¹ Jaa chempero nandasaka njempe andasaka mbee na makeva meynge kwaajili yaanyu, nakwavoonse varekoo Laodakia nekwavoonse vara vakandoona osho waane kore movere. ² Ojisha nkeende moremo ili kwamba miyoo yaavo ekwerye oreta morere na okusanyiwa famo kore waanjwi na woore woonse na weingee kwa chaadi etulanyerye kwa maarifa, kore omanya kemirirya cha chaadi ya Molongo, nee nawe Kirisitu. ³ Kore wee nee mpoongo joonse ja hekima na maarifa jatunswa. ⁴ Oloosa nkeende ili kwamba moonto wowonse akasevajisherya ovee kwa mpoongo jashawishiwa. ⁵ Chaafara nsiye nanyee famo kore movere, hakaaka bado nkere na nyee kore moo. Ojefa nekenene woonw mpoongo jaanyu njija na ngulu ya kekwata moo kore Kirisitu. ⁶ Kenfero mwamosokera Kirisitu Monene, tingokeri kore wee. ⁷ Mojishiwe kore wee, mojefiriwe kore kekwata moo kenfero mwembererwa, naotungwa kore shukurani nyiinge ⁸ Laangi ya kwamba moonto wowonse akisevakwaata kwa falisafa na mpoongo nyiinge jaolongo olingana na nsumonsumo ya vaanto, olingana kanuni ja weerwi, natere olingana na Kirisitu. ⁹ Jakenfero wee kore weleleku woonse wa Molongo waandikala kore movere. ¹⁰ Naanyu mweijoriwa kore wee. Wee ne motwe wa kera kemaka na mamlaka. ¹¹ Kore wee na wee kwalocheriwa kwa kesembe ekajishiwa nevaanto kore otanyiwa movere wa nyama, hakaaka nekore kesembe cha Kirisitu. ¹² Mwaveekwa famo nawee kore obatizo. Nakwanjera ya kekwata moo kore wee kwareriwa kwa ngulu ja Ijova, ora wamorerya osuma kore nkuya. ¹³ Hakera mwakuya kore mbiri jaanyu naodera weendiwa kore mevere yeyto, avajisha hai famo nawee na okosameya mbiri jiito joonse. ¹⁴ Watanya siiri na jaandekwa, na taratibu jira jiise chao na siye. Watanya joonse najaandekwa molabye. ¹⁵ Watanya ngulu na mamlaka. Ajiveeka weeru naojisha ova na nduva oshindi kwanjera ya msalaba waachwe. ¹⁶ Hakaaka, moonto wowonse akesevahukumu nyee kore oraa au kore onyaa au osinga nsiko ya sikakuu au mweeri mofeya, au nsiko jasabato. ¹⁷ Ee nemefefo ya mpoongo jira jiijeeja, lakini nsumonsumo ne Kirisitu. ¹⁸ Moonto ava wowonse akesesochiwa ntiifi yaachwe kwafaro nkenonera nkolo na ngirira omolomba malayka. Moonto ore joo newingera kore mpoongo era aona ne ofembwafembwa oje na mpoongo jaachwe ja movere. ¹⁹ Wee teakwatereye motwe. Neosuma kore motwe amee kaaka movere woonse olokererye viungo vyaachwe na makufa yawuungwa na okwaterera kwa famo; naokola kwa woombwi wandasunyiwa ne Molongo. ²⁰ Ekeeva ne famo mwakuya na Kirisitu kwampoongo jaweeru, amu newikala mokeende na naotomama kwa weeru: ²¹ Mokesekwaata, baosera, baosinga. ²² Ivii vyoonse vyamuriwa kwajili ya osambori okendeja na matumisi, osuma kore maelekezo na wembererwi wa vaanto. ²³ Sheria iji nehekima ya dini jajishiwa kwa obinafsi na ofolu na okulutecheriwa amovere. Hakaaka teeteete samani ya kore lako ya movere.