¹ Kunamtoghotea mghathi wa kyumi. Mira mbhikie ikuji tha ndio wapfyo. Ubhabhikie ikiji bhathoro bha kyumi thaiku ni bhenyu. ² Ubhabhikie ikuji bhandu bha kika bhakeku tha bha mama bhenyu, na bhandu bhakika bhepfu, tha bha dadiokwa iela yoshe. ³ Bhaheshimunyi bhakabha pfwiriwe ni bhomi, bhayaingebho bhajane bhakeni keni. ⁴ Mirakyo kole mkaagfwiriwe ni mmi, aghire bhanakana bhachuku, bhaleke kwandha, bhajifundhe iroraheshima kwa bhandu bha kenyi kabho bhoka, bhalekenyi bhabhalihe bhaghebhaghira bhabho ficha, kwalia iki kiyanuli mothia ya Rubha. ⁵ Lakini mghepywiwa ni mmi keni ni uya areghiwe weka. Nawe abhikie ikuji yakwe kwa Rubha. Mifiri yoshe achiika hena nailomba kio na mthaghari. ⁶ Hata kwigo, mka uya achiikaa kwa findo fya bhughuri bhurwe afpwie, apfwie aekei. ⁷ Kangi ughabirikire mburi thi kimacha iku bhanaghira mlaho. ⁸ Mirakyo kole mru arami bhalolie bhabho bhakwe kangi bha kenyi kwakwe, andelegha miirikilie na ni mbhichwa ikela mru araghire miirikilie. ⁹ Hena ikyo mru wakika aandikishwe hena orotha thamru apfwiriwe ni mmiaghre umri urapungurie miaka makumi mtandatu, na mka wa mmi umwi. ¹⁰ Lathima abhe amanyikiye iku mihirire yakwe ibhe micha, ikibha niku andebhalolea bharana, kangi embha mkarimu kwa bhaghenyi, kana athambiye marende gha bhairikilie, ngetha atetherie ngebho bhake hena ilithwa bhwathi, kana akufunyire kwa kathi toshenjicha. ¹¹ Mirakyo kwa bhaya bhapfwiriwe ni bhomi ngebhefyu, legha ibhaandikishi hena orotha ya bhandu bhakika bhapfywiriwe ingia hena macha gha kimwiri hena Kristo, bhaashigha bhaondugue. ¹² Kwa iiriaho akuingira hena ndhune kwaliya iyateya ikufunya kwabho kwe bhoka. ¹³ Na kangi achiingia hena chibhiga ya bhulethi. Bho bhachijunguluka nyumba kwa nyumba. Mira kangi bhachighenda kimbai kangi bhagheingilia mburi thabhengi.Bho bhachirera mburi tirabhie irera. ¹⁴ Hena ikyo inyi nikyashigha bhandu bhakika bhepfu bha ondughwe, bhaghire bhana, bhamkie nyumba tabho, kimacha bhana mnika mndho nafathi yefutika kitalakwa ihira thambi. ¹⁵ Mirakyo bhengi bhandemghalukia mndho. ¹⁶ Kole mruwakika wowoshe airikilie aghire mruapfwiriwe ni mmi, bathi iyashighwa abaghenje, kimetha kanitha linalemewa kimacha liiriwe ni bhomi keni keni. ¹⁷ bhaghothi bhaya bhamangi bhaghe mkiya kindo kicha bhatarwe bhairikiliwe heshima kando kengi, hena bhaya bhaghemkia ilosha kirero kya Rubha. ¹⁸ Kwaliya kirero kiyarera, kunaipfunga ng'umbe mumuiki fijo,'' na "Mhiri airimishwa maliho ghakwe." ¹⁹ Kunaghuiya nyandu ya bhaghothi thari kole haghire bhaghe mkiya bhabhi kaha dhararu. ²⁰ Bhakanye bhagheteshanya mothiya ya bhandu bhoshe kimacha bhengi bhareghiwe ngetha bhaobhoha. ²¹ Niyakuma kuangujutoshe mothiya ya Rubha, na mothiya Kristo Yesu, na malaika athaghuriwe, iku zitundhe maeleketho igha bila ubaguthi wowoshe, na ikukunahira kindo kyokyoshe kwa ipendelea. ²² Kunambhiki mru wowoshe mabhoko fiya kunashiriki thambi ya uroo. Iyashighwa ukuchembe kweka ubhe kuelie. ²³ Iyakushighayo unywe mringa thoka. Kibhungi kyakwe unywe mvinyo kadubhundu bwa ndenyi na mabhuaji ghapfwo gha mifiri yoshe. ²⁴ Thambi ta baathi ya bhandu ichimanyika bila iophetha, na ichibhathongolea hena inyanyiriwa. Mirakyo thambi tingi tichi ibhari ya thaingi. ²⁵ Kwiyo kwiyo ndima tinginjicha tichimanyika kwa uwazi, mirakyo hata tingi ta thughanika to.