¹ Katika masoba ga Yohana Mbatizaji aichile kahubiria mu mwitu wa Yuda abaya, ² "Mutubu kwa mana ufalme wa kumaunde ubile papipi. ³ Kwa mana ayoo nga ywalongela na nabii Isaya abaya, "lilobe lya mundu ywangema boka mulijangwa, 'muibeke tayari ndela ya Ngwana,muganyooshe mapito gake." ⁴ Nambeambe Yohana awalike manyoya ya ngamiya na mkanda wa ngozi pakibuno sake. Chakulya chake kibile nzige na asali ya mmwitu. ⁵ Boka po Yerusalem,Yuda yoti,na lieneo lyoti lyatizunguka mto Yrdani bayenda kwake. ⁶ Babile batibatizwa ni ywembe katika mto Yordani na kutubu masambi yabe. ⁷ Lakini paababweni mafarisayo banyansima na masadukayo baisile kwake batizwa,aamakiye, "Mwenga mwa kibeleki cha nng'ambo ywabile na sumu nyai ywaabaonya kubutukia gazabu yaisa? ⁸ Mupambike matunda gaipalikia toba. ⁹ Na kana mufikiri na longela ngati inu, 'Tubile na Ibrahimu kati tati yitu.' Kwa mana naabakiya Nnongo aweza kubapanga bana ba Ibrahimu yema boka katika maliwe aga. ¹⁰ Tayari shoka libekilwe tayari mu mikega ya nkongo. Kwa eyo kila nkongo waupambika kwaa matunda ganoite watekwanilwa na tupwa mu mwoto. ¹¹ Naabatiza kwa mache kwa ajili ya toba. Lakini ywembe ywaisa baada yango nga nkolo kuliko nenga nastahilia kwaa hata kupotwa ilatu yake. Ywembe alowa kwabatiza kwa Roho Mpeletau na kwa mwoto. ¹² Na pepeto lyake ili luboko lwake asafisha kabisa uwanda wake na kwikusanya ngano yake ghalani.Lakini agatiniya makapi kwa mwoto ambao waweza kwaa yimika. ¹³ Boka po Yesu aichile boka Galilaya mpaka mto Yordani kubatizwa na Yohana. ¹⁴ Lakini Yohana akanikiye kumzuia abaya, "Nenga napala kubatizwa na wenga,na wenga uicha kwango?" ¹⁵ Yesu ngayangwa abaya, "Ruhusu ipangike nyoo nambeambea,kwa mana nga ipalikwe pangika kuitimiza haki yoti," Boka po Yohana atikunruhusu. ¹⁶ Baada ya pangika ubatizo,mara Yesu abokite mu mache,na lola,mbingu yatifunguka kwake. Na amweni Roho wa Nnongo atiicha kwa mfano wa ngunda na tulia nnani yake. ¹⁷ Lola.lilobe lyatiboka kumaunde lyabaya, "Ayuu nga mwana wango mpendwa.Ywanenda pendezwa nakwe muno.