¹ Ntone voolongo vaesumera kwa Vaizraeli, na veembereri vaolongo oja vaje nakore nyee. Kwakemirirya oreta vaje meembereri aoloongo navoo omosita vaje Monene wavoola. Weretera vaje osambori wa changochango yolwi yaavo veene. ² Viinge otumba vaje njera jaavo ja nsoni na olokera voo weesita vaje njera ya chaadi. ³ Kwaosongo ovoonka vaje vaanto vajetumia mpoongo chaolongo hukumu yaavo tejechelewa, osambori ovatumba oje. ⁴ Maana Molongo teareka malaika vasalaa. Bali wavafauta kore mogase ili vatungwe menyororo mpaka hukumu ejijera. ⁵ Wala Molongo teavumiliyee njaa ya weo ya kalii. Bali, wamoveka Nuhu, ore na wamokwa wa chaadi famo na vaange mofungate, mpende jira arekera garika yolwi ya njaa ya weero vaasi. ⁶ Molongo wahukumu nsee ya Sodoma na Gomora cheero chavaa mayuu na osamborii ili evee mesananya kwajili ya ovee kore nsiko jaoshwi. ⁷ Hakaaka kento ajisha joo, wamokowa Lutu monto wa haki, wavaasochiriye na mpoongo mbee ja vakatumbiye amuri ja Molongo. ⁸ Kwafara monto wa haki, wekala navoo nsiko kwa nsiko akeetesa moo wachwe kwajili ya ara aatera na woona. ⁹ Hakaaka Monene neomanya akeende namuna ya okowa vaanto vaachwe mpeende ja kuluteka na namuna ya vumilia mavee kwaajili ya hukumu nsiko ya mwisho. ¹⁰ Ee noo chaadi chavara vakenendelea wiikala kore lako ja movere oo naoyasarau mamulaka. Vaanto vare jawo tevofiye kore miyoo yaavo ovasita vaanto va Molongo. ¹¹ Baafa malaika nengulu vateete kuliko vaanto, hakaaka tevajekwerya oreta hukumu yaavo kore monene. ¹² Hakaaka ava vanyama vakateete akili vajishiwa kwa asili ya kwaatwa na orewa. ¹³ Newumizwa kwa ojira wa mavee avoo. Monse mwima ne wikala kwa anasa. Viijoye ochafu na mavee. Neofurahiya anasa jaolongo vajesherekeya nawee. ¹⁴ Miiso avo yakunekerwa ne ozinzi; tevatoshekiye ojisha mbiri. Ovadanganya naovangusha vaumini vachanga kore mbiri. Ne miyoo yijola lako, ne vaana valaaniwa. ¹⁵ Vaereka njera ya chaadi. Varimera naotumba njera ya Balaam mwana wa Beori, waanja otola marefo aozalimu. ¹⁶ Hakaaka wakemewa chafara ya osovu waachwe. Ndako yiise buubu yaloseka kore sauti ya binadamu, azuiya wazimu wa ntone. ¹⁷ Vanto ava neja chemichemi jikare na maaje. Neja maduunde afenyiwa ne nkoongo. Duunde nene raveekwa kwaajili yaavo. ¹⁸ Oloseka kwa majivuno meene. Neovawisha vaanto kwa lako ya movere. Neovadanganya vaanto vara vakejaribu ovafeeng'a vara vakare kore osovu. ¹⁹ Ovaaidi vaanto uhuru wakati voo veene ne vatumwa wa mbiri ya ofisadi. Maana mwanadamu ojishiwa ova motumwa wa kera kekevatawala. ²⁰ Wee wandeepusha na ochafu wa weerwi kwa otumiya maarifa a Monene na mwokori Yeesu Kirisitu, naoturya akatalokera ochafu owo tena, hali yaava mbee kuliko era ya vaala. ²¹ Yafaa vanto ava kama vakeseemanya njera ya haki kuliko oemanya na oturya tena neoreka amuri takatifu vafewa. ²² Methali ee ovaa na ochadi kore voo ''diyo neoatalokera anda maloki aachwe mweene. Na nguruwe yooviye neotaloka yaanda nakore matofe.''