¹ Boka po Yesu ationgozwa na Roho mpaka mulijangwa ili ajaribiwe na nchela. ² Paabile atabile kwa masoba arobaini mutwekati na kiloo apatike njala. ³ Ywajariia aichile na kummakiya, "Kati wenga wa Mwana wa Nnongo.amulia maliwe aga gapangike mkate." ⁴ Lakini Yesu kanyangwa na kummakiya, "Iandikilwe,Mundu ywatama kwaa na mkate kichake ila kwa kila neno lyaliboka mu nkanwa wa Nnongo." ⁵ Boka po nchela atikumpeleka katika nnema mtakatifu na kumbeka mahali pa nnani muno pa lyengo lya hekalu, ⁶ na kummakiya, "kati wenga wa mwana wa Nnongo,ujirushe pae ,kwa mana iandikilwe, "Aamuliya malaika bake baiche kukudaka,' na, 'bakuinua kwa maboko gabe,ili kana ujikwae magolo gako katika liwe. ⁷ Yesu kammakiya, "Kae iandikilwe,"kene umjaribie Ngwana Nnongo wako." ⁸ Boka po,nchela atikuntola na kumpeleka pandu pakunani muno na atikumwonesha falme yoti ya lunia na fahari yake yoti. ⁹ Ammakiye, "Nakupea ilebe yoti yee mana unisujudie na kuniabudia." ¹⁰ Boka po Yesu ammakiye, "Yenda zako uboke pano,nchela kwa mana iandikilwe "Ikupalike kumwabudia Ngwana Nnongo wako,na umtumikiye ywembe kichake." ¹¹ Boka po nchela atikunneka,na lola malaika baichile kuntumikya. ¹² Bai Yesu payuine panga Yohana atabilwe,atiboka mpaka Galilaya, ¹³ Abokite Nazareti ayenda na tama Karpenaumu,yaibile kandokando na Baari ya Galilaya,mipakani mwa majimbo ya Zabuloni na Naftali. ¹⁴ Ayee ipangilwe ili kutimiza chelo chabayilwe na nabii Isaya. ¹⁵ Katika nnema wa Zabuloni na nnema wa Naftali,elekea Baharini, ng'ambo ya Yordani,Galilaya ya amataifa! ¹⁶ Bandu babile tama mulibendo baubweni bweya ngolo,na balo babile batama katika maeneo na kivuli cha kiwo,kunani yabe bweya yatikwaangazia." ¹⁷ Boka muda woo Yesu atumbwile hubiri na baya, "Mutubu kwa mana ufalme wa kumaunde watikaribia." ¹⁸ Paabile atyanga kandokando ya Baari ya Galilaya,ababweni alongo abele,Simoni ywabile akemelwa Petro, na Andrea kaka bake, baitega nyavu baharini,kwa mana babile wavuvi wa omba. ¹⁹ Yesu ammakiye, "Muiche mungengime,niapangite panga bavuvi wa bandu." ²⁰ Mara jimo bailekite nyavu na kungengime. ²¹ Na Yesu paabile akiyendelea boka kolyo aabweni alongo bake abele benge,Yakobo mwana wa Zebedayo,na Yohana kaka bake. Babile katika mtumbwi pamo na Zebedayo tati babe bakishona nyavu yabo. Abakemite, ²² na mara jimo ngabanneka mtumbwi na tati babo nabo bangengime. ²³ Yesu ayenda papipi na Galilaya yoti,kafundisha katika Masinagogi gabe,atihubiri injili ya ufalme,na kumponiya kila aina ya maradhi na atamwe ngati ya bandu. ²⁴ Habari yake zatienea Siria yoti,na bandu ngabanneta kwake balo boti babile bakiugua,babile na matamwe mbalimbali na maumivu,bababile na masetani,na balo babile na kifafa na balo batipooza. Yesu atikwaponya. ²⁵ Kipenga kikolo cha bandu changengime boka Galilaya,na Dekapoli,na Yerusalemu na Uyahudi na boka ng'ambo ya Yordani.