¹ Hena ikyo kabla ya fyoshe, nashigha mutereve, na mtatho, na iterevea na ifunya nahavache fihirwe hena vundu vwa vandu voshe, ² hena vundu vwa vamangi na voshe vake hena vu mangi, kimecha fuirime iikaa maisha gha mborere na vuhoo hena ki Ruva na shima. ³ Iki ni kicha na kivie iirikwa mothiya ti Ruva mkira weru. ⁴ We aghire ngwina ku vandu voshe vakirwe na vairime imanya keni. ⁵ Kwa ku haghire Ruva umwi umwi, na haghire mghechemba umwi maghari ya Ruva na vandu ngewe Kristo Yesu. ⁶ Akufunyire weka tha mariho gha vandu voshe tha vuonwa hena igheri lifikie. ⁷ Hena kwio inyi njeka nivikiwe nive ndume wa injili na mrumwi. Naghambakeni. Thitharera mongo nyi. Inyi ni mloshi wa mathanga hena miirikilie nakeni. ⁸ Henaikyo, ninashigha vomi kila handu valombe na vavutire mavoko ghaelie gharaghire ilihira na iraghira ikuji. ⁹ Kwio kwio nashigha vandu va kika vakurae thori tiirikiliwe, tighire shima na lekushikia, vanaghira njwii tithukiwe, kana dhahabu, kana Lulu, kana thori ta vughurivurwe. ¹⁰ Kangi nashigha varae thori tivaie vandu vakika kimecha tirore imuvoha Ruva. ¹¹ Na mndu wa kika akuloshe hena vuhoo na ikuduisha yoshe. ¹² Siirikirienyi mndu wa kika aloshe kana aghire nguju kaghu ya vomi mira aikae ha itia. ¹³ Kwa ku Adamu aledungiwe ivumbwa na niho Eva. ¹⁴ Adamu alembiwe we, mira mndu wa kika alembiwe kabitha hena ireka. ¹⁵ Hata kwio akirwa ni hena ighira vana, kole vaikaa hena miirikilie na ifurana na hena ieleshwa na kariongo njicha.