¹ Na kwa eyo, ojisha moremo famo omwera kokeende mokise sakera mboto ya Ijova bila motookea. ² Chafara nolosa okeende," Peende jira jaa anjiwa na ava makini kore nyee, na kore nsiko yookolewa ma maserera," Laanga fafo mompeende yaanjiriwe laanga, fafo ne nsiko yakoka. ³ Tekokeeveka nsheri wee rakezuii mbere ja moonto wowonse, chafara tekokeesakerera huduma yaito eretwe kore sifa mbee. ⁴ Badala yachwe neweasaana kokendee shaveni kwa atendo iito oonse, kwamba kore vatumishi va Molongo kore vatumishi vaachwe kore wiinge wa ostahimilivu, okuleteku dhiki, ofafu wa weero, ⁵ omutwa, vifungo, lwaango, kore ojisha moremo kwa bidii, kore osova toto neotik, kore njala, ⁶ kor osafi, otari, ovumilivu, weeleleku, na kore Moo Molaulau, na kore waanjo wa chaadi. ⁷ Kore vatumishi vaachwe kre mpingo ya chaadi na kore ngulu ja Molongo, kotete silaha ya haki kwaajili ya mokono wa kolome wa wakonyoonso. ⁸ Nojisha kokeende moremo kore heeshima na ozarauliwa, kore kashita na sifa. notuhumiwa kokeende ovavaloongo nekoomba koreva chadi. ⁹ Noojisha kokende moremo kana kwamba tekokemanyeka na bado nomanyeka kokeende terere nojisha kokeende ja vaanto vakeekuya na langa!- bado noishi kokeende. Nojisha kokeende jokeendazibiwa kwaajili ya matend0p iito, lakini tereja vara vukumeiwe hata ba okuya. ¹⁰ Nojisha kokeende moremo javaanto vare na mosikitiko, hakaka nsiko joonse namorere kotete, nojisha kokeende moremo hja vakeva, hakaaka notajirisha kokende viinge. Nojisha kokeende moremo kanakwamba ekoje toola kemaka, bali ne ja kokee miliki kera kemaka. ¹¹ Kolosekiye chaadi yoonse kore nyee, vakrintho namiyoo yaanyu etingorekiye kwa waare. ¹² Miyoo yaanyu teezuiliwa ne siye, bali mozuiliwe ne hisia jaanyu nyaavene. ¹³ Fafo katika woolaniya kwa haki- nolseka nkeende ja kore vaana- tingoli miyoo yaanyu kwa waare. ¹⁴ Aremotunganishwa famo na vaanto vakakeenamini chafara ne tero kee erekoo kati ya wooja na mbiri? Na noshiriki keerekoo kati ya weero na duu? ¹⁵ Ne makubliano kee Kristo ajekwerya avana na Beliari au oraakenamini ne sehemu kee atetr na ora akakake na mini? ¹⁶ Nne makubaliano keerakoo kate ya hekalu ra Molongo na sanamu? chafara siye hekalu ra Molongo ore hai , jenfero Molongo aloosa:" Wikalanje kate yaavo na otingoka kate yaavo. Ovenje Molongo waavo, navo ovavaje vaanti vaane. ¹⁷ Kwahiyo," Suma kati yavo, namoteenga nevoo akelosa Bwana." Na mokegusa kemaka kechafu, na nomotenja nyenye. ¹⁸ Ovenje nseenyu korenyee, naanyu avamoje vaana vaane vaanto valome na vantovaka," Alosiye Monene orena enzi