¹ Sasa, neokwandekera wee, mwanwi ee baruwa ya veere ili okorerya kore akili, ² ili kwamba okwerye okomboka mpoongo jalooswa kabila na mantone valaulau nakuhusu amuri ya Monene weyto na mwokori wa kotumiya metume. ³ Omanye ili kwansa, kwamba vasaliti neoja vaje kore nsiko jamwisho ovasliti nyee. ⁴ Navajeloosa ''nekoo ere ahadi ya taloka? Baaba veyto vakuya, vimaka vyoonse ne joo viise tangu mwanso wa woombwi. ⁵ Vakejisha weeva kwamba nsee na irunguitwe vyaanza osuma na maaje na olokera maaje kali ya kalii, kwa ineeno ra Molongo, ⁶ nakwaamba olokera ineeno raachwe ne maje akavaa olimwengu kwa mpeende ijoo , ekeeva nemaaje yijola, ekasambolwa. ⁷ Hakaaka fafo irunguitwe na weero jaatunswa kore ineeno eroero kwaajili ya mooto. Yifaziwa kwaajili ya nsiko ya hukumu na maangamiziaa vaanto wvakare va Molongo ⁸ Ee teejekwerya ocheenga ojuumbe waako, vaanjwi, kwamba nsiko emo kwa Monene neja nsiko elufu emo. Namerongo elufu ne ja nsiko emo. ⁹ Terekwamba Monene neveeja akejisha otimiza ahadi, kenfero ekeririkana ovaa, Hakaaka wee nemovumilivu kwaajili yaanyu, wee teaketamani ba omo aangamiye, hakaaka neotumaini osunya muda ili voonse vakweerye otubu. ¹⁰ Hakaaka, nsiko ya Moneneneoja ejee ja mwiivii, mbigu oloka kwa paaza sauti ya kelele. Vimaka neoteketezwa kwa moonto Nsee na vimaka vyoonse virekoo muumo nemwarya vijevaa. ¹¹ Kwafara vimaka vyonse ne oteketeswa kwa njera ee. Je nemoonto wa aina kee? Wikale kelaulau na mwikalo wa Molongo. ¹² Neokofaa ekende omanye na otambuwa haraka nsiko Jova ajeeja. Nsiko eyo mbingu neoteketeswa eje kwa mooto. Navimaka neoyeyushiwa vije kwa jote ineene. ¹³ Hakaaka olingana na ahadi yaachwe, neorendera kokeende mbingu mpeya, ambapo vare nahaki wikala vaje ¹⁴ Noong'o vaanjwi chaafa neotarajiya vimaka ivii, etaidi ovaa makini naodera olalamikerwa na ovaa nakekwata moo nawee. ¹⁵ Nosingatiye ovumilifu wa Monene weyto kore wokovu, ja mwaanjwi kaaka weyto Paulo, avaandekera nyee, olingana na hekima ambayo afewa. ¹⁶ Paulo walosekera awo woonse kore baruwa jaajwe, nakovere vimaka ne vifafu welewa. Vaanto vakateete adabu na oimara vasambola vimaka ivyoo, nakama kenfero vakejisha kwa maandiko. Welekeya maangamizi aavo. ¹⁷ Noong'o, vaanjwi chafara neomanya mokende ijo. Eriri nyaveene ili kwamba mokesepotoshwa na oloongo wa valoongo naorimerya oaminifu. ¹⁸ Hakaaka mokole kore wooja na ofahamu wa Monene na mwokori Yeesu Kirisitu. Na faafo olaulau ovee nawee faafa na nsiko joonse. Amina.