¹ Bai kwabile na mpindi wa dini lina lyake Nikodemu kati ya mundu yumo kitamo cha Uyahudi. ² Mundu ywo an'yendeli Yesu kilo kumakiya mwalimu,tukutangite wenga wa mwalimu boka kwa Nnungu,ntupu mundu ywawecha panga mangelongelo aga ila ywaboka kwa Nnungu. ³ Yesu kanyangwa,uwobeli mundu awecha lii jingya kumbepo ya Nnungu wangali belekwa mara yena ibele. ⁴ Nikodemu ngayangwa,mundu awecha buli belekwa abile n'ngoi?awecha jingya ndumbo ya mau bake na belekwa? ⁵ Yesu ngayangwa,uwobeli mundu manaitei unabelekwa lii kwa mache na kwa Roho wa Nnungu,awecha lii jingya kumbepo ya Nnungu. ⁶ Chakibelekwi kwa yen'ga ni yen'ga,na chakibelekwi kwa Roho nga Roho bai. ⁷ Kana uchalange mwanja ngubakiye,lazima ubelekwe mara yenaibele. ⁸ Upepo uyula kwokwoe kwopendile na lilobe lwake wenda kuyuwa,utangali kwoboka wala kwoyenda nga mwaibile kila mundu ywabelekwi kwa Roho. ⁹ Nikodemo ngayangwa makowe aga gawezekana buli? ¹⁰ Yesu ngayangwa,wenga wa mwalimu wa Israeli ugatangite lii makowe gaa? ¹¹ Uwobeli nenda kubakiya,chelo chatukitangite twenda kichimulya lakini muobelya makowe gitu. ¹² Mana nimakiye makowe ga duniya muhubilya lii,kae mupokwa lii,mupaubelwa kwako mana nimakiye makowe ga kunani? ¹³ Kwa kitumbu ntopo ywaobwike kunani ila ywembe ywaulwike boka kunani,mwana wa Adamu. ¹⁴ Kati Musa atondobiye ng'ambo kunani,na nyonyo mwana wa Adamu apala tondobelwa kunani. ¹⁵ Kwa kitumbu kila ywamwombelya apate ukoto wangayomoka. ¹⁶ Kwa mwanja nyo Nnungu aipai dunia,kwa kitumbu apiite mwana wake wakichake,kila mundu ywamwobele apate ukoto wange yomoka. ¹⁷ Kwa kitumbu Nnungu antumite lii mwana wake kuhukumu ulimwengu lii ila ulimwengu ukombolewe petya ywembe. ¹⁸ Ywamwobelya ywembe aukumilwa lii ywakotoka kumwobelya aukumiwe,kwa kitumbu amwobeli lii mwana wa Nnungu. ¹⁹ Ayee nga hukumu yene,bweya uwichi pa duniya na bandu bapendi lubindu kwa kitumbu bandu makowe gabe gai manyatau. ²⁰ Kila mundu ywapanga yananyata achukwa bweya kitumbu makowe gake kana gabonekane. ²¹ Ywapanga makowe mapeletau aicha kubweya kitumbu makowe gake gabonekane agapangite katika Nnungu. ²² Baada ya makowe gote Yesu na banafunzi bake ngababoka na yenda Yudea akwo atumi muno kwa kitumbu andabatiza. ²³ Na Yohana abatizaye Ainea karibu na Salim kitumbu kwai na mache maingi,bandu baichange kachake na kwabatiza. ²⁴ Kwa kitumbu Yohana abile bado anatabilwa lii kuligereza. ²⁵ Boka pa papitite shindana kati ya banafunzi ba Yohana na Ayahudi kitumbu cha sikukuu ya kwigolwa. ²⁶ Bayei kwa Yohana na kumakiya,mwalimu yoloywa wabile nakwe kwiye ya Yordani,yolo ywabaite makowe gake linga andabatizwa na bandu benda kun'kengama." ²⁷ Yohana ngayangwa mundu awecha lii pokya chochote bila peyelwa na Tate kunani. ²⁸ Mwambene mwandangite panga nabaite nenga na Kristo lii kitumbu natitumilwa n'nunge yake. ²⁹ Ywembe ywabile na n'nyumbo nganalume mwene n'nyumbowe,tumbwe lelo mbwing'ale mwene ndoa andopulaika kuyowa lilobe lya mwene ndoa na yeno nga pulaika kwango kitimile. ³⁰ Apalikwa ayoloki na nenga nipalikwa pungwa. ³¹ Nywembe ywaboka kunani abile kunani ya makowe yote,ywembe ywabile pai aboka pai na alongela makowe ya pai ywembe ywaboka kunani abile kunani ga makowe gote, ³² Ywembe achimulya gayuwine na ngabona,lakini ntopo ywaobelya makowe gake. ³³ Ywembe ywayowine makowe gake ati obelya panga Nnungu nga ywakakape, ³⁴ Kwa kitumbu ywalongei makowe ga Nnungu atumilwe na Nnungu kwa kitumbu ampeya lii Roho kwa kilengo. ³⁵ Tate ampeya mwana wake na ampeya gote makowe gake mu maboko gake. ³⁶ Ywembe ywa mwobelya mwana wake abile na ukoto wangayomoka,kitumbu ywakotoka kumwobelya mwana wake apata lii ukoto kwa nyoo nyongo ya Nnungu indakuntumya.