chafara omotenyankende, otoamama akende kwa bidii chaafa ne nyee, cha vara vare Laodekia, na kore vara vare Hierapoli. ¹⁴ Luka ora ware mwanga mwanjwi, na Dema omolombya vakende. ¹⁵ Valombye vawalane vara vare okoo Laodekia, na Nimfa, ikanisa rera rere kay kwachwe. ¹⁶ Baruwa eketurya osoma miongoni yaanyu, ne kaaka esomwe kore ikanisa ra valaodekia, nanyu kaaka akikishi osoma mokende era baruwa osuma Laodekia. ¹⁷ Losa kore Arkipo, langa era oduma wasokera kore Monene, kwamba osakwa otimiza. ¹⁸ Lombi ee nekwamokono wane mwene -Paulo. Ekomboki Menyororo yaane. Wooja neovee na nyee.